dohAvalI
rāga deśa - tāla tīnatāla
राग देश - ताल तीनताल
Verse
स्यामने मुरली मधुर बजाई । सुनत टेरि, तनु सुधि बिसारि सब गोपबालिका धाई ॥
Verse
लहँगा ओढ़ि ओढ़ना पहिरे, कंचुकि भूलि पराई । नकबेसर डारे स्त्रवननमहँ अदभुत साज सजाई ॥
Verse
धेनु सकल तृन चरन बिसारयो ठाढ़ी स्त्रवन लगाई । बछुरनके थन रहे मुखनमहँ सो पय-पान भुलाई ॥
Verse
पसु-पंछी जहँ-तहँ रहे ठाढ़े मानो चित्र लिखाई । पेड़ पहाड़ प्रेमबस डोले, जड़ चेतनता आई ॥
Verse
कालिंदी-प्रबाह नहिं चाल्यो, जलचर सुधि बिसराई । ससिकी गति अवरुद्ध, रहे नभ देव बिमानन छाई ॥
Verse
धन्य बाँसकी बनी मुरलिया बड़ो पुन्य करि आई । सुर-मुनि दुरलभ रुचिर बदन नित राखत स्याम लगाई ॥
