Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

ardhanārīśvara-aṣṭakam

अर्धनारीश्वर-अष्टकम्

Verse

चाम्पेयगौरार्ध-शरीरकायै कर्पूरगौरार्ध-शरीरकाय । धम्मिल्लकायै च जटाधराय नमः शिवायै च नमः शिवाय ॥१॥

Verse

कस्तूरिकाकुङ्कुमचर्चितायै चितारजःपुञ्जविचर्चिताय । कृतस्मरायै विकृतस्मराय नमः शिवायै च नमः शिवाय ॥२॥

Verse

झणत्क्वणत्कङ्कण-नूपुरायै पादाब्जराजत्-फणिनूपुराय । हेमाङ्गदायै च भुजङ्गदाय नमः शिवायै च नमः शिवाय ॥३॥

Verse

विशालनीलोत्पललोचनायै विकासिपङ्केरुहलोचनाय । समेक्षणायै विषमेक्षणाय नमः शिवायै च नमः शिवाय ॥४॥

Verse

मन्दारमालाकलितालकायै कपालमालाङ्कितकन्धराय । दिव्याम्बरायै च दिगम्बराय नमः शिवायै च नमः शिवाय ॥५॥

Verse

अम्भोधरश्यामलकुन्तलायै तटित्प्रभाताम्रजटाधराय । निरीश्वरायै निखिलेश्वराय नमः शिवायै च नमः शिवाय ॥६॥

Verse

प्रपञ्चसृष्ट्युन्मुखलास्यकायै समस्तसंहारकताण्डवाय । जगज्जनन्यै जगदेकपित्रे नमः शिवायै च नमः शिवाय ॥७॥

Verse

प्रदीप्तरत्नोज्ज्वलकुण्डलायै स्फुरन्महापन्नगभूषणाय । शिवान्वितायै च शिवान्विताय नमः शिवायै च नमः शिवाय ॥८॥

Verse

एतत्पठेदष्टकमिष्टदं यो भक्त्या स मान्यो भुवि दीर्घजीवी । प्राप्नोति सौभाग्यमनन्तकालं भूयात् सदा तस्य समस्तसिद्धिः ॥

Verse

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-अर्धनारीश्वराष्टकं सम्पूर्णम्॥

umāmaheśvarastotram
śivaśivāstutiḥ

Read next

More on अर्धनारीश्वर-अष्टकम्

  • अर्धनारीश्वराष्टकम्Ashtakam
  • अर्धनारीश्वराष्टकम्Ashtakam
  • अर्धनारीश्वर्यष्टोत्तरशतनामस्तोत्रम्Ashtottaranama
  • अर्धनारीश्वराष्टोत्तरशतनामस्तोत्रम्Stotra

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms