dohAvalI
sāraṃga
सारंग
Verse
बृंदाबन की सोभा देखे मेरे नैन सिरात । कुंज निकुंज पुंज सुख बरसत हरषत सबकौ गात ॥
Verse
राधा मोहनके निज मंदिर महाप्रलय नहिं जात । ब्रह्मातें उपज्यो न अखंडित कबहूँ नाहिं नसात ॥
Verse
फनिपर रवि तरि नहिं बिराट महँ नहिं संध्या नहिं प्रात । माया कालरहित नित नूतन सदा फूल फल पात ॥
Verse
निरगुन सगुन ब्रह्मतें न्यारौ बिहरत सदा सुहात । ब्यास बिलास रास अदभुत गति, निगम अगोचर बात ॥
