dohAvalI
hiṃḍola
हिंडोल
Verse
झूलत नागरि नागर लाल । मंद मंद सब सखी झुलावति गावति गीत रसाल ॥
Verse
फरहराति पट पीत नीलके अंचल चंचल चाल । मनहुँ परसपर उमँगि ध्यान छबि, प्रगट भई तिहि काल ॥
Verse
सिलसिलात अति प्रिया सीस तें, लटकति बेनी नाल । जनु पिय मुकुट बरहि भ्रम बसतहँ, ब्याली बिकल बिहाल ॥
Verse
मल्ली माल प्रियाकी उरझी, पिय तुलसी दल माल । जनु सुरसरि रबितनया मिलिकै, सोभित स्त्रेनि मराल ॥
Verse
स्यामल गौर परसपर प्रति छबि, सोभा बिसद बिसाल । निरखि गदाधर रसिक कुँवरि मन, पर्यो सुरस जंजाल ॥
