stotrasangraha
hariharātmajāṣṭakam
हरिहरात्मजाष्टकम्
Verse
हरिवरासनं विश्वमोहनं हरिदधीश्वरम् आराध्यपादुकम् । अरिविमर्दनं नित्यनर्तनं हरिहरात्मजं देवमाश्रये ॥१॥
Verse
चरणकीर्तनं भक्तमानसं भरणलोलुपं नर्तनालसम् । अरुणभासुरं भूतनायकं हरिहरात्मजं देवमाश्रये ॥२॥
Verse
प्रणयसत्यकं प्राणनायकं प्रणतकल्पकं सुप्रभञ्चितम् । प्रणवमन्दिरं कीर्तनप्रियं हरिहरात्मजं देवमाश्रये ॥३॥
Verse
तुरगवाहनं सुन्दराननं वरगदायुधं वेदवर्णितम् । गुरुकृपाकरं कीर्तनप्रियं हरिहरात्मजं देवमाश्रये ॥४॥
Verse
त्रिभुवनार्चितं देवतात्मकं त्रिनयनप्रभुं दिव्यदेशिकम् । त्रिदशपूजितं चिन्तितप्रदं हरिहरात्मजं देवमाश्रये ॥५॥
Verse
भवभयापहं भावुकावकं भुवनमोहनं भूतिभूषणम् । धवलवाहनं दिव्यवारणं हरिहरात्मजं देवमाश्रये ॥६॥
Verse
कलमृदुस्मितं सुन्दराननं कलभकोमलं गात्रमोहनम् । कलभकेसरीं वाजिवाहनं हरिहरात्मजं देवमाश्रये ॥७॥
Verse
श्रितजनप्रियं चिन्तितप्रदं श्रुतिविभूषणं साधुजीवनम् । श्रुतिमनोहरं गीतलालसं हरिहरात्मजं देवमाश्रये ॥८॥
Verse
॥इति श्री-हरिहरात्मजाष्टकं सम्पूर्णम्॥
