stotrasangraha
hayagrīvāṣṭottaraśatanāmastotram
हयग्रीवाष्टोत्तरशतनामस्तोत्रम्
Verse
वन्दे पूरितचन्द्रमण्डलगतं श्वेतारविन्दासनं मन्दाकिन्यमृताब्धिकुन्दकुमुदक्षीरेन्दुहासं हरिम् । मुद्रापुस्तकशङ्खचक्रविलसच्छ्रीमद्भुजामण्डितं नित्यं निर्मलभारतीपरिमलं विश्वेशमश्वाननम् ॥१॥
Verse
ज्ञानानन्दमयं देवं निर्मलं स्फटिकाकृतिम् । आधारं सर्वविद्यानां हयग्रीवमुपास्महे ॥
Verse
हयग्रीवो महाविष्णुः केशवो मधुसूदनः । गोविन्दः पुण्डरीकाक्षो विष्णुर्विश्वम्भरो हरिः ॥२॥
Verse
आदित्यः सर्ववागीशः सर्वाधारः सनातनः । निराधारो निराकारो निरीशो निरुपद्रवः ॥३॥
Verse
निरञ्जनो निष्कलङ्को नित्यतृप्तो निरामयः । चिदानन्दमयः साक्षी शरण्यः सर्वदायकः ॥४॥
Verse
श्रीमान् लोकत्रयाधीशः शिवः सारस्वतप्रदः । वेदोद्धर्त्ता वेदनिधिर्वेदवेद्यः प्रभूतनः ॥५॥
Verse
पूर्णः पूरयिता पुण्यः पुण्यकीर्तिः परात्परः । परमात्मा परञ्ज्योतिः परेशः पारगः परः ॥६॥
Verse
र्सर्ववेदात्मको विद्वान् वेदवेदाङ्गपारगः । सकलोपनिषद्वेद्यो निष्कलः सर्वशास्त्रकृत् ॥७॥
Verse
अक्षमालाज्ञानमुद्रायुक्तहस्तो वरप्रदः । पुराणपुरुषः श्रेष्ठः शरण्यः परमेश्वरः ॥८॥
Verse
शान्तो दान्तो जितक्रोधो जितामित्रो जगन्मयः । जगन्मृत्युहरो जीवो जयदो जाड्यनाशनः ॥९॥
Verse
जनप्रियो जनस्तुत्यो जापकप्रियकृत् प्रभुः । विमलो विश्वरूपश्च विश्वगोप्ता विधिस्तुतः ॥१०॥
Verse
विधीन्द्रशिवसंस्तुत्यः शान्तिदः क्षान्तिपारगः । श्रेयप्रदः श्रुतिमयः श्रेयसां पतिरीश्वरः ॥११॥
Verse
अच्युतोऽनन्तरूपश्च प्राणदः पृथिवीपतिः । अव्यक्तो व्यक्तरूपश्च सर्वसाक्षी तमोहरः ॥१२॥
Verse
अज्ञाननाशको ज्ञानी पूर्णचन्द्रसमप्रभः । ज्ञानदो वाक्पतिर्योगी योगीशः सर्वकामदः ॥१३॥
Verse
महायोगी महामौनी मौनीशः श्रेयसां पतिः । हंसः परमहंसश्च विश्वगोप्ता विराट् स्वराट् ॥१४॥
Verse
शुद्धस्फटिकसङ्काशो जटामण्डलसंयुतः । आदिमध्यान्तरहितः सर्ववागीश्वरेश्वरः ॥१५॥
Verse
॥इति श्री-हयग्रीवाष्टोत्तरशतनामस्तोत्रं सम्पूर्णम्॥
