dohAvalI
bhāga 25
भाग २५
Verse
कुसमयका प्रभाव तुलसी पावस के समय धरी कोकिलन मौन । अब तो दादुर बोलिहैं हमें पूछिहै कौन ॥
Verse
श्रीरामजीके गुणोंकी महिमा कुपथ कुतरक कुचालि कलि कपट दंभ पाषंड । दहन राम गुन ग्राम जिमि ईंधन अनल प्रचंड ॥
Verse
कलियुगमें दो ही आधार है सोरठा कलि पाषंड प्रचार प्रबल पाप पावँर पतित । तुलसी उभय अधार राम नाम सुरसरि सलिल ॥
Verse
भगवत्प्रेम ही सब मङ्गलोंकी खान है दोहा रामचंद्र मुख चंद्रमा चित चकोर जब होइ । राम राज सब काज सुभ समय सुहावन सोइ ॥
Verse
बीज राम गुन गन नयन जल अंकुर पुलकालि । सुकृती सुतन सुखेत बर बिलसत तुलसी सालि ॥
Verse
तुलसी सहित सनेह नित सुमिरहु सीता राम । सगुन सुमंगल सुभ सदा आदि मध्य परिनाम ॥
Verse
पुरुषारथ स्वारथ सकल परमारथ परिनाम । सुलभ सिद्धि सब साहिबी सुमिरत सीता राम ॥
Verse
दोहावलीके दोहोंकी महिमा मनिमय दोहा दीप जहँ उर घर प्रगट प्रकास । तहँ न मोह तम भय तमी कलि कज्जली बिलास ॥
Verse
का भाषा का संसकृत प्रेम चाहिऐ साँच । काम जु आवै कामरी का लै करिअ कुमाच ॥
Verse
रामकी दीनबन्धुता मनि मानिक महँगे किए सहँगे तृन जल नाज । तुलसी एते जानिऐ राम गरीब नेवाज ॥
Verse
॥ इति ॥
