dohAvalI
gaurī
गौरी
Verse
आजु ब्रजराजको कुँवर बनते बन्यो, देखि आवत मधुर अधर रंजित बेनु । मधुर कलगान निज नाम सुनि स्त्रवन-पुट, परम प्रमुदित बदन फेरि हूँकति धेनु ॥१॥
Verse
मदबिघूर्णित नैन मंद बिहँसनि बैन, कुटिल अलकावली ललित गोपद रेनु । ग्वाल-बालनि जाल करत कोलाहलनि, सृंग दल ताल धुनि रचत संचत कैनु ॥२॥
Verse
मुकुटकी लटक अरु चटक पटपीतकी प्रकट अकुरित गोपी मनहिं मैनु । कहि गदाधरजु इहि न्याय ब्रजसुंदरी बिमल बनमालके बीच चाहतु ऐनु ॥३॥
