Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

toṭakāṣṭakam

तोटकाष्टकम्

Verse

शङ्करं शङ्कराचार्यं केशवं बादरायणम् । सूत्रभाष्यकृतौ वन्दे भगवन्तौ पुनः पुनः ॥

Verse

नारायणं पद्मभुवं वसिष्ठं शक्तिं च तत्पुत्रपराशरं च व्यासं शुकं गौडपदं महान्तं गोविन्दयोगीन्द्रमथास्य शिष्यम् । श्री-शङ्कराचार्यमथास्य पद्मपादं च हस्तामलकं च शिष्यं तं तोटकं वार्तिककारमन्यानस्मद्गुरून् सन्ततमानतोऽस्मि ॥

Verse

विदिताखिल-शास्त्र-सुधा-जलधे महितोपनिषत्-कथितार्थ-निधे । हृदये कलये विमलं चरणं भव शङ्कर देशिक मे शरणम् ॥१॥

Verse

करुणा-वरुणालय पालय मां भव-सागर-दुःख-विदून-हृदम् । रचयाखिल-दर्शन-तत्त्व-विदं भव शङ्कर देशिक मे शरणम् ॥२॥

Verse

भवता जनता सुहिता भविता निज-बोध-विचारण-चारु-मते । कलयेश्वर-जीव-विवेक-विदं भव शङ्कर देशिक मे शरणम् ॥३॥

Verse

भव एव भवानिति मे नितरां समजायत चेतसि कौतुकिता । मम वारय मोह-महा-जलधिं भव शङ्कर देशिक मे शरणम् ॥४॥

Verse

सुकृतेऽधिकृते बहुधा भवतो भविता सम-दर्शन-लालसता । अतिदीनमिमं परिपालय मां भव शङ्कर देशिक मे शरणम् ॥५॥

Verse

जगतीमवितुं कलिताकृतयो विचरन्ति महा-महसश्छलतः । अहिमांशुरिवात्र विभासि पुरो भव शङ्कर देशिक मे शरणम् ॥६॥

Verse

गुरु-पुङ्गव पुङ्गव-केतन ते समतामयतां न हि कोऽपि सुधीः । शरणागत-वत्सल तत्त्व-निधे भव शङ्कर देशिक मे शरणम् ॥७॥

Verse

विदिता न मया विशदैक-कला न च किञ्चन काञ्चनमस्ति गुरो । द्रुतमेव विधेहि कृपां सहजां भव शङ्कर देशिक मे शरणम् ॥८॥

Verse

॥इति श्री-तोटकाचार्यविरचितं श्री-तोटकाष्टकं सम्पूर्णम्॥

gurvaṣṭakam
kāmākṣī suprabhātam

Read next

More on तोटकाष्टकम्

  • तोटकाष्टकंAshtakam
  • तोटकाष्टकम्Ashtakam
  • तोटकाष्टकंAshtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms