aSTottaranAma
śrībālāṣṭottaraśatanāmastotram 4
श्रीबालाष्टोत्तरशतनामस्तोत्रम् ४
Verse
ॐ ऐं ह्रीं श्रीं - अणुरूपा महारूपा ज्योतिरूपा महेश्वरी । पार्वती वररूपा च परब्रह्मस्वरूपिणी ॥१॥
Verse
लक्ष्मी लक्ष्मीस्वरूपा च लक्षा लक्षस्वरूपिणी । गायत्री चैव सावित्री सन्ध्या सरस्वती श्रुतिः ॥२॥
Verse
वेदबीजा ब्रह्मबीजा विश्वबीजा कविप्रिया । इच्छाशक्तिः क्रियाशक्तिः आत्मशक्तिर्भयङ्करी ॥३॥
Verse
कालिका कमला काली कङ्काली कालरूपिणी । उपस्थितिस्वरूपा च प्रलया लयकारिणी ॥४॥
Verse
हिङ्गुला त्वरिता चण्डी चामुण्डा मुण्डमालिनी । रेणुका भद्रकाली च मातङ्गी शिवशाम्भवी ॥५॥
Verse
योगिनी मङ्गला गौरी गिरिजा गोमती गया । कामाक्षी कामरूपा च कामिनी कामरूपिणी ॥६॥
Verse
योगिनी योगरूपा च योगज्ञाना शिवप्रिया । उमा कात्यायनी चण्डी अम्बिका त्रिपुरसुन्दरी ॥७॥
Verse
अरुणा तरुणी शान्ता सर्वसिद्धिः सुमङ्गला । शिवा च सिद्धमाता च सिद्धिविद्या हरिप्रिया ॥८॥
Verse
पद्मावती पद्मवर्णा पद्माक्षी पद्मसम्भवा । धारिणी धरित्री धात्री च अगम्या गम्यवासिनी ॥९॥
Verse
विद्यावती मन्त्रशक्तिः मन्त्रसिद्धिपरायणा । विराड् धारिणी धात्री च वाराही विश्वरूपिणी ॥१०॥
Verse
परा पश्याऽपरा मध्या दिव्यनादविलासिनी । नादबिन्दुकलाज्योतिः विजया भुवनेश्वरी ॥११॥
Verse
ऐङ्कारी च भयङ्कारी क्लीङ्कारी कमलप्रिया । सौःकारी शिवपत्नी च परतत्त्वप्रकाशिनी ॥१२॥
Verse
ह्रीङ्कारी आदिमाया च मन्त्रमूर्तिः परायणा ॥१३॥
Verse
इति श्रीबालाष्टोत्तरशतनामस्तोत्रं सम्पूर्णम् ।
