aSTottaranAma
śrī sītā aṣṭottaraśatanāmastotram
श्री सीता अष्टोत्तरशतनामस्तोत्रम्
Verse
सीता पतिव्रता देवी मैथिली जनकात्मजा । अयोनिजा वीर्यशुल्का शुभा सुरसुतोपमा ॥१॥
Verse
विद्युत्प्रभा विशालाक्षी नीलकुञ्चितमूर्धजा । अभिरामा महाभागा सर्वाभरणभूषिता ॥२॥
Verse
पूर्णचन्द्रानना रामा धर्मज्ञा धर्मचारिणी । पतिसम्मानिता सुभ्रूः प्रियार्हा प्रियवादिनी ॥३॥
Verse
शुभानना शुभापाङ्गी शुभाचारा यशस्विनी । मनस्विनी मत्तकाशिन्यनघा च तपस्विनी ॥४॥
Verse
धर्मपत्नी च वैदेही जानकी मदिरेक्षणा । तापसी धर्मनिरता नियता ब्रह्मचारिणी ॥५॥
Verse
मृदुशीला चारुदती चारुनेत्रविलासिनी । उत्फुल्ललोचना कान्ता भर्तृवात्सल्यभूषणा ॥६॥
Verse
स्वभावतनुका साध्वीपद्माक्षी पङ्कजप्रिया । विचक्षणाऽनवद्याङ्गी मृदुपूर्वाभिभाषिणी ॥७॥
Verse
अक्लिष्टमाल्याभरणा वरारोहा वराङ्गना । सती कमपत्राक्षी मृगशावनिभेक्षणा ॥८॥
Verse
महाकुलीना बिम्बोष्ठी पीतकौशेयवासिनी । वीरपार्थिवपत्नी च विशुद्धा विनयान्विता ॥९॥
Verse
सुकुमारी सुमध्या च सुभगा सुप्रतिष्ठिता । सर्वांगगुणसंपन्ना सर्वलोकमनोहरा ॥१०॥
Verse
तरुणादित्यसङ्काशा तप्तकाञ्चनभूषणा । सत्यव्रतपरा चैव वरा हरिणलोचना ॥११॥
Verse
श्यामा विशुद्धभावा च रामपादानुवर्तिनी । यशोधना उदारशीला विमला क्लेशनाशिनी ॥१२॥
Verse
अनिन्दिता सुवृत्ता च रामस्य हृदयप्रिया । आर्या च सुविभक्ताङ्गी विनाभरणशोभिनी ॥१३॥
Verse
मान्या कान्तस्मिता चैव कल्याणी रुचिरप्रभा । स्निग्धपल्लवसङ्काशा जाम्बूनदसमप्रभा ॥१४॥
Verse
अमला शीलसंपन्ना इक्ष्वाकुकुलनन्दिनी । भद्रा शुद्धसमाचारा वरार्हा तनुमध्यमा ॥१५॥
Verse
प्रियकाननसञ्चारा सुकेशी चारुहासिनी । हेमाभा राजमहिषी शोभना राघवप्रिया ॥१६॥
Verse
अष्टोत्तरशतं देव्याः सीतायाः स्तोत्रमुत्तमम् । यः पठेच्छृणुयाद्वापि सर्वान्कामानवाप्नुयात् ॥१७॥
