dohAvalI
bhāga 10
भाग १०
Verse
रामचरित्रकी पवित्रता तुलसी केवल कामतरु रामचरित आराम । कलितरु कपि निसिचर कहत हमहिं किए बिधि बाम ॥
Verse
कैकेयीकी कुटिलता मातु सकल सानुज भरत गुरु पुर लोग सुभाउ । देखत देख न कैकइहि लंकापति कपिराउ ॥
Verse
सहज सरल रघुबर बचन कुमति कुटिल करि जान । चलइ जोंक जल बक्रगति जद्यपि सलिलु समान ॥
Verse
दशरथमहिमा दसरथ नाम सुकामतरु फलइ सकलो कल्यान । धरनि धाम धन धरम सुत सदगुन रूप निधान ॥
Verse
तुलसी जान्यो दसरथहिं धरमु न सत्य समान । रामु तजे जेहि लागि बिनु राम परिहरे प्रान ॥
Verse
राम बिरहँ दसरथ मरन मुनि मन अगम सुमीचु । तुलसी मंगल मरन तरु सुचि सनेह जल सींचु ॥
Verse
सोरठा जीवन मरन सुनाम जैसें दसरथ राय को । जियत खिलाए राम राम बिरहँ तनु परिहरेउ ॥
Verse
जटायुका भाग्य दोहा प्रभुहि बिलोकत गोद गत सिय हित घायल नीचु । तुलसी पाई गीधपति मुकुति मनोहर मीचु ॥
Verse
बिरत करम रत भगत मुनि सिद्ध ऊँच अरु नीचु । तुलसी सकल सिहात सुनि गीधराज की मीचु ॥
Verse
मुए मरत मरिहैं सकल घरी पहरके बीचु । लही न काहूँ आजु लौं गीधराज की मीचु ॥
Verse
मुँए मुकुत जीवत मुकुत मुकुत मुकुत हूँ बीचु । तुलसी सबही तें अधिक गीधराज की मीचु ॥
Verse
रघुबर बिकल बिहंग लखि सो बिलोकि दोउ बीर । सिय सुधि कहि सियल राम कहि देह तजी मति धीर ॥
Verse
दसरथ तें दसगुन भगति सहित तासु करि काजु । सोचत बंधु समेत प्रभु कृपासिंधु रघुराजु ॥
Verse
रामकृपाकी महत्ता केवट निसिचर बिहग मृग किए साधु सनमानि । तुलसी रघुबर की कृपा सकल सुमंगल खानि ॥
Verse
हनुमत्स्मरणकी महत्ता मंजुल मंगल मोदमय मूरति मारुत पूत । सकल सिद्धि कर कमल तल सुमिरत रघुबर दूत ॥
Verse
धीर बीर रघुबीर प्रिय सुमिरि समीर कुमारु । अगम सुगम सब काज करु करतल सिद्धि बिचारु ॥
Verse
सुख मुद मंगल कुमुद बिधु सुगुन सरोरुह भानु । करहु काज सब सिद्धि सुभ आनि हिएँ हनुमानु ॥
Verse
सकल काज सुभ समउ भल सगुन सुमंगल जानु । कीरति बिजय बिभूति भलि हियँ हनुमानहि आनु ॥
Verse
सूर सिरोमनि साहसी सुमति समीर कुमार । सुमिरत सब सुख संपदा मुद मंगल दातार ॥
Verse
बाहुपीड़ाकी शान्तिके लिये प्रार्थना तुलसी तनु सर सुख जलज भुज रुज गज बरजोर । दलत दयानिधि देखिऐ कपि केसरी किसोर ॥
Verse
भुज तरु कोटर रोग अहि बरबस कियो प्रबेस । बिहगराज बाहन तुरत काढ़िअ मिटै कलेस ॥
Verse
बाहु बिटप सुख बिहँग थलु लगी कुपीर कुआगि । राम कृपा जल सीचिऐ बेगि दीन हित लागि ॥
