dohAvalI
bhāga 24
भाग २४
Verse
साधनसे मनुष्य ऊपर उठता है और साधन बिना गिर जाता है उरबी परि कलहीन होइ ऊपर कलाप्रधान । तुलसी देखु कलाप गति साधन घन पहिचान ॥
Verse
सज्जनोको दुष्टोंका संग भी मङ्गलदायक होता है तुलसी संगति पोच की सुजनहि होति म-दानि । ज्यों हरि रूप सुताहि तें कीनि गोहारि आनि ॥
Verse
कलियुगमें कुटिलताकी वृद्धि कलि कुचालि सुभ मति हरनि सरलै दंडै चक्र । तुलसी यह निहचय भई बाढ़ि लेति नव बक्र ॥
Verse
आपसमें मेल रखना उत्तम है गो खग खे खग बारि खग तीनों माहिं बिसेक । तुलसी पीवैं फिरि चलैं रहैं फिरै सँग एक ॥
Verse
सब समय समतामे स्थित रहनेवाले पुरुष ही श्रेष्ठ हैं साधन समय सुसिद्धि लहि उभय मूल अनुकूल । तुलसी तीनिउ समय सम ते महि मंगल मूल ॥
Verse
जीवन किनका सफल है ? मातु पिता गुरु स्वामि सिख सिर धरि करहिं सुभायँ । लहेउ लाभु तिन्ह जनम कर नतरु जनमु जग जायँ ॥
Verse
पिताकी आज्ञाका पालन सुखका मूल है अनुचित उचित बिचारु तजि जे पालहिं पितु बैन । ते भाजन सुख सुजस के बसहिं अमरपति ऐन ॥
Verse
स्त्रीके लिये पतिसेवा ही कल्याणदायिनी है सोरठा सहज अपावनि नारि पति सेवत सुभ गति लहइ । जसु गावत श्रुति चारि अजहुँ तुलसिका हरिहि प्रिय ॥
Verse
शरणागतका त्याग पापका मूल है दोहा सरनागत कहुँ जे तजहिं निज अनहित अनुमानि । ते नर पावँर पापमय तिन्हहिं बिलोकत हानि ॥
Verse
तुलसी तृन जलकूल को निरबल निपट निकाज । कै राखे कै सँग चलै बाँह गहे की लाज ॥
Verse
कलियुगका वर्णन रामायन अनुहरत सिख जग भयो भारत रीति । तुलसी सठ की को सुनै कलि कुचालि पर प्रीति ॥
Verse
पात पात कै सींचिबो बरी बरी कै लोन । तुलसी खोटें चतुरपन कलि डहके कहु को न ॥
Verse
प्रीति सगाई सकल बिधि बनिज उपायँ अनेक । कल बल छल कलि मल मलिन डहकत एकहि एक ॥
Verse
दंभ सहित कलि धरम सब छल समेत ब्यवहार । स्वारथ सहित सनेह सब रूचि अनुहरत अचार ॥
Verse
चोर चतुर बटमार नट प्रभु प्रिय भँडुआ भंड । सब भच्छक परमारथी कलि सुपंथ पाषंड ॥
Verse
असुभ बेष भूषन धरें भच्छाभच्छ जे खाहीं । तेइ जोगी तेइ सिद्ध नर पूज्य ते कलिजुग माहिं ॥
Verse
सोरठा जे अपकारी चार तिन्ह कर गौरव मान्य तेइ । मन क्रम बचन लबार ते बकता कलिकाल महुँ ॥
Verse
दोहा ब्रह्मग्यान बिनु नारि नर कहहिं न दूसरि बात । कौड़ी लागि लोभ बस करहिं बिप्र गुर घात ॥
Verse
बादहिं सूद्र द्विजन्ह सन हम तुम्ह ते कछु घाटि । जानइ ब्रह्म सो बिप्रबर आँखि देखावहिं डाटि ॥
Verse
साखी सबदी दोहरा कहि कहनी उपखान । भगति निरूपहिं भगत कलि निंदहिं बेद पुरान ॥
Verse
श्रुति संमत हरिभगति पथ संजुत बिरति बिबेक । तेहि परिहरिहिं बिमोह बस कल्पहिं पंथ अनेक ॥
Verse
सकल धरम बिपरीत कलि कल्पित कोटि कुपंथ । पुन्य पराय पहार बन दुरे पुरान सुग्रन्थ ॥
Verse
धातुबाद निरुपाधि बर सद्गुरू लाभ सुमीत । देव दरस कलिकाल में पोथिन दुरे सभीत ॥
Verse
सुर सदननि तीरथ पुरिन निपट कुचालि कुसाज । मनहुँ मवा से मारि कलि राजत सहित समाज ॥
Verse
गोंड़ गवाँर नृपाल महि जमन महा महिपाल । साम न दान न भेद कलि केवल दंड कराल ॥
Verse
फोरहिं सिल लोढ़ा सदन लागें अढुक पहार । कायर कूर कुपूत कलि घष घर सहस डहार ॥
Verse
प्रगट चारि पद धर्म के कलि महुँ एक प्रधान । जेन केन बिधि दीन्हे दान करइ कल्यान ॥
Verse
कलिजुग सम जुग आन नहिं जौं नर कर बिस्वास । गाइ राम गुन गन बिमल भव तर बिनहिं प्रयास ॥
Verse
और चाहे जो भी घट जाय, भगवान से प्रेम नहीं घटना चाहिये श्रवन घटहुँ पुनि दृग घटहुँ घटउ सकल बल देह । इते घटें घटिहै कहा जौं न घटै हरिनेह ॥
