cAlIsA
śani deva cālīsā
शनि देव चालीसा
Verse
॥ दोहा ॥
Verse
जय गणेश गिरिजा सुवन , मंगल करण कृपाल। दीनन के दुःख दूर करि , कीजै नाथ निहाल॥
Verse
जय जय श्री शनिदेव प्रभु , सुनहु विनय महाराज। करहु कृपा हे रवि तनय , राखहु जन की लाज॥
Verse
॥ चौपाई ॥
Verse
जयति जयति शनिदेव दयाला। करत सदा भक्तन प्रतिपाला॥
Verse
चारि भुजा , तनु श्याम विराजै। माथे रतन मुकुट छवि छाजै॥
Verse
परम विशाल मनोहर भाला। टेढ़ी दृष्टि भृकुटि विकराला॥
Verse
कुण्डल श्रवण चमाचम चमके। हिये माल मुक्तन मणि दमके॥
Verse
कर में गदा त्रिशूल कुठारा। पल बिच करैं अरिहिं संहारा॥
Verse
पिंगल , कृष्णों , छाया , नन्दन। यम , कोणस्थ , रौद्र , दुःख भंजन॥
Verse
सौरी , मन्द , शनि , दशनामा। भानु पुत्र पूजहिं सब कामा॥
Verse
जा पर प्रभु प्रसन्न है जाहीं। रंकहुं राव करैं क्षण माहीं॥
Verse
पर्वतहू तृण होई निहारत। तृणहू को पर्वत करि डारत॥
Verse
राज मिलत वन रामहिं दीन्हो। कैकेइहुं की मति हरि लीन्हो॥
Verse
बनहूं में मृग कपट दिखाई। मातु जानकी गयी चुराई॥
Verse
लखनहिं शक्ति विकल करिडारा। मचिगा दल में हाहाकारा॥
Verse
रावण की गति मति बौराई। रामचन्द्र सों बैर बढ़ाई॥
Verse
दियो कीट करि कंचन लंका। बजि बजरंग बीर की डंका॥
Verse
नृप विक्रम पर तुहि पगु धारा। चित्र मयूर निगलि गै हारा॥
Verse
हार नौलाखा लाग्यो चोरी। हाथ पैर डरवायो तोरी॥
Verse
भारी दशा निकृष्ट दिखायो। तेलिहिं घर कोल्हू चलवायो॥
Verse
विनय राग दीपक महँ कीन्हों। तब प्रसन्न प्रभु है सुख दीन्हों॥
Verse
हरिश्चन्द्र नृप नारि बिकानी। आपहुँ भरे डोम घर पानी॥
Verse
तैसे नल पर दशा सिरानी। भूँजी - मीन कूद गयी पानी॥
Verse
श्री शंकरहि गहयो जब जाई। पार्वती को सती कराई॥
Verse
तनिक विलोकत ही करि रीसा। नभ उड़ि गयो गौरिसुत सीसा॥
Verse
पाण्डव पर भै दशा तुम्हारी। बची द्रोपदी होति उघारी॥
Verse
कौरव के भी गति मति मारयो। युद्ध महाभारत करि डारयो॥
Verse
रवि कहं मुख महं धरि तत्काला। लेकर कूदि परयो पाताला॥
Verse
शेष देव - लखि विनती लाई। रवि को मुख ते दियो छुड़ाई॥
Verse
वाहन प्रभु के सात सुजाना। हय दिग्ज गर्दभ मृग स्वाना॥
Verse
जम्बुक सिंह आदि नख धारी। सो फल ज्योतिष कहत पुकारी॥
Verse
गज वाहन लक्ष्मी गृह आवैं। हय ते सुख सम्पत्ति उपजावै॥
Verse
गर्दभ हानि करै बहु काजा। सिंह सिद्धकर राज समाजा॥
Verse
जम्बुक बुद्धि नष्ट कर डारै। मृग दे कष्ट प्राण संहारै॥
Verse
जब आवहिं प्रभु स्वान सवारी। चोरी आदि होय डर भारी॥
Verse
तैसहि चारि चरण यह नामा। स्वर्ण लौह चाँजी अरु तामा॥
Verse
लौह चरण पर जब प्रभु आवैं। धन जन सम्पत्ति नष्ट करावै॥
Verse
समता ताम्र रजत शुभकारी। स्वर्ण सर्वसुख मंगल कारी॥
Verse
जो यह शनि चरित्र नित गावै। कबहुं न दशा निकृष्ट सतावै॥
Verse
अदभुत नाथ दिखावैं लीला। करैं शत्रु के नशि बलि ढीला॥
Verse
जो पण्डित सुयोग्य बुलवाई। विधिवत शनि ग्रह शान्ति कराई॥
Verse
पीपल जल शनि दिवस चढ़ावत। दीप दान दै बहु सुख पावत॥
Verse
कहत राम सुन्दर प्रभु दासा। शनि सुमिरत सुख होत प्रकाशा॥
Verse
॥ दोहा ॥
Verse
पाठ शनिश्चर देव को , कीन्हों विमल तैयार। करत पाठ चालीस दिन , हो भवसागर पार॥
