dohAvalI
carcarī
चर्चरी
Verse
नव चक्र चूडा़ नृपति मन साँवरौ, राधिका तरुनिमनि पट्टरानी । सेस ग्रह आदि बैकुंठ परिजंत सब, लोक थानैत ब्रज राजधानी ॥१॥
Verse
मेघ छ्यानवै कोटि बाग सींचत जहाँ, मुक्ति चारौ तहाँ भरति पानी । सूर ससि पाहरु पवन जन इंदिरा, चरनदासी भाट निगम बानी ॥२॥
Verse
धर्म कुतवाल सुक सूत नारद चारु, फिरत चर चारि सनकादि ग्यानी । सत्तगुन पौरिया काल बँधुवा जहाँ, कर्म बस काम रति सुख निसानी ॥३॥
Verse
कनक मरकत धरनि कुंज कुसुमिति महल, मध्यकमनीय सयनीय ठानी । पल न बिछुरत दुऊ जात नहिं तहँ कोऊ, ब्यास महलनि लिये पीकदानी ॥४॥
