Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrīrāmāṣṭottaraśatanāmastotram

श्रीरामाष्टोत्तरशतनामस्तोत्रम्

Verse

सहस्रशीर्ष्णे वै तुभ्यं सहस्राक्षाय ते नमः । नमस्सहस्रहस्ताय सहस्रचरणाय च ॥१॥

Verse

नमो जीमूतवर्णाय नमस्ते विश्वतोमुख! । अच्युताय नमस्तुभ्यं नमस्ते शेषशायिने ॥२॥

Verse

नमो हिरण्यगर्भाय पंचभूतात्मने नमः । नमो मूलप्रकृतये देवानां हितकारिणे ॥३॥

Verse

नमस्ते सर्वलोकेश सर्वदुःखनिषूदन । शंखचक्रगदापद्मजटामकुटधारिणे ॥४॥

Verse

नमो गर्भाय तत्त्वाय ज्योतिषां ज्योतिषे नमः । ओं नमो वासुदेवाय नमो दशरथात्मज ॥५॥

Verse

नमो नमस्ते राजेन्द्र सर्वसंपत्प्रदायक । नमः कारुण्यरूपाय कैकेयीप्रियकारिणे ॥६॥

Verse

नमो दान्ताय शान्ताय विश्वामित्रप्रियाय ते । यज्ञेशाय नमस्तुभ्यं नमस्ते क्रतुपालक ॥७॥

Verse

नमो नमः केशवाय नमो नाथाय शार्ङ्गिणे । नमस्ते रामचन्द्राय नमो नारायणाय च ॥८॥

Verse

नमस्ते रामभद्राय माधवाय नमो नमः । गोविन्दाय नमस्तुभ्यं नमस्ते परमात्मने ॥९॥

Verse

नमो विष्णुस्वरूपाय रघुनाथाय ते नमः । नमस्ते नाथ नाथाय नमस्ते मधुसूदन ॥१०॥

Verse

त्रिविक्रम नमस्तेऽस्तु सीतायाः पतये नमः । वामनाय नमस्तुभ्यं नमस्ते राघवाय च ॥११॥

Verse

नमो नमः श्रीधराय जानकीवल्लभाय च । नमस्तेऽस्तु हृषीकेश कन्दर्पाय नमो नमः ॥१२॥

Verse

नमस्ते पद्मनाभाय कौसल्याहर्षकारिणे । नमो राजीवनयन नमस्ते लक्ष्मणाग्रज ॥१३॥

Verse

नमो नमस्ते काकुत्स्थ नमो दामोदराय च । विभीषणपरित्रातर्नमः संकर्षणाय च ॥१४॥

Verse

वासुदेवनमस्तेऽस्तु नमस्ते शंकरप्रिय । प्रद्युम्नाय नमस्तुभ्यमनिरुद्धाय ते नमः ॥१५॥

Verse

सदसद्व्यक्तिरूपाय नमस्ते पुरुषोत्तम । अधोक्षज नमस्तेऽस्तु सप्तसालहराय च ॥१६॥

Verse

खरदूषणसंहर्त्रे श्रीनृसिंहाय ते नमः । अच्युताय नमस्तुभ्यं नमस्ते सेतुबन्धक ॥१७॥

Verse

जनार्दन नमस्तेऽस्तु नमो हनुमदाश्रय । उपेन्द्रचन्द्रवन्द्याय मारीचमथनाय च ॥१८॥

Verse

नमो बालिप्रहरण नमस्सुग्रीवराज्यद । जामदग्न्यमहादर्पहराय हरये नमः ॥१९॥

Verse

नमो नमस्ते कृष्णाय नमस्ते भरताग्रज । नमस्ते पितृभक्ताय नमश्शत्रुघ्नपूर्वज ॥२०॥

Verse

अयोध्याधिपते तुभ्यं नमश्शत्रुघ्नसेवित । नमो नित्याय सत्याय बुद्ध्याभिज्ञानरूपिणे ॥२१॥

Verse

अद्वैतब्रह्मरूपाय ज्ञानगम्याय ते नमः । नमः पूर्णाय रम्याय माधवाय चिदात्मने ॥२२॥

Verse

अयोध्येशाय श्रेष्ठाय चिन्मात्राय परात्मने । नमोऽहल्योद्धारणाय नमस्ते चापभङ्गिने ॥२३॥

Verse

सीतारामाय सेव्याय स्तुत्याय परमेष्ठिने । नमस्ते बाणहस्ताय नमः कोदण्डधारिणे ॥२४॥

Verse

नमः कबन्धहन्त्रे च बालिहन्त्रे नमोऽस्तु ते । नमस्तेस्तु दशग्रीवप्राणसंहारकारिणे ॥२५॥

śrī sudarśanāṣṭottaraśatanāma stotraṃ
gaṇeśāṣṭottaraśatanāmastotram

Read next

More on श्रीरामाष्टोत्तरशतनामस्तोत्रम्

  • श्रीरामाष्टोत्तरशतनामस्तोत्रम्Ashtottaranama
  • रकारादि श्रीरामाष्टोत्तरशतनामस्तोत्रम्Ashtottaranama
  • श्रीरामाष्टोत्तरशतनामस्तोत्रम्Ashtottaranama
  • श्रीरामाष्टोत्तरशतनामस्तोत्रम्Ashtottaranama
  • श्रीरामरहस्योक्त श्रीरामाष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms