Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

lāvanī

लावनी

Verse

रुपरसिक, मोहन, मनोज-मन-हरन, सकल-गुन-गरबीले । छैल-छबीले चपललोचन चकोर चित चटकीले ॥टेक॥

Verse

रतन-जटित सिर मुकुट लटक रहि सिमट स्याम लट घुँघरारी । बाल बिहारी कन्हैयालाल, चतुर, तेरी बलिहारी ॥

Verse

लोलक मोती कान कपोलन झलक बनी निरमल प्यारी । ज्योति उज्यारी, हमैं हरबार दरस दै गिरिधारी ॥

Verse

बिज्जुछटा-सी दंतछटा मुख देखि सरदससि सरमीले । छैल-छबीले चपललोचन चकोर चित चटकीले ॥

Verse

मंद हसन, मृदु बचन तोतले, बय किसोर भोली-भाली । करत चोचले, अमोलक अधर पीक रच रही लाली ॥

Verse

फूल गुलाब चिबुक सुंदरता, रुचिर कंठछबि बनमाली । कर सरोजमें,बुंद मेहँदी अति अमंद है प्रतिपाली ॥

Verse

फूलछरी-सी नरम कमर करधनीसब्द हैं तुरसीले । छैल-छबीले चपललोचन चकोर चित चटकीले ॥

Verse

झँगुली झीन जरीपट कछनी, स्यामल गात सुहात भले । चाल निराली, चरन कोमल पंकजके पात भले ॥

Verse

पग नूपुर झनकार परम उत्तम जसुमतिके तात भले । संग सखनके, जमुनतट गो-बछरान चरात भले ॥

Verse

ब्रज-जुवतिनकौ प्रेम निरखि कर घर-घर माखन गटकीले । छैल-छबीले, चपललोचन चकोर चित चटकीले ॥

Verse

गावैं बाग बिलास चरित हरि सरद-रैन-रस रास करैं । मुनिजन मोहैं, कृष्ण कंसादिक खल-दल नास करैं ॥

Verse

गिरिधारी महराज सदा श्रीब्रजबृंदाबन बास करैं । हरिचरित्रकों स्त्रवन सुन-सुन करि अति अभिलाष करैं ॥

Verse

हाथ जोरि करि करे बीनती ’नारायन’ दिल दरदीले । छैल-छबीले चपललोचन चकोर चित चटकीले ॥

bihāga
kāliṃgaड़ā

Read next

More on लावनी

  • राग धुन लावनी - ताल कहरवाDohavali
  • लावनी, धुन लावनी - ताल कहरवाDohavali
  • लावनी, धुन लावनी - ताल कहरवाDohavali
  • लावनी (मारवाड़ी बोली)Dohavali
  • राग लावनीDohavali
  • धुन लावनी - ताल कहरवाDohavali

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms