stotrasangraha
gauryaṣṭottaraśatanāmastotram
गौर्यष्टोत्तरशतनामस्तोत्रम्
Verse
गौरी गणेशजननी गिरिराजतनूद्भवा । गुहाम्बिका जगन्माता गङ्गाधरकुटुम्बिनी ॥१॥
Verse
वीरभद्रप्रसूर्विश्वव्यापिनी विश्वरूपिणी । अष्टमूर्त्यात्मिका कष्टदारिद्र्यशमनी शिवा ॥२॥
Verse
शाम्भवी शङ्करी बाला भवानी भद्रदायिनी । माङ्गल्यदायिनी सर्वमङ्गला मञ्जुभाषिणी ॥३॥
Verse
महेश्वरी महामाया मन्त्राराध्या महाबला । हेमाद्रिजा हैमवती पार्वती पापनाशिनी ॥४॥
Verse
नारायणांशजा नित्या निरीशा निर्मलाऽम्बिका । मृडानी मुनिसंसेव्या मानिनी मेनकात्मजा ॥५॥
Verse
कुमारी कन्यका दुर्गा कलिदोषनिषूदिनी । कात्यायनी कृपापूर्णा कल्याणी कमलार्चिता ॥६॥
Verse
सती सर्वमयी चैव सौभाग्यदा सरस्वती । अमलाऽमरसंसेव्या अन्नपूर्णाऽमृतेश्वरी ॥७॥
Verse
अखिलागमसंसेव्या सुखसच्चित्सुधारसा । बाल्याराधितभूतेशा भानुकोटिसमद्युतिः ॥८॥
Verse
हिरण्मयी परा सूक्ष्मा शीतांशुकृतशेखरा । हरिद्राकुङ्कुमाराध्या सर्वकालसुमङ्गली ॥९॥
Verse
सर्वबोधप्रदा सामशिखा वेदान्तलक्षणा । कर्मब्रह्ममयी कामकलना काङ्क्षितार्थदा ॥१०॥
Verse
चन्द्रार्कायुतताटङ्का चिदम्बरशरीरिणी । श्रीचक्रवासिनी देवी कला कामेश्वरप्रिया ॥११॥
Verse
मारारातिप्रियार्धाङ्गी मार्कण्डेयवरप्रदा । पुत्रपौत्रप्रदा पुण्या पुरुषार्थप्रदायिनी ॥१२॥
Verse
सत्यधर्मरता सर्वसाक्षिणी सर्वरूपिणी । श्यामला बगला चण्डी मातृका भगमालिनी ॥१३॥
Verse
शूलिनी विरजा स्वाहा स्वधा प्रत्यङ्गिराम्बिका । आर्या दाक्षायणी दीक्षा सर्ववस्तूत्तमोत्तमा ॥१४॥
Verse
शिवाभिधाना श्रीविद्या प्रणवार्थस्वरूपिणी । ह्रीङ्कारी नादरूपा च त्रिपुरा त्रिगुणेश्वरी । सुन्दरी स्वर्णगौरी च षोडशाक्षरदेवता ॥१५॥
Verse
॥इति श्री-गौर्यष्टोत्तरशतनामस्तोत्रं सम्पूर्णम्॥
