dohAvalI
bhāga 2
भाग २
Verse
रामप्रेमके बिना सब व्यर्थ है रसना साँपिनि बदन बिल जे न जपहिं हरिनाम । तुलसी प्रेम न राम सों ताहि बिधाता बाम ॥
Verse
हिय फाटहुँ फूटहुँ नयन जरउ सो तन केहि काम । द्रवहिं स्त्रवहिं पुलकइ नहीं तुलसी सुमिरत राम ॥
Verse
रामहि सुमिरत रन भिरत देत परत गुरु पाँय । तुलसी जिन्हहि न पुलक तनु ते जग जीवत जायँ ॥
Verse
सोरठा हृदय सो कुलिस समान जो न द्रवइ हरिगुन सुनत । कर न राम गुन गान जीह सो दादुर जीह सम ॥
Verse
स्त्रवै न सलिल सनेहु तुलसी सुनि रघुबीर जस । ते नयना जनि देहु राम करहु बरु आँधरो ॥
Verse
रहैं न जल भरि पूरि राम सुजस सुनि रावरो । तिन आँखिन में धूरि भरि भरि मूठी मेलिये ॥
Verse
प्रार्थना बारक सुमिरत तोहि होहि तिन्हहि सम्मुख सुखद । क्यों न सँभारहि मोहि दया सिंधु दसरत्थ के ॥
Verse
रामकी और रामप्रेमकी महिमा साहिब होत सरोष सेवक को अपराध सुनि । अपने देखे दोष सपनेहु राम न उर धरे ॥
Verse
दोहा तुलसी रामहि आपु तें सेवक की रुचि मीठि । सीतापति से साहिबहि कैसे दीजै पीठि ॥
Verse
तुलसी जाके होयगी अंतर बाहिर दीठि । सो कि कृपालुहि देइगो केवटपालहि पीठि ॥
Verse
प्रभु तरु तर कपि डार पर ते किए आपु समान । तुलसी कहूँ न राम से साहिब सील निधान ॥
Verse
उद्बोधन रे मन सब सों निरस ह्वै सरस राम सों होहि । भलो सिखावन देत है निसि दिन तुलसी तोहि ॥
Verse
हरे चरहिं तापहि बरे फरें पसारहिं हाथ । तुलसी स्वारथ मीत सब परमारथ रघुनाथ ॥
Verse
स्वारथ सीता राम सों परमारथ सिय राम । तुलसी तेरो दूसरे द्वार कहा कहु काम ॥
Verse
स्वारथ परमारथ सकल सुलभ एक ही ओर । द्वार दूसरे दीनता उचित न तुलसी तोर ॥
Verse
तुलसी स्वारथ राम हित परमारथ रघुबीर । सेवक जाके लखन से पवनपूत रनधीर ॥
Verse
ज्यों जग बैरी मीन को आपु सहित बिनु बारि । त्यों तुलसी रघुबीर बिनु गति आपनी बिचारि ॥
Verse
तुलसीदासजीकी अभिलाषा राम प्रेम बिनु दूबरो राम प्रेमहीं पीन । रघुबर कबहुँक करहुगे तुलसिहि ज्यों जल मीन ॥
Verse
रामप्रेमकी महत्ता राम सनेही राम गति राम चरन रति जाहि । तुलसी फल जग जनम को दियो बिधाता ताहि ॥
Verse
आपु आपने तें अधिक जेहि प्रिय सीताराम । तेहि के पग की पानहीं तुलसी तनु को चाम ॥
Verse
स्वारथ परमारथ रहित सीता राम सनेहँ । तुलसी सो फल चारि को फल हमार मत एहँ ॥
Verse
जे जन रूखे बिषय रस चिकने राम सनेहँ । तुलसी ते प्रिय राम को कानन बसहि कि गेहँ ॥
Verse
जथा लाभ संतोष सुख रघुबर चरन सनेह । तुलसी जो मन खूँद सम कानन बसहुँ कि गेह ॥
Verse
तुलसी जौं पै राम सों नाहिन सहज सनेह । मूँड़ मुड़ायो बादिहीं भाँड़ भयो तजि गेह ॥
