Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrībālāṣṭottaraśatanāmastotram 3

श्रीबालाष्टोत्तरशतनामस्तोत्रम् ३

Verse

श्रीबालाष्टोत्तरशतनामस्तोत्रम् २ श्रीबाला श्रीमहादेवी श्रीमत्पञ्चासनेश्वरी । शिववामाङ्गसम्भूता शिवमानसहंसिनी ॥१॥

Verse

त्रिस्था त्रिनेत्रा त्रिगुणा त्रिमूर्तिवशवर्तिनी । त्रिजन्मपापसंहर्त्री त्रियम्बककुटम्बिनी ॥२॥

Verse

बालार्ककोटिसङ्काशा नीलालकलसत्कचा । फालस्थहेमतिलका लोलमौक्तिकनासिका ॥३॥

Verse

पूर्णचन्द्रानना चैव स्वर्णताटङ्कशोभिता । हरिणीनेत्रसाकारकरुणापूर्णलोचना ॥४॥

Verse

दाडिमीबीजरदना बिम्बोष्ठी मन्दहासिनी । शङ्खःग्रीवा चतुर्हस्ता कुचपङ्कजकुड्मला ॥५॥

Verse

ग्रैवेयाङ्गदमाङ्गल्यसूत्रशोभितकन्धरा । वटपत्रोदरा चैव निर्मला घनमण्डिता ॥६॥

Verse

मन्दावलोकिनी मध्या कुसुम्भवदनोज्ज्वला । तप्तकाञ्चनकान्त्याढ्या हेमभूषितविग्रहा ॥७॥

Verse

माणिक्यमुकुरादर्शजानुद्वयविराजिता । कामतूणीरजघना कामप्रेष्ठगतल्पगा ॥८॥

Verse

रक्ताब्जपादयुगला क्वणन्माणिक्यनूपुरा । वासवादिदिशानाथपूजिताङ्घ्रिसरोरुहा ॥९॥

Verse

वराभयस्फाटिकाक्षमालापुस्तकधारिणी । स्वर्णकङ्कणजालाभकराङ्गुष्ठविराजिता ॥१०॥

Verse

सर्वाभरणभूषाढ्या सर्वावयवसुन्दरी । ऐङ्काररूपा ऐङ्कारी ऐश्वर्यफलदायिनी ॥११॥

Verse

क्लींङ्काररूपा क्लीङ्कारी क्लृप्तब्रह्माण्डमण्डला । सौःकाररूपा सौः कारी सौन्दर्यगुणसंयुता ॥१२॥

Verse

सचामररतीन्द्राणी सव्यदक्षिणसेविता । बिन्दुत्रिकोणषट्कोणवृत्ताष्टदलसंयुता ॥१३॥

Verse

सत्यादिलोकपालान्तदेव्यावरणसंवृता । ओड्याणपीठनिलया ओजस्तेजःस्वरूपिणी ॥१४॥

Verse

अनङ्गपीठनिलया कामितार्थफलप्रदा । जालन्धरमहापीठा जानकीनाथसोदरी ॥१५॥

Verse

पूर्णागिरिपीठगता पूर्णायुः सुप्रदायिनी । मन्त्रमूर्तिर्महायोगा महावेगा महाबला ॥१६॥

Verse

महाबुद्धिर्महासिद्धिर्महादेवमनोहरी । कीर्तियुक्ता कीर्तिधरा कीर्तिदा कीर्तिवैभवा ॥१७॥

Verse

व्याधिशैलव्यूहवज्रा यमवृक्षकुठारिका । वरमूर्तिगृहावासा परमार्थस्वरूपिणी ॥१८॥

Verse

कृपानिधिः कृपापूरा कृतार्थफलदायिनी । अष्टात्रिंशत्कलामूर्तिः चतुःषष्टिकलात्मिका ॥१९॥

Verse

चतुरङ्गबलादात्री बिन्दुनादस्वरूपिणी । दशाब्दवयसोपेता दिविपूज्या शिवाभिधा ॥२०॥

Verse

आगमारण्यमायूरी आदिमध्यान्तवर्जिता । कदम्बवनसम्पन्ना सर्वदोषविनाशिनी ॥२१॥

Verse

सामगानप्रिया ध्येया ध्यानसिद्धाभिवन्दिता । ज्ञानमूर्तिर्ज्ञानरूपा ज्ञानदा भयसंहरा ॥२२॥

Verse

तत्त्वज्ञाना तत्त्वरूपा तत्त्वमय्याश्रितावनी । दीर्घायुर्विजयारोग्यपुत्रपौत्रप्रदायिनी ॥२३॥

Verse

मन्दस्मितमुखाम्भोजा मङ्गलप्रदमङ्गला । वरदाभयमुद्राढ्या बालात्रिपुरसुन्दरी ॥२४॥

Verse

बालात्रिपुरसुन्दर्या नाम्नामष्टोत्तरं शतम् । पठनान्मननाद्‍ध्यानात्सर्वमङ्गलकारकम् ॥२५॥

Verse

इति श्रीबालाष्टोत्तरशतनामस्तोत्रं सम्पूर्णम् ।

śrībālātripurasundaryaṣṭottaraśatanāmastotram 2
śrībālāṣṭottaraśatanāmastotram 4

Read next

More on श्रीबालाष्टोत्तरशतनामस्तोत्रम्

  • श्रीबालाष्टोत्तरशतनामस्तोत्रम् १Ashtottaranama
  • श्रीबालाष्टोत्तरशतनामस्तोत्रम् ४Ashtottaranama
  • श्रीबालाष्टोत्तरशतनामस्तोत्रम् ५Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms