cAlIsA
śrī śani cālīsā
श्री शनि चालीसा
Verse
जय गनेश गिरिजा सुवन । मंगल करण कृपाल ।
Verse
दीनन के दुःख दूर करि । कीजै नाथ निहाल ।
Verse
जय जय श्री शनिदेव प्रभु । सुनहु विनय महाराज ।
Verse
करहु कृपा हे रवि तनय । राखहु जन की लाज ।
Verse
जयति जयति शनिदेव दयाला । करत सदा भक्तन प्रतिपाला ॥
Verse
चारि भुजा तनु श्याम विराजै । माथे रतन मुकुट छवि छाजै ॥
Verse
परम विशाल मनोहर भाला । टेढ़ी दृष्टि भृकुटि विकराला ॥
Verse
कुण्डल श्रवण चमाचम चमके । हिय माल मुक्तन मणि दमके ॥
Verse
कर में गदा त्रिशूल कुठारा । पल बिच करैं अरिहिं संसारा ॥
Verse
पिंगल कृष्ण छाया नन्दन । यम कोणस्थ रौद्र दुःखभंजन ॥
Verse
सौरी मन्द शनि दशनामा । भानु पुत्र पूजहिं सब कामा ॥
Verse
जापर प्रभु प्रसन्न हो जाहीं । रंकहुँ राव करै क्षण माहीं ॥
Verse
पर्वतहुँ तृण होइ निहारत । तृणहुँ को पर्वत करि डारत ॥
Verse
राज मिलत बन रामहिं दीन्हा । कैकेइहुँ की मति हरि लीन्हा ॥
Verse
बनहुँ में मृग कपट दिखाई । मातु जानकी गई चुराई ॥
Verse
लखनहिं शक्ति विकल करि डारा । मचिगा दल में हाहाकारा ॥
Verse
रावण की गति मति बौराई । रामचन्द्र सों बैर बढ़ाई ॥
Verse
दियो कीट करि कंचन लंका । बजि बजरंग वीर की डंका ॥
Verse
नृप विक्रम पर तुहि पगु धारा । चित्र मयूर निगलि गै हारा ॥
Verse
हार नौलखा लाग्यो चोरी । हाथ पैर डरवायो तोरी ॥
Verse
भारी दशा निकृष्ट दिखायो । तेलिहिं घर कोल्हू चलवायो ॥
Verse
विनय राग दीपक महँ कीन्हों । तब प्रसन्न प्रभु है सुख दीन्हों ॥
Verse
हरिश्चन्द्र नृप नारि बिकानी । आपहुँ भरे डोम घर पानी ॥
Verse
तैसे नल पर दशा सिरानी । भूँजी-मीन कूद गई पानी ॥
Verse
श्री शंकरहि गहयो जब जाई । पार्वती को सती कराई ॥
Verse
तनिक विलोकत ही करि रीसा । नभ उड़ि गयो गौरिसुत सीसा ॥
Verse
पाण्डव पर भै दशा तुम्हारी । बची द्रौपदी होति उघारी ॥
Verse
कौरव के भी गति मति मारयो । युद्ध महाभारत करि डारयो ॥
Verse
रवि कहँ मुख महँ धरि तत्काला । लेकर कूदि परयो पाताला ॥
Verse
शेष देव लखि विनती लाई । रवि को मुख ते दियो छुड़ाई ॥
Verse
वाहन प्रभु के सात सुजाना । हय दिग्गज गर्दभ मृग स्वाना ॥
Verse
जम्बुक सिंह आदि नखधारी । सो फल ज्योतिष कहत पुकारी ॥
Verse
गज वाहन लक्ष्मी गृह आवैं । हय ते सुख सम्पत्ति उपजावैं ॥
Verse
गर्दभ हानि करै बहु काजा । सिंह सिद्धकर राज समाजा ॥
Verse
जम्बुक बुद्धि नष्ट कर डारै । मृग दे कष्ट प्राण संहारै ॥
Verse
जब आवहिं प्रभु स्वान सवारी । चोरी आदि होय डर भारी ॥
Verse
तैसहि चारि चरण यह नामा । स्वर्ण लौह चाँदी अरु तामा ॥
Verse
लौह चरण पर जब प्रभु आवैं । धन जन सम्पत्ति नष्ट करावैं ॥
Verse
समता ताम्र रजत शुभकारी । स्वर्ण सर्वसुख मंगलकारी ॥
Verse
जो यह शनि चरित्र नित गावै । कबहुँ न दशा निकृष्ट सतावै ॥
Verse
अद्भुत नाथ दिखावैं लीला । करैं शत्रु के नाशि बलि ढीला ॥
Verse
जो पण्डित सुयोग्य बुलवाई । विधिवत शनि ग्रह शान्ति कराई ॥
Verse
पीपल जल शनि दिवस चढ़ावत । दीप दान दै बहु सुख पावत ॥
Verse
कहत रामसुन्दर प्रभु दासा । शनि सुमिरत सुख होत प्रकाशा ॥
Verse
पाठ शनिश्चर देव को, कीन्हों विमल तैयार । करत पाठ चालीसा दिन, होय दुःख सागर पार ॥
Verse
ॐ शं शनैश्चराय नमः ॥
