Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrībālāṣṭottaraśatanāmastotram 1

श्रीबालाष्टोत्तरशतनामस्तोत्रम् १

Verse

अगस्त्य उवाच - हयग्रीव दयासिन्धो भगवन्भक्तवत्सल ।

Verse

बालात्रिपुरसुन्दर्या नाम्नामष्टोत्तरं शुभम् । वदस्व मे त्वं कृपया येन ज्ञानं प्रवर्तते ॥१॥

Verse

हयग्रीव उवाच - शृणु सम्यक्प्रवक्ष्यामि श्रीबालाष्टोत्तरं शतम् । सर्वविद्यात्मकं ज्ञेयं श्रीबालाप्रीतिदायकम् ॥२॥

Verse

अस्य श्रीबालात्रिपुरसुन्दर्यष्टोत्तरशतनामस्तोत्रमहामन्त्रस्य दक्षिणामूर्तिः ऋषिः ।

Verse

अनुष्टुप्छन्दः ।

Verse

श्री बालात्रिपुरसुन्दरी देवता ।

Verse

ऐं बीजम् ।

Verse

क्लीं शक्तिः ।

Verse

सौः कीलकम् ।

Verse

श्रीबालात्रिपुरसुन्दरीप्रसादसिद्‍ध्यर्थे नामपारायणे विनियोगः ।

Verse

अथ करन्यासः - ॐ ऐं अङ्गुष्ठाभ्यां नमः ।

Verse

क्लीं तर्जनीभ्यां नमः ।

Verse

सौः मध्यमाभ्यां नमः ।

Verse

ऐं अनामिकाभ्यां नमः ।

Verse

क्लीं कनिष्ठिकाभ्यां नमः ।

Verse

सौः करतलकरपृष्ठाभ्यां नमः ।

Verse

अथ हृदयादिन्यासः - ऐं हृदयाय नमः ।

Verse

क्लीं शिरसे स्वाहा ।

Verse

सौः शिखायै वषट् ।

Verse

ऐं कवचाय हुम् ।

Verse

क्लीं नेत्रत्रयाय वौषट् ।

Verse

सौः अस्त्राय फट् ।

Verse

भूर्भुवस्सुवरों इति दिग्बन्धः ।

Verse

ध्यानम्- पाशाङ्कुशे पुस्तकाक्षसूत्रे च दधती करैः । रक्ता त्र्यक्षा चन्द्रफाला पातु बाला सुरार्चिता ॥

Verse

लमित्यादि पञ्चपूजा - लं पृथिव्यात्मिकायै गन्धं समर्पयामि ।

Verse

हं आकाशात्मिकायै पुष्पाणि समर्पयामि ।

Verse

यं वाय्वात्मिकायै धूपमाघ्रापयामि ।

Verse

रं अग्न्यात्मिकायै दीपं दर्शयामि ।

Verse

वं अमृतात्मिकायै अमृतोपहारं निवेदयामि । सं सर्वात्मिकायै सर्वोपचारपूजाः समर्पयामि ॥

Verse

अथ श्री बाला अष्टोत्तरशतनामस्तोत्रम् ।

Verse

ॐ कल्याणी त्रिपुरा बाला माया त्रिपुरसुन्दरी । सुन्दरी सौभाग्यवती क्लीङ्कारी सर्वमङ्गला ॥१॥

Verse

ह्रीङ्कारी स्कन्दजननी परा पञ्चदशाक्षरी । त्रिलोकी मोहनाधीशा सर्वेशी सर्वरूपिणी ॥२॥

Verse

सर्वसंक्षोभिणी पूर्णा नवमुद्रेश्वरी शिवा । अनङ्गकुसुमा ख्याता अनङ्गा भुवनेश्वरी ॥३॥

Verse

जप्या स्तव्या श्रुतिर्निता नित्यक्लिन्नाऽमृतोद्भवा । मोहिनी परमाऽऽनन्दा कामेशतरुणा कला ॥४॥

Verse

कलावती भगवती पद्मरागकिरीटिनी । सौगन्धिनी सरिद्वेणी मन्त्रिणि मन्त्ररूपिणि ॥५॥

Verse

तत्त्वत्रयी तत्त्वमयी सिद्धा त्रिपुरवासिनी । श्रीर्मतिश्च महादेवी कौलिनी परदेवता ॥६॥

Verse

कैवल्यरेखा वशिनी सर्वेशी सर्वमातृका । विष्णुस्वसा देवमाता सर्वसम्पत्प्रदायिनी ॥७॥

Verse

किङ्करी माता गीर्वाणी सुरापानानुमोदिनी । (सुधापानविनोदिनी) आधाराहितपत्नीका स्वाधिष्ठानसमाश्रया ॥८॥

Verse

अनाहताब्जनिलया मणिपूरासमाश्रया । आज्ञा पद्मासनासीना विशुद्धस्थलसंस्थिता ॥९॥

Verse

अष्टत्रिंशत्कलामूर्ति स्सुषुम्ना चारुमध्यमा । योगेश्वरी मुनिध्येया परब्रह्मस्वरूपिणी ॥१०॥

Verse

चतुर्भुजा चन्द्रचूडा पुराणागमरूपिनी । ऐंकारादिर्महाविद्या पञ्चप्रणवरूपिणी ॥११॥

Verse

भूतेश्वरी भूतमयी पञ्चाशद्वर्णरूपिणी । षोढान्यास महाभूषा कामाक्षी दशमातृका ॥१२॥

Verse

आधारशक्तिः तरुणी लक्ष्मीः त्रिपुरभैरवी । शाम्भवी सच्चिदानन्दा सच्चिदानन्दरूपिणी ॥१३॥

Verse

माङ्गल्य दायिनी मान्या सर्वमङ्गलकारिणी । योगलक्ष्मीः भोगलक्ष्मीः राज्यलक्ष्मीः त्रिकोणगा ॥१४॥

Verse

सर्वसौभाग्यसम्पन्ना सर्वसम्पत्तिदायिनी । नवकोणपुरावासा बिन्दुत्रयसमन्विता ॥१५॥

Verse

नाम्नामष्टोत्तरशतं पठेन्न्याससमन्वितम् । सर्वसिद्धिमवाप्नोती साधकोभीष्टमाप्नुयात् ॥१६॥

Verse

इति श्री रुद्रयामलतन्त्रे उमामहेश्वरसंवादे श्री बाला अष्टोत्तरशतनामस्तोत्रं सम्पूर्णम् ।

baṭukabhairavāṣṭottaraśatanāmastotraṃ
śrībālātripurasundaryaṣṭottaraśatanāmastotram 2

Read next

More on श्रीबालाष्टोत्तरशतनामस्तोत्रम्

  • श्रीबालाष्टोत्तरशतनामस्तोत्रम् ३Ashtottaranama
  • श्रीबालाष्टोत्तरशतनामस्तोत्रम् ४Ashtottaranama
  • श्रीबालाष्टोत्तरशतनामस्तोत्रम् ५Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms