aSTottaranAma
śrībālāṣṭottaraśatanāmastotram 5
श्रीबालाष्टोत्तरशतनामस्तोत्रम् ५
Verse
अम्बा माता महालक्ष्मीः सुन्दरी भुवनेश्वरी । शिवा भवानी चिद्रूपा त्रिपुरा भवरूपिणी ॥१॥
Verse
भयङ्करी भद्ररूपा भैरवी भववारिणी । भाग्यपरदा भावगम्या भगमण्डलमध्यगा ॥२॥
Verse
मन्त्ररूपपदा नित्या पार्वती प्राणरूपिणी । विश्वकर्त्री विश्वभोक्त्री विविधा विश्ववन्दिता ॥३॥
Verse
एकाक्षरी मृडाराध्या मृडसन्तोषकारिणी । वेदवेद्या विशालाक्षी विमला वीरसेविता ॥४॥
Verse
विधुमण्डलमध्यस्था विधुबिम्बसमानना । विश्वेश्वरी वियद्रूपा विश्वमाया विमोहिनी ॥५॥
Verse
चतुर्भुजा चन्द्रचूडा चन्द्रकान्तिसमप्रभा । वरप्रदा भाग्यरूपा भक्तरक्षणदीक्षिता ॥६॥
Verse
भक्तिदा शुभदा शुभ्रा सूक्ष्मा सुरगणाचिता । गानप्रिया गानलोला देवगानसमन्विता ॥७॥
Verse
सूत्रस्वरूपा सूत्रार्था सुरवृन्दसुखप्रदा । योगाप्रिया योगवेद्या योगिहृत्पद्मवासिनी ॥८॥
Verse
योगमार्गरता देवी सुरासुरनिषेविता । मुक्तिदा शिवदा शुद्धा शुद्धमार्गसमर्चिता ॥९॥
Verse
ताराहारा वियद्रूपा स्वर्णताटङ्कशोभिता । सर्वलक्षणसम्पन्ना सर्वलोकहृदिस्थिता ॥१०॥
Verse
सर्वेश्वरी सर्वतन्त्रा सर्वसम्पत्प्रदायिनी । शिवा सर्वान्नसन्तुष्टा शिवप्रेमरतिप्रिया ॥११॥
Verse
शिवान्तरङ्गनिलया रुद्राणी शम्भुमोहिनी । भवार्धधारिणी गौरी भवपूजनतत्परा ॥१२॥
Verse
भवभक्तिप्रियाऽपर्णा सर्वतत्त्वस्वरूपिणी । त्रिलोकसुन्दरी सौम्या पुण्यवर्त्मा रतिप्रिया ॥१३॥
Verse
पुराणी पुण्यनिलया भुक्तिमुक्तिप्रदायिनी । दुष्टहन्त्री भक्तपूज्या भवभीतिनिवारिणी ॥१४॥
Verse
सर्वाङ्गसुन्दरी सौम्या सर्वावयवशोभिता । कदम्बविपिनावासा करुणामृतसागरा ॥१५॥
Verse
सत्कुलाधारिणी दुर्गा दुराचारविघातिनी । इष्टदा धनदा शान्ता त्रिकोणान्तरमध्यगा ॥१६॥
Verse
त्रिखण्डामृतसम्पूज्या श्रीमत्त्रिपुरसुन्दरी ।
Verse
स्तोत्रेणानेन देवेशीं विधुमण्डलमध्यगाम् । ध्यायेज्जपेन्महादेवीं बालां सर्वार्थसिद्धिदाम् ॥१७॥
Verse
इति श्रीबालाष्टोत्तरशतनामस्तोत्रं सम्पूर्णम् ।
