dohAvalI
desa
देस
Verse
मेरे गति तुमहीं अनेक तोष पाऊँ ।
Verse
चरन-कमल-नख-मनिपर बिषै-सुख बहाऊँ । घर घर जो डोलौं तौ हरि तुम्हैं लजाऊँ ॥१॥
Verse
तुम्हरौ कहाइ कहौ कौन कौ कहाऊँ । तुमसे प्रभु छाँड़ि कहा दीननकौं धाऊँ ॥२॥
Verse
सीस तुम्हैं नाय कहौ कौनकौ नवाऊँ । कंचन उर हार छाँड़ि काच क्यों बनाऊँ ॥३॥
Verse
सोभा सब हानि करुँ जगतकौं हसाऊँ । हाथीतें उतरि कहा गदहा चढ़ि धाऊँ ॥४॥
Verse
कुमकुमकौ लेप छाँड़ि काजर मुँह लाऊँ । कामधेनु घरमें तज अजा क्यों दुहाऊँ ॥५॥
Verse
कनकमहल छाँड़ि क्योंऽब परन कुटी छाऊँ । पाइन जो पेलौ प्रभु तौ न अनत जाऊँ ॥६॥
Verse
सूरदास मदनमोहन जनम जनम गाऊँ । संतनकी पनहीकौ रच्छक कहाऊँ ॥७॥
