cAlIsA
śrī śani cālīsā
श्री शनि चालीसा
Verse
जयति जयति शनिदेव दयाला । करत सदा भक्तन प्रतिपाला ॥
Verse
चारि भुजा, तनु श्याम विराजै । माथे रतन मुकुट छवि छाजै ॥
Verse
परम विशाल मनोहर भाला । टेढ़ी दृष्टि भृकुटि विकराला ॥
Verse
कुण्डल श्रवण चमाचम चमके । हिये माल मुक्तन मणि दमके ॥
Verse
कर में गदा त्रिशूल कुठारा । पल बिच करैं आरिहिं संहारा ॥
Verse
पिंगल, कृष्णों, छाया, नन्दन । यम, कोणस्थ, रौद्र, दुख भंजन ॥
Verse
सौरी, मन्द, शनि, दश नामा । भानु पुत्र पूजहिं सब कामा ॥
Verse
जा पर प्रभु प्रसन्न है जाहीं । रंकहुं राव करैंक्षण माहीं ॥
Verse
पर्वतहू तृण होई निहारत । तृण हू को पर्वत करि डारत ॥
Verse
राज मिलत बन रामहिं दीन्हो । कैकेइहुं की मति हरि लीन्हों ॥
Verse
बनहूं में मृग कपट दिखाई । मातु जानकी गई चतुराई ॥
Verse
लखनहिं शक्ति विकल करि डारा । मचिगा दल में हाहाकारा ॥
Verse
रावण की गति-मति बौराई । रामचन्द्र सों बैर बढ़ाई ॥
Verse
दियो कीट करि कंचन लंका । बजि बजरंग बीर की डंका ॥
Verse
नृप विक्रम पर तुहि पगु धारा । चित्र मयूर निगलि गै हारा ॥
Verse
हार नौलाखा लाग्यो चोरी । हाथ पैर डरवायो तोरी ॥
Verse
भारी दशा निकृष्ट दिखायो । तेलिहिं घर कोल्हू चलवायो ॥
Verse
विनय राग दीपक महं कीन्हों । तब प्रसन्न प्रभु है सुख दीन्हों ॥
Verse
हरिश्चन्द्र नृप नारि बिकानी । आपहुं भरे डोम घर पानी ॥
Verse
तैसे नल परदशा सिरानी । भूंजी-मीन कूद गई पानी ॥
Verse
श्री शंकरहि गहयो जब जाई । पार्वती को सती कराई ॥
Verse
तनिक विलोकत ही करि रीसा । नभ उड़ि गयो गौरिसुत सीसा ॥
Verse
पाण्डव पर भै दशा तुम्हारी । बची द्रौपदी होति उघारी ॥
Verse
कौरव के भी गति मति मारयो । युद्घ महाभारत करि डारयो ॥
Verse
रवि कहं मुख महं धरि तत्काला । लेकर कूदि परयो पाताला ॥
Verse
शेष देव-लखि विनती लाई । रवि को मुख ते दियो छुड़ई ॥
Verse
वाहन प्रभु के सात सुजाना । जग दिग्ज गर्दभ मृग स्वाना ॥
Verse
जम्बुक सिंह आदि नखधारी । सो फल जज्योतिष कहत पुकारी ॥
Verse
गज वाहन लक्ष्मी गृह आवैं । हय ते सुख सम्पत्ति उपजावैं ॥
Verse
गर्दभ हानि करै बहु काजा । गर्दभ सिद्घ कर राज समाजा ॥
Verse
जम्बुक बुद्घि नष्ट कर डारै । मृग दे कष्ट प्रण संहारै ॥
Verse
जब आवहिं प्रभु स्वान सवारी । चोरी आदि होय डर भारी ॥
Verse
तैसहि चारि चरण यह नामा । स्वर्ण लौह चांजी अरु तामा ॥
Verse
लौह चरण पर जब प्रभु आवैं । धन जन सम्पत्ति नष्ट करावै ॥
Verse
समता ताम्र रजत शुभकारी । स्वर्ण सर्व सुख मंगल कारी ॥
Verse
जो यह शनि चरित्र नित गावै । कबहुं न दशा निकृष्ट सतावै ॥
Verse
अदभुत नाथ दिखावैं लीला । करैं शत्रु के नशि बलि ढीला ॥
Verse
जो पण्डित सुयोग्य बुलवाई । विधिवत शनि ग्रह शांति कराई ॥
Verse
पीपल जल शनि दिवस चढ़ावत । दीप दान दै बहु सुख पावत ॥
Verse
कहत रामसुन्दर प्रभु दासा । शनि सुमिरत सुख होत प्रकाशा ॥
Verse
॥ दोहा ॥
Verse
पाठ शनिश्चर देव को, की हों विमल तैयार । करत पाठ चालीस दिन, हो भवसागर पार ॥
