dohAvalI
bhāga 20
भाग २०
Verse
क्षमाका महत्व छमा रोष के दोष गुन सुनि मनु मानहिं सीख । अबिचल श्रीपति हरि भए भूसुर लहै न भीख ॥
Verse
कौरव पांडव जानिऐ क्रोध छमा के सीम । पाँचहि मारि न सौ सके सयौ सँघारे भीम ॥
Verse
क्रोधकी अपेक्षा प्रेमके द्वारा वश करना ही जीत है बोल न मोटे मारिऐ मोटी रोटी मारु । जीति सहस सम हारिबो जीतें हारि निहारु ॥
Verse
जो परि पायँ मनाइए तासों रूठि बिचारि । तुलसी तहाँ न जीतिऐ जहँ जीतेहूँ हारि ॥
Verse
जूझे ते भल बूझिबो भली जीति तें हार । डहकें तें डहकाइबो भलो जो करिअ बिचार ॥
Verse
जा रिपु सों हारेहुँ हँसी जिते पाप परितापु । तासों रारि निवारिऐ समयँ सँभारिअ आपु ॥
Verse
जो मधु मरै न मारिऐ माहुर देइ सो काउ । जग जिति हारे परसुधर हारि जिते रघुराउ ॥
Verse
बैर मूल हर हित बचन प्रेम मूल उपकार । दो हा सुभ संदोह सो तुलसी किएँ बिचार ॥
Verse
रोष न रसना खोलिऐ बरु खोलिअ तरवारि । सुनत मधुर परिनाम हित बोलिअ बचन बिचारि ॥
Verse
मधुर बचन कटु बोलिबो बिनु श्रम भाग अभाग । कुहू कुहू कलकंठ रव का का कररत काग ॥
Verse
पेट न फूलत बिनु कहें कहत न लागइ ढेर । सुमति बिचारें बोलिऐ समुझि कुफेर सुफेर ॥
Verse
वीतराग पुरुषोंकी शरण ही जगत के जंजालसे बचनेका उपाय है छिद्यो न तरुनि कटाच्छ सर करेउ न कठिन सनेहु । तुलसी तिन की देह को जगत कवच करि लेहु ॥
Verse
शूरवीर करनी करते है,कहते नहीं सूर समर करनी करहिं कहि न जनावहिं आपु । बिद्यमान रन पाइ रिपु कायर कथहिं प्रतापु ॥
Verse
अभिमान के बचन कहना अच्छा नहीं बचन कहे अभिमान के पारथ पेखत सेतु । प्रभु तिय लूटत नीच भर जय न मीचु तेहिं हेतु ॥
Verse
दीनोंकी रक्षा करनेवाला सदा बिजयी होता है राम लखन बिजई भए बनहुँ गरीब निवाज । मुखर बालि रावन गए घरहीं सहित समाज ॥
Verse
नीतिका पालन करनेवालेके सभी सहायक बन जाते हैं खग मृग मीत पुनीत किय बनहुँ राम नयपाल । कुमति बालि दसकंठ घर सुहद बंधु कियो काल ॥
Verse
सराहनेयोग्य कौन है लखइ अघानो भूख ज्यों लखइ जीतिमें हारि । तुलसी सुमति सराहिऐ मग पग धरइ बिचारि ॥
Verse
अवसर चूक जानेसे बड़ी हानि होती है लाभ समय को पालिबो हानि समय की चूक । सदा बिचारहिं चारुमति सुदिन कुदिन दिन दूक ॥
Verse
समयका महत्व सिंधु तरन कपि गिरि हरन काज साइँ हित दोउ । तुलसी समयहिं सब बड़ो बूझत कहुँ कोउ कोउ ॥
Verse
तुलसी मीठी अमी तें मागी मिलै जो मीच । सुधा सुधाकर समय बिनु काललकूट तें नीच ॥
Verse
विपत्तिकालके मित्र कौन है ? तुलसी असमय के सखा धीरज धरम बिबेक । साहित साहस सत्यब्रत राम भरोसो एक ॥
Verse
समरथ कोउ न राम सों तीय हरन अपराधु । समयहिं साधे काज सब समय सराहहिं साधु ॥
Verse
तुलसी तीरहु के चलें समय पाइबी थाह । धाइज न जाइ थहाइबी सर सरिता अवगाह ॥
Verse
होनहारकी प्रबलता तुलसी जसि भवतब्यता तैसी मिलइ सहाइ । आपुनु आवइ ताहि पै ताहि तहाँ लै जाइ ॥
