Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

bhāga 8

भाग ८

Verse

रामराज्यकी महिमा राम राज राजत सकल धरम निरत नर नारि । राग न रोष न दोष दुख सुलभ पदारथ चारि ॥

Verse

राम राज संतोष सुख घर बन सकल सुपास । तरु सुरतरु सुरधेनु महि अभिमत भोग बिलास ॥

Verse

खेती बनि बिद्या बनिज सेवा सिलिप सुकाज । तुलसी सुरतरु सरिस सब सुफल राम कें राज ॥

Verse

दंड जतिन्ह कर भेद जहँ नर्तक नृत्य समाज । जीतहु मनहिं सुनिअ अस रामचंद्र कें राज ॥

Verse

कोपें सोच न पोच कर करिअ निहोर न काज । तुलसी परमिति प्रीति की रीति राम कें राज ॥

Verse

श्रीरामकी दयालुता मुकुर निरखि मुख राम भ्रू गनत गुनहि दै दोष । तुलसी से सठ सेवकन्हि लखि जनि परहिं सरोष ॥

Verse

श्रीरामकी धर्मधुरन्धरता सहसनाम मुनि भनित सुनि तुलसी बल्लभ नाम । सकुचित हियँ हँसि निरखि सिय धरम धुरंधर राम ॥

Verse

श्रीसीताजीका अलौकिक प्रेम गौतम तिय गति सुरति करि नहिं परसति पग पानि । मन बिहँसे रघुबंसमनि प्रीति अलौकिक जानि ॥

Verse

श्रीरामकी कीर्ति तुलसी बिलसत नखत निसि सरद सुधाकर साथ । मुकुता झालरि झलक जनु राम सुजसु सिसु हाथ ॥

Verse

रघुपति कीरति कामिनी क्यों कहै तुलसीदासु । सरद अकास प्रकास ससि चारु चिबुक तिल जासु ॥

Verse

प्रभु गुन गन भूषन बसन बिसद बिसेष सुबेस । राम सुकीरति कामिनी तुलसी करतब केस ॥

Verse

राम चरित राकेस कर सरिस सुखद सब काहु । सज्जन कुमुद चकोर चित हित बिसेषि बड़ लाहु ॥

Verse

रघुबर कीरति सज्जननि सीतल खलनि सुताति । ज्यों चकोर चय चक्कवनि तुलसी चाँदनि राति ॥

Verse

रामकथाकी महिमा राम कथा मंदाकिनी चित्रकूट चित चारु । तुलसी सुभग सनेह बन सिय रघुबीर बिहारु ॥

Verse

स्याम सुरभि पय बिसद अति गुनद करहिं सब पान । गिरा ग्राम्य सिय राम जस गावहिं सुनहिं सुजान ॥

Verse

हरि हर जस सुर नर गिरहुँ बरनहिं सुकबि समाज । हाँड़ी हाटक घटित चरु राँधे स्वाद सुनाज ॥

Verse

राममहिमाकी अज्ञेयता तिल पर राखेउ सकल जग बिदित बिलोकत लोग । तुलसी महिमा राम की कौन जानिबे जोग ॥

bhāga 7
bhāga 9

Read next

More on भाग

  • विराट भगवान की आरतीAartis
  • श्री विष्णु भगवान की आरतीAartis
  • भगवान सूर्य की आरतीAartis
  • भगवान श्रीकृष्ण जी की आरतीAartis
  • भगवान नटवर जी की आरतीAartis
  • भगवान श्री कृष्ण की आरतीAartis

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms