stotrasangraha
śāstādaśakam
शास्तादशकम्
Verse
लोकवीरं महापूज्यं सर्वरक्षकरं विभुम् । पार्वती-हृदयानन्दं शास्तारं प्रणमाम्यहम् ॥१॥
Verse
विप्रपूज्यं विश्ववन्द्यं विष्णुशम्भोर्प्रियं सुतम् । क्षिप्रप्रसादनिरतं शास्तारं प्रणमाम्यहम् ॥२॥
Verse
मतमातङ्गगमनं कारुण्यामृतपूरितम् । सर्वविघ्नहरं देवं शास्तारं प्रणमाम्यहम् ॥३॥
Verse
अस्मद्कुलेश्वरं देवम् अस्मच्छत्रुविनाशकम् । अस्मदिष्टप्रददरं शास्तारं प्रणमाम्यहम् ॥४॥
Verse
पाण्ड्येशवंशतिलकं केरळे केलिविग्रहम् । आर्तत्राणपरं देवं शास्तारं प्रणमाम्यहम् ॥५॥
Verse
त्र्यम्बकपुरादीशं गणाधिपसमन्वितम् । गजारूढमहं वन्दे शास्तारं प्रणमाम्यहम् ॥६॥
Verse
शिववीर्यसमुद्भूतं श्रीनिवासतनूद्भवम् । शिखिवाहानुजं वन्दे शास्तारं प्रणमाम्यहम् ॥७॥
Verse
यस्य धन्वन्तरिर्माता पिता देवो महेश्वरः । तं शास्तारमहं वन्दे महारोगनिवारणम् ॥८॥
Verse
भूतनाथ सदानन्द सर्वभूतदयापर । रक्ष रक्ष महाबाहो शास्त्रे तुभ्यं नमो नमः ॥९॥
Verse
आश्यामकोमलविशालतनुं विचित्रं वसोऽवसान अरुणोत्फलदामहस्तम् । उत्तुङ्गरत्नमकुटं कुटिलाग्रकेशं शास्तारमिष्टवरदं शरणं प्रपद्ये ॥१०॥
Verse
॥इति श्री-शास्तादशकं सम्पूर्णम्॥
