Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

sītāṣṭottaraśatanāmastotram

सीताष्टोत्तरशतनामस्तोत्रम्

Verse

सीता सीरध्वजसुता सीमातीतगुणोज्ज्वला । सौन्दर्यसारसर्वस्वभूता सौभाग्यदायिनी ॥१॥

Verse

देवी देवार्चितपदा दिव्या दशरथस्वुषा । रामा रामप्रिया रम्या राकेन्दुवदनोज्ज्वला ॥२॥

Verse

वीर्यशुक्ला वीरपत्नी वियन्मध्या वरप्रदा । पतीव्रता पङ्क्तिकण्ठनाशिनी पावनस्मृतिः ॥३॥

Verse

वन्दारुवत्सला वीरमाता वृतरघूत्तमा । सम्पत्करी सदातुष्टा साक्षिणी साधुसम्मता ॥४॥

Verse

नित्या नियतसंस्थाना नित्यानन्दा नुतिप्रिया । पृथ्वी पृथ्वीसुता पुत्रदायिनी प्रकृतिः परा ॥५॥

Verse

हनुमत्स्वामिनी हृद्या हृदयस्था हताशुभा । हंसयुक्ता हंसगतिः हर्षयुक्ता हतासुरा ॥६॥

Verse

साररूपा सारवचाः साध्वी च सरमाप्रिया । त्रिलोकवन्द्या त्रिजटासेव्या त्रिपथगार्चिनी ॥७॥

Verse

त्राणप्रदा त्रातकाका तृणीकृतदशानना । अनसूयाङ्गरागाङ्काऽनसूया सुरिवन्दिता ॥८॥

Verse

अशोकविनिकास्थानाऽशोका शोकविनाशिनी । सूर्यवंशस्नुषा सूर्यमण्डलान्तःस्थवल्लभा ॥९॥

Verse

श्रुतमात्राघहरणा श्रुतिसन्निहितेक्षणा । पुष्पप्रिया पुष्पकस्था पुण्यलभ्या पुरातना ॥१०॥

Verse

पुरुषार्थप्रदा पूज्या पूतनाम्नी परन्तपा । पद्मप्रिया पद्महस्ता पद्मा पद्ममुखी शुभा ॥११॥

Verse

जनशोकहरा जन्ममृत्युशोकविनाशिनी । जगद्रूपा जगद्वन्द्या जयदा जनकात्मजा ॥१२॥

Verse

नाथनीयकटाकाक्षा च नाथा नाथैकतत्परा । नक्षत्रनाथवदना नष्टदोषा नयावहा ॥१३॥

Verse

वह्निपापहरा वह्निशैत्यकृद्वृद्धिदायिनी । वाल्मीकिगीतविभवा वचोऽतीता वराङ्गना ॥१४॥

Verse

भक्तिगम्या भव्यगुणा भान्ती भरतवन्दिता । सुवर्णाङ्गी सुखकरी सुग्रीवाङ्गदसेविता ॥१५॥

Verse

वैदेही विनताघौघनाशिनी विधिवन्दिता । लोकमाता लोचनान्तःस्थितकारुण्यसागरा ॥

Verse

श्रीरामवल्लभा सा नः पायादार्तानुपाश्रितान् ॥१६॥

Verse

कृताकृतजगद्धेतुः कृतराज्याभिषेकका । इदमष्टोत्तरशतं सीतानाम्नां तु या वधुः ॥१७॥

Verse

धनधान्यसमृद्धा च दीर्घसौभाग्यदर्शिनी । पुंसामपि स्तोत्रमिदं पठनात्सर्वसिद्धिदम् ॥१८॥

Verse

इति ब्रह्मयामले रामरहस्यगतं सीताष्टोत्तरशतनामस्तोत्रं सम्पूर्णम् ।

śrīsītāṣṭottaraśatanāmastotram
śrī sītā aṣṭottaraśatanāmastotram

Read next

More on सीताष्टोत्तरशतनामस्तोत्रम्

  • श्रीसीताष्टोत्तरशतनामस्तोत्रम्Ashtottaranama
  • सीताष्टोत्तरशतनामस्तोत्रम्Stotra

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms