Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

veṅkaṭeśa-stotram

वेङ्कटेश-स्तोत्रम्

Verse

कमलाकुच-चूचुक-कुङ्कुमतो नियतारुणितातुल-नीलतनो । कमलायतलोचन लोकपते विजयी भव वेङ्कटशैलपते ॥१॥

Verse

सचतुर्मुख-षण्मुख-पञ्चमुख-प्रमुखाखिलदैवतमौलिमणे । शरणागतवत्सल सारनिधे परिपालय मां वृषशैलपते ॥२॥

Verse

अतिवेलतया तव दुर्विषहैरनुवेलकृतैरपराधशतैः । भरितं त्वरितं वृषशैलपते परया कृपया परिपाहि हरे ॥३॥

Verse

अधिवेङ्कटशैलमुदारमते जनताभिमताधिकदानरतात् । परदेवतया गदितान्निगमैः कमलादयितान्न परं कलये ॥४॥

Verse

कलवेणुरवावशगोपवधू शतकोटिवृतात्स्मरकोटिसमात् । प्रतिवल्लविकाभिमतात्सुखदाद् वसुदेवसुतान्न परं कलये ॥५॥

Verse

अभिरामगुणाकर दाशरथे जगदेकधनुर्धर धीरमते । रघुनायक राम रमेश विभो वरदो भव देव दयाजलधे ॥६॥

Verse

अवनीतनया-कमनीयकरं रजनीकरचारुमुखाम्बुरुहम् । रजनीचरराजतमोमिहिरं महनीयमहं रघुराम मये ॥७॥

Verse

सुमुखं सुहृदं सुलभं सुखदं स्वनुजं च सुखायममोघशरम् । अपहाय रघूद्वहमन्यमहं न कथञ्चन कञ्चन जातु भजे ॥८॥

Verse

विना वेङ्कटेशं न नाथो न नाथः सदा वेङ्कटेशं स्मरामि स्मरामि । हरे वेङ्कटेश प्रसीद प्रसीद प्रियं वेङ्कटेश प्रयच्छ प्रयच्छ ॥९॥

Verse

अहं दूरतस्ते पदाम्भोजयुग्म- प्रणामेच्छयाऽऽगत्य सेवां करोमि । सकृत्सेवया नित्यसेवाफलं त्वं प्रयच्छ प्रयच्छ प्रभो वेङ्कटेश ॥१०॥

Verse

अज्ञानिना मया दोषानशेषान् विहितान् हरे । क्षमस्व त्वं क्षमस्व त्वं शेषशैल-शिखामणे ॥११॥

Verse

॥इति श्री-वेङ्कटेश-स्तोत्रं सम्पूर्णम्॥

veṅkaṭeśa suprabhātam
veṅkaṭeśa prapattiḥ

Read next

More on वेङ्कटेश-स्तोत्रम्

  • वेङ्कटेशाष्टकम् १Ashtakam
  • श्री वेङ्कटेश मङ्गलाष्टकम्Ashtakam
  • वेङ्कटेशाष्टकम् २Ashtakam
  • जम्बुनाथाष्टकम् (श्रीधरवेङ्कटेशाचार्यकृतम्)Ashtakam
  • श्री वेङ्कटेशाष्टोत्तरशतनामस्तोत्रम्Ashtottaranama
  • श्रीवेङ्कटेश्वराष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms