Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

toṭakāṣṭakaṃ

तोटकाष्टकं

Verse

शंकरं शंकराचार्यं केशवं बादरायणम् । सूत्रभाष्यकृतौ वन्दे भगवन्तौ पुनः पुनः॥

Verse

नारायणं पद्मभुवं वसिष्ठं शक्तिं च तत्पुत्रपराशरं च । व्यासं शुकं गौडपदं महान्तं गोविन्दयोगीन्द्रमथास्य शिष्यम्॥

Verse

श्री शंकराचार्यमथास्य पद्मपादं च हस्तामलकं च शिष्यम् ।

Verse

तं तोटकं वातिर्ककारमन्यानस्मद्गुरून् संततमानतो ।

Verse

अस्मि विदिताखिलशास्त्रसुधाजलधे महितोपनिषत् कथितार्थनिधे । हृदये कलये विमलं चरणं भव शंकर देशिक मे शरणम्॥१॥

Verse

करुणावरुणालय पालय मां भवसागरदुःखविदूनहृदम् । रचयाखिलदर्शनतत्त्वविदं भव शंकर देशिक मे शरणम्॥२॥

Verse

भवता जनता सुहिता भविता निजबोधविचारण चारुमते । कलयेश्वरजीवविवेकविदं भव शंकर देशिक मे शरणम्॥३॥

Verse

भव एव भवानिति मे नितरां समजायत चेतसि कौतुकिता । मम वारय मोहमहाजलधिं भव शंकर देशिक मे शरणं॥४॥

Verse

सुकृते . अधिकृते बहुधा भवतो भविता समदर्शनलालसता । अतिदीनमिमं परिपालय मां भव शंकर देशिक मे शरणम्॥५॥

Verse

जगतीमवितुं कलिताकृतयो विचरन्ति महामहसश्छलतः । अहिमांशुरिवात्र विभासि गुरो भव शंकर देशिक मे शरणम्॥६॥

Verse

गुरुपुंगव पुंगवकेतन ते समतामयतां नहि को . अपि सुधीः । शरणागतवत्सल तत्त्वनिधे भव शंकर देशिक मे शरणम्॥७॥

Verse

विदिता न मया विशदैककला न च किंचन काञ्चनमस्ति गुरो । द्रुतमेव विधेहि कृपां सहजां भव शंकर देशिक मे शरणम्॥८॥

paśupatyaṣṭakam
jambunātāṣṭakam

Read next

More on तोटकाष्टकं

  • तोटकाष्टकंAshtakam
  • तोटकाष्टकम्Ashtakam
  • तोटकाष्टकम्Stotra

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms