dohAvalI
bhāga 6
भाग ६
Verse
सोरठा अस बिचारि मतिधीर तजि कुतर्क संसय सकल । भजहु राम रघुबीर करुनाकर सुंदर सुखद ॥
Verse
भाव बस्य भगवान सुख निधान करुना भवन । तजि ममता मद मान भजिअ सदा सीता रवन ॥
Verse
कहहिं बिमलमति संत बेद पुरान बिचारि अस । द्रवहिं जानकी कंत तब छूटै संसार दुख ॥
Verse
बिनु गुरु होइ कि ग्यान ग्यान कि होइ बिराग बिनु । गावहिं बेद पुरान सुख कि लहिअ हरि भगति बिनु ॥
Verse
दोहा रामचंद्र के भजन बिनु जो चह पद निर्बान । ग्यानवंत अपि सो नर पसु बिनु पूँछ बिषान ॥
Verse
जरउ सो संपति सदन सुखु सुहृद मातु पितु भाइ । सनमुख होत जो रामपद करइ न सहस सहाइ ॥
Verse
सेइ साधु गुरु समुझि सिखि राम भगति थिरताइ । लरिकाई को पैरिबो तुलसी बिसरि न जाइ ॥
Verse
रामसेवककी महिमा सबइ कहावत राम के सबहि राम की आस । राम कहहिं जेहि आपनो तेहि भजु तुलसीदास ॥
Verse
जेहि सरीर रति राम सों सोइ आदरहिं सुजान । रुद्रदेह तजि नेहबस बानर भे हनुमान ॥
Verse
जानि राम सेवा सरस समुझि करब अनुमान । पुरुषा ते सेवक भए हर ते भे हनुमान ॥
Verse
तुलसी रघुबर सेवकहि खल डाटत मन माखि । बाजराज के बालकहि लवा दिखावत आँखि ॥
Verse
रावन रिपुके दास तें कायर करहिं कुचालि । खर दूषन मारीच ज्यों नीच जाहिंगे कालि ॥
Verse
पुन्य पाप जस अजस के भावी भाजन भूरि । संकट तुलसीदास को राम करहिंगे दूरि ॥
Verse
खेलत बालक ब्याल सँग मेलत पावक हाथ । तुलसी सिसु पितु मातु ज्यों राखत सिय रघुनाथ ॥
Verse
तुलसी दिन भल साहु कहँ भली चोर कहँ राति । निसि बासर ता कहँ भलो मानै राम इताति ॥
Verse
राम महिमा तुलसी जाने सुनि समुझि कृपासिंधु रघुराज । महँगे मनि कंचन किए सौंधे जग जल नाज ॥
Verse
रामभजनकी महिमा सेवा सील सनेह बस करि परिहरि प्रिय लोग । तुलसी ते सब राम सों सुखद सँजोग बियोग ॥
Verse
चारि चहत मानस अगम चनक चारि को लाहु । चारि परिहरें चारि को दानि चारि चख चाहु ॥
