Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

badhāī

बधाई

Verse

नंदजू मेरे मन आनंद भयो, हौं गोबरधन तें आयौ । तुम्हरे पुत्र भयो, हौं सुनिकै अति आतुर उठि धायौ ॥

Verse

बंदीजन अरु भिच्छुक सुनि सुनि देस-देस तें आये । इक पहले ही आसा लागे बहुत दिनन तें छाये ॥

Verse

ते पहिरैं कंचन मनि मुकता नाना बसन अनूप । मोहि मिले मारगमें मानो जात कहूके भूप ॥

Verse

तुम तौ परम उदार नंदजू जोइ माँग्या सोइ दीनौं । ऐसौ और कौन त्रिभुवनमें तुम सरि साकौ कीनौं ॥

Verse

लच्छ हेतु तौ पर्‌यौ रहौं हौं बिनु देखे नहिं जैहौं । नंदराइ सुनि बिनती मेरी तबै बिदा भलि ह्वैहौं ॥

Verse

दीजै मोहि कृपा करि साईं जो हौं आयौ माँगन ॥

Verse

जसुमति सुत अपने पाइनि चलि खेलत आवै आँगन ॥

Verse

जब तुम मदनमोहन कहि टेरौ यह सुनि हौं घर जाउँ । हौं तौ तेरो घरकौ ढाढ़ी सूरदास मो नाउँ ॥

Verse

प्रगट भई सोभा त्रिभुवनकी भानु गोपके आइ । अदभुत रुप देखि ब्रजबनिता रीझीं लेत बलाइ ॥

Verse

नहिं कमला, नहिं सची, नहीं रति उपमाहू न समाइ । जा हित प्रगट भये ब्रजभूषन धन्य पिता धन माइ ॥

Verse

जुग जुग राज करो दोऊ जन इत तुव उत नँदराइ । उनके मदनमोहन तेरे स्यामा सूरदास बलि जाइ ॥

alhaiyā
desa

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms