Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

sahasranAma

sudarśana sahasranāma stotram

सुदर्शन सहस्रनाम स्तोत्रम्

Verse

श्री गणेशाय अथनमः ॥

Verse

श्री सुदर्शन परब्रह्मणे नमः ॥

Verse

श्री सुदर्शन सहस्रनाम स्तोत्रम् ॥

Verse

कैलास शिखरे रम्ये मुक्तामाणिक्य मण्डपे । रक्तसिंहासनासीनं प्रमथैः परिवारितम् ॥१॥

Verse

बद्धाञ्जलिपुटा भूत्वा पप्रच्छ विनयान्विता । भर्तारं सर्वधर्मज्ञं पार्वती परमेश्वरम् ॥२॥

Verse

पार्वती यत् त्वयोक्तं जगन्नाथ सुभ्रुशं क्षेममिच्छताम् । सौदर्शनं रुते शास्त्रं नास्तिचान्यदिति प्रभो ॥३॥

Verse

तत्र काचित् विवक्षास्थि तमर्थं प्रति मे प्रभो । एवमुक्तस्त्वहिर्बुद्ध्न्यः पार्वतीं प्रत्युवाच ताम् ॥४॥

Verse

अहिर्बुद्ध्न्य संशयो यदि ते तत्र तं ब्रूहि त्वं वरानने । इत्येवमुक्ता गिरिजा गिरिशेन महात्मना ॥५॥

Verse

पुनः प्रोवाच सर्वज्ञं ज्ञानमुद्राधरं पतिम् ॥

Verse

पार्वत्युवाच लोके सौदर्शनं मन्त्रं यन्त्रंतत्तत् प्रयोगवत् ॥६॥

Verse

सर्वं विज्ञातुमभ्यत्र यथावत् समनुष्ठितुम् । अतिवेलमशक्तानां तं मार्गं भृशमीछ्ताम् ॥७॥

Verse

को मार्गः का कथिस्तेषाम् कार्यसिद्धिः कथं भवेत् । एतन्मे ब्रूहि लोकेश त्वदन्यः को वदेतमुम् ॥८॥

Verse

ईश्वर उवाच अहं ते कथयिश्यामि सर्व सिद्धिकरं शुभम् । अनायासेन यज्जप्त्वा नरस्सिद्धिमवाप्नुयात् ॥९॥

Verse

तश्च सौदर्शनं दिव्यं गुह्यं नामसहस्रकम् । नियमात् पठतां नॄणां चिन्तितार्थ प्रदायकम् ॥१०॥

Verse

तस्य नामसहस्रस्य सोऽहमेव ऋषिः स्मृतः । छन्दोनुष्टुप् देवता तु परमात्मा सुदर्शनः ॥११॥

Verse

श्रीं बीजं ह्रीं तु शक्तिस्सा क्लीं कीलकमुदाहृतम् । समस्ताभीष्ट सिध्यर्थे विनियोग उदाहृतः ॥१२॥

Verse

शङ्खं चक्रं च चापादि ध्यानमस्य समीरितम् ॥

Verse

ध्यानं शङ्खं चक्रं च चापं परशुमसिमिशुं शूल पाशाङ्कुशाब्जम् बिभ्राणं वज्रखेटौ हल मुसल गदा कुंदमत्युग्र दंष्ट्रम् । ज्वाला केशं त्रिनेत्रं ज्वल दलननिभं हार केयूर भूषम् ध्यायेत् षट्कोण संस्थं सकल रिपुजन प्राण संहारि चक्रम् ॥

Verse

॥

Verse

हरिः ॐ ॥

Verse

श्रीचक्रः श्रीकरः श्रीशः श्रीविष्णुः श्रीविभावनः । श्रीमदान्त्य हरः श्रीमान् श्रीवत्सकृत लक्षणः ॥१॥

Verse

श्रीनिधिः श्रीवरः स्रग्वी श्रीलक्ष्मी करपूजितः । श्रीरतः श्रीविभुः सिंधुकन्यापतिः अधोक्षजः ॥२॥

Verse

अच्युतश्चाम्बुजग्रीवः सहस्रारः सनातनः । समर्चितो वेदमूर्तिः समतीत सुराग्रजः ॥३॥

Verse

षट्कोण मध्यगो वीरः सर्वगोऽष्टभुजः प्रभुः । चण्डवेगो भीमरवः शिपिविष्टार्चितो हरिः ॥४॥

Verse

शाश्वतः सकलः श्यामः श्यामलः शकटार्थनः । दैत्यारिः शारदस्कन्धः सकटाक्षः शिरीषगः ॥५॥

Verse

शरपारिर्भक्तवश्यः शशाङ्को वामनोव्ययः । वरूथीवारिजः कञ्जलोचनो वसुधादिपः ॥६॥

Verse

वरेण्यो वाहनोऽनन्तः चक्रपाणिर्गदाग्रजः । गभीरो गोलकाधीशो गदापणिस्सुलोचनः ॥७॥

Verse

सहस्राक्षः चतुर्बाहुः शङ्खचक्र गदाधरः । भीषणो भीतिदो भद्रो भीमाभीष्ट फलप्रदः ॥८॥

Verse

भीमार्चितो भीमसेनो भानुवंश प्रकाशकः । प्रह्लादवरदः बाललोचनो लोकपूजितः ॥९॥

Verse

उत्तरामानदो मानी मानवाभीष्ट सिद्धिदः । भक्तपालः पापहारी बलदो दहनध्वजः ॥१०॥

Verse

करीशः कनको दाता कामपाल पुरातनः । अक्रूरः क्रूरजनकः क्रूरदंष्ट्रः कुलादिपः ॥११॥

Verse

क्रूरकर्मा क्रूररूपि क्रूरहारी कुशेशयः । मन्दरो मानिनीकांतो मधुहा माधवप्रियः ॥१२॥

Verse

सुप्रतप्त स्वर्णरूपी बाणासुर भुजांतकृत् । धराधरो दानवारिर्दनुजेन्द्रारि पूजितः ॥१३॥

Verse

भाग्यप्रदो महासत्त्वो विश्वात्मा विगतज्वरः । सुराचार्यार्चितो वश्यो वासुदेवो वसुप्रदः ॥१४॥

Verse

प्रणतार्तिहरः श्रेष्टः शरण्यः पापनाशनः । पावको वारणाद्रीशो वैकुण्ठो विगतकल्मषः ॥१५॥

Verse

वज्रदंष्ट्रो वज्रनखो वायुरूपी निराश्रयः । निरीहो निस्पृहो नित्यो नीतिज्ञो नीतिपावनः ॥१६॥

Verse

नीरूपो नारदनुतो नकुलाचल वासकृत् । नित्यानन्दो बृहद्भानुः बृहदीशः पुरातनः ॥१७॥

Verse

निधिनामधिपोऽनन्दो नरकार्णव तारकः । अगाधोऽविरलो मर्त्यो ज्वालाकेशः ककार्च्चितः ॥१८॥

Verse

तरुणस्तनुकृत् भक्तः परमः चित्तसम्भवः । चिन्त्यस्सत्वनिधिः साग्रस्चिदानन्दः शिवप्रियः ॥१९॥

Verse

शिन्शुमारश्शतमखः शातकुम्भ निभप्रभः । भोक्तारुणेशो बलवान् बालग्रह निवारकः ॥२०॥

Verse

सर्वारिष्ट प्रशमनो महाभय निवारकः । बन्धुः सुबन्धुः सुप्रीतस्सन्तुष्टस्सुरसन्नुतः ॥२१॥

Verse

बीजकेश्यो बको भानुः अमितार्चिर्पाम्पतिः । सुयज्ञो ज्योतिषश्शांतो विरूपाक्षः सुरेश्वरः ॥२२॥

Verse

वह्निप्राकार संवीतो रक्तगर्भः प्रभाकरः । सुशीलः सुभगः स्वक्षः सुमुखः सुखदः सुखी ॥२३॥

Verse

महासुरः शिरच्छेता पाकशासन वंदितः । शतमूर्ति सहस्रारो हिरण्य ज्योतिरव्ययः ॥२४॥

Verse

मण्डली मण्डलाकारः चंद्रसूर्याग्नि लोचनः । प्रभञ्जनः तीक्ष्णधारः प्रशांतः शारदप्रियः ॥२५॥

Verse

भक्तप्रियो बलिहरो लावण्योलक्षणप्रियः । विमलो दुर्लभस्सोम्यस्सुलभो भीमविक्रमः ॥२६॥

Verse

जितमन्युः जितारातिः महाक्षो भृगुपूजितः । तत्त्वरूपः तत्त्ववेदिः सर्वतत्व प्रतिष्ठितः ॥२७॥

Verse

भावज्ञो बंधुजनको दीनबंधुः पुराणवित् । शस्त्रेशो निर्मतो नेता नरो नानासुरप्रियः ॥२८॥

Verse

नाभिचक्रो नतामित्रो नधीश करपूजितः । दमनः कालिकः कर्मी कान्तः कालार्थनः कविः ॥

Verse

२९॥

Verse

वसुंधरो वायुवेगो वराहो वरुणालयः । कमनीयकृतिः कालः कमलासन सेवितः । कृपालुः कपिलः कामी कामितार्थ प्रदायकः ॥३०॥

Verse

धर्मसेतुर्धर्मपालो धर्मी धर्ममयः परः । ज्वालाजिम्हः शिखामौळीः सुरकार्य प्रवर्तकः ॥३१॥

Verse

कलाधरः सुरारिघ्नः कोपहा कालरूपदृक् । दाताऽऽनंदमयो दिव्यो ब्रह्मरूपी प्रकाशकृत् ॥३२ । सर्वयज्ञमयो यज्ञो यज्ञभुक् यज्ञभावनः । वह्निध्वजो वह्निसखो वञ्जुळद्रुम मूलकः ॥३३॥

Verse

दक्षहा दानकारी च नरो नारायणप्रियः । दैत्यदण्डधरो दान्तः शुभ्राङ्गः शुभदायकः ॥३४॥

Verse

लोहिताक्षो महारौद्रौ मायारूपधरः खगः । उन्नतो भानुजः साङ्गो महाचक्रः पराक्रमी ॥३५॥

Verse

अग्नीशोऽग्निमयः द्वग्निलोचनोग्नि समप्रभः । अग्निमानग्निरसनो युद्धसेवी रविप्रियः ॥३६॥

Verse

आश्रित घौघ विध्वंसी नित्यानंद प्रदायकः । असुरघ्नो महाबाहूर्भीमकर्मा शुभप्रदः ॥३७॥

Verse

शशांक प्रणवाधारः समस्थाशी विषापहः । तर्को वितर्को विमलो बिलको बादरायणः ॥३८॥

Verse

बदिरग्नस्चक्रवाळः षट्कोणांतर्गतस्शिखीः । दृतधन्वा शोडषाक्षो दीर्घबाहूर्दरीमुखः ॥

Verse

३९॥

Verse

प्रसन्नो वामजनको निम्नो नीतिकरः शुचिः । नरभेदि सिंहरूपी पुराधीशः पुरन्दरः ॥४०॥

Verse

रविस्तुतो यूतपालो युतपारिस्सतांगतिः । हृषिकेशो द्वित्रमूर्तिः द्विरष्टायुदभृत् वरः ॥४१॥

Verse

दिवाकरो निशानाथो दिलीपार्चित विग्रहः । धन्वंतरिस्श्यामळारिर्भक्तशोक विनाशकः ॥४२॥

Verse

रिपुप्राण हरो जेता शूरस्चातुर्य विग्रहः । विधाता सच्चिदानंदस्सर्वदुष्ट निवारकः ॥४३॥

Verse

उल्को महोल्को रक्तोल्कस्सहस्रोल्कस्शतार्चिषः । बुद्धो बौद्धहरो बौद्ध जनमोहो बुधाश्रयः ॥४४ ॥

Verse

पूर्णबोधः पूर्णरूपः पूर्णकामो महाद्युतिः । पूर्णमंत्रः पूर्णगात्रः पूर्णषाड्गुण्य विग्रहः ॥४५॥

Verse

पूर्णनेमिः पूर्ननाभिः पूर्णाशी पूर्णमानसः । पूर्णसारः पूर्णशक्तिः रङ्गसेवि रणप्रियः ॥४६॥

Verse

पूरिताशोऽरिष्टदाति पूर्णार्थः पूर्णभूषणः । पद्मगर्भः पारिजातः परमित्रस्शराकृतिः ॥४७॥

Verse

भूबृत्वपुः पुण्यमूर्ति भूभृतां पतिराशुकः । भाग्योदयो भक्तवश्यो गिरिजावल्लभप्रियः ॥४८॥

Verse

गविष्टो गजमानीशो गमनागमन प्रियः । ब्रह्मचारि बंधुमानी सुप्रतीकस्सुविक्रमः ॥

Verse

४९॥

Verse

शंकराभीष्टदो भव्यः साचिव्यस्सव्यलक्षणः । महाहंसस्सुखकरो नाभाग तनयार्चितः ॥५०॥

Verse

कोटिसूर्यप्रभो दीप्तो विद्युत्कोटि समप्रभः । वज्रकल्पो वज्रसखो वज्रनिर्घात निस्वनः ॥५१॥

Verse

गिरीशो मानदो मान्यो नारायण करालयः । अनिरुद्धः परामर्षी उपेन्द्रः पूर्णविग्रहः ॥५२॥

Verse

आयुधेशस्शतारिघ्नः शमनः शतसैनिकः । सर्वासुर वधोद्युक्तः सूर्य दुर्मान भेदकः ॥५३॥

Verse

राहुविप्लोषकारी च काशीनगर दाहकः । पीयुषांशु परंज्योतिः सम्पूर्ण क्रतुभुक् प्रभुः ॥५४॥

Verse

मान्धातृ वरदस्शुद्धो हरसेव्यस्शचीष्टदः । सहिष्णुर्बलभुक् वीरो लोकभृल्लोकनायकः ॥५५॥

Verse

दुर्वासोमुनि दर्पघ्नो जयतो विजयप्रियः । पुराधीशोऽसुरारातिः गोविन्द करभूषणः ॥५६॥

Verse

रथरूपी रथाधीशः कालचक्र कृपानिधिः । चक्ररूपधरो विष्णुः स्थूलसूक्ष्मश्शिखिप्रभः ॥५७॥

Verse

शरणागत संत्राता वेताळारिर्महाबलः । ज्ञानदो वाक्पतिर्मानी महावेगो महामणिः ॥५८॥

Verse

विद्युत् केशो विहारेशः पद्मयोनिः चतुर्भुजः । कामात्मा कामदः कामी कालनेमि शिरोहरः ॥

Verse

५९॥

Verse

शुभ्रस्शुचीस्शुनासीरः शुक्रमित्रः शुभाननः । वृषकायो वृषारातिः वृषभेंद्र सुपूजितः ॥६०॥

Verse

विश्वम्भरो वीतिहोत्रो वीर्यो विश्वजनप्रियः । विश्वकृत् विश्वभो विश्वहर्ता साहसकर्मकृत् ॥६१॥

Verse

बाणबाहूहरो ज्योतिः परात्मा शोकनाशनः । विमलादिपतिः पुण्यो ज्ञाता ज्ञेयः प्रकाशकः ॥६२॥

Verse

म्लेच्छ प्रहारी दुष्टघ्नः सूर्यमण्डलमध्यगः । दिगम्बरो वृशाद्रीशो विविधायुध रूपकः ॥६३॥

Verse

सत्ववान् सत्यवागीशः सत्यधर्म परायणः । रुद्रप्रीतिकरो रुद्र वरदो रुग्विभेदकः ॥६४॥

Verse

नारायणो नक्रभेदी गजेन्द्र परिमोक्षकः । धर्मप्रियः षडाधारो वेदात्मा गुणसागरः ॥६५॥

Verse

गदामित्रः पृथुभुजो रसातल विभेदकः । तमोवैरी महातेजाः महाराजो महातपाः ॥६६॥

Verse

समस्तारिहरः शांत क्रूरो योगेश्वरेश्वरः । स्थविरस्स्वर्ण वर्णाङ्गः शत्रुसैन्य विनाशकृत् ॥६७॥

Verse

प्राज्ञो विश्वतनुत्राता शृतिस्मृतिमयः कृति । व्यक्ताव्यक्त स्वरूपांसः कालचक्रः कलानिधिः ॥

Verse

६८॥

Verse

महाध्युतिरमेयात्मा वज्रनेमिः प्रभानिधिः । महास्फुलिंग धारार्चिः महायुद्ध कृतच्युतः ॥६९॥

Verse

कृतज्ञस्सहनो वाग्मी ज्वालामाला विभूषणः । चतुर्मुखनुतः श्रीमान् भ्राजिष्णुर्भक्तवत्सलः ॥७०॥

Verse

चातुर्यगमनश्चक्री चातुर्वर्ग प्रदायकः । विचित्रमाल्याभरणः तीक्ष्णधारः सुरार्चितः ॥७१॥

Verse

युगकृत् युगपालश्च युगसंधिर्युगांतकृत् । सुतीक्ष्णारगणो गम्यो बलिध्वंसी त्रिलोकपः ॥७२॥

Verse

त्रिनेत्रस्त्रिजगद्वंध्यः तृणीकृत महासुरः । त्रिकालज्ञस्त्रिलोकज्ञः त्रिनाभिः त्रिजगत्प्रियः ॥७३॥

Verse

सर्वयंत्रमयो मंत्रस्सर्वशत्रु निबर्हणः । सर्वगस्सर्ववित् सौम्यस्सर्वलोकहितंकरः ॥७४॥

Verse

आदिमूलः सद्गुणाढ्यो वरेण्यस्त्रिगुणात्मकः । ध्यानगम्यः कल्मषघ्नः कलिगर्व प्रभेदकः ॥७५॥

Verse

कमनीय तनुत्राणः कुण्डली मण्डिताननः । सुकुण्ठीकृत चण्डेशः सुसंत्रस्थ षडाननः ॥७६॥

Verse

विषाधीकृत विघ्नेशो विगतानंद नंदिकः । मथित प्रमथव्यूहः प्रणत प्रमदाधिपः ॥

Verse

७७॥

Verse

प्राणभिक्षा प्रदोऽनंतो लोकसाक्षी महास्वनः । मेधावी शाश्वथोऽक्रूरः क्रूरकर्माऽपराजितः ॥७८॥

Verse

अरी दृष्टोऽप्रमेयात्मा सुंदरश्शत्रुतापनः । योग योगीश्वराधीशो भक्ताभीष्ट प्रपूरकः ॥७९॥

Verse

सर्वकामप्रदोऽचिंत्यः शुभाङ्गः कुलवर्धनः । निर्विकारोऽन्तरूपो नरनारायणप्रियः ॥८०॥

Verse

मंत्र यंत्र स्वरूपात्मा परमंत्र प्रभेदकः । भूतवेताळ विध्वंसी चण्ड कूष्माण्ड खण्डनः ॥८१॥

Verse

यक्ष रक्षोगण ध्वंसी महाकृत्या प्रदाहकः । सकलीकृत मारीचः भैरव ग्रह भेदकः ॥८२॥

Verse

चूर्णिकृत महाभूतः कबलीकृत दुर्ग्रहः । सुदुर्ग्रहो जम्भभेदी सूचीमुख निषूदनः ॥८३॥

Verse

वृकोदरबलोद्धर्त्ता पुरंदर बलानुगः । अप्रमेय बलः स्वामी भक्तप्रीति विवर्धनः ॥८४॥

Verse

महाभूतेश्वरश्शूरो नित्यस्शारदविग्रहः । धर्माध्यक्षो विधर्मघ्नः सुधर्मस्थापकश्शिवः ॥८५॥

Verse

विधूमज्वलनो भानुर्भानुमान् भास्वताम् पतिः । जगन्मोहन पाटीरस्सर्वोपद्रव शोधकः ॥८६॥

Verse

कुलिशाभरणो ज्वालावृतस्सौभाग्य वर्धनः । ग्रहप्रध्वंसकः स्वात्मरक्षको धारणात्मकः ॥८७॥

Verse

संतापनो वज्रसारस्सुमेधाऽमृत सागरः । संतान पञ्जरो बाणताटङ्को वज्रमालिकः ॥८८॥

Verse

मेखालग्निशिखो वज्र पञ्जरस्ससुराङ्कुशः । सर्वरोग प्रशमनो गांधर्व विशिखाकृतिः ॥

Verse

८९॥

Verse

प्रमोह मण्डलो भूत ग्रह शृङ्खल कर्मकृत् । कलावृतो महाशङ्खु धारणस्शल्य चंद्रिकः ॥९०॥

Verse

छेदनो धारकस्शल्य क्षूत्रोन्मूलन तत्परः । बन्धनावरणस्शल्य कृन्तनो वज्रकीलकः ॥९१॥

Verse

प्रतीकबंधनो ज्वाला मण्डलस्शस्त्रधारणः । इन्द्राक्षीमालिकः कृत्या दण्डस्चित्तप्रभेदकः ॥९२॥

Verse

ग्रह वागुरिकस्सर्व बन्धनो वज्रभेदकः । लघुसंतान संकल्पो बद्धग्रह विमोचनः ॥९३॥

Verse

मौलिकाञ्चन संधाता विपक्ष मतभेदकः । दिग्बंधन करस्सूची मुखाग्निस्चित्तपातकः ॥९४॥

Verse

चोराग्नि मण्डलाकारः परकङ्काळ मर्दनः । तांत्रीकस्शत्रुवंशघ्नो नानानिगळ मोचनः ॥९५॥

Verse

समस्थलोक सारङ्गः सुमहा विषदूषणः । सुमहा मेरुकोदण्डः सर्व वश्यकरेश्वरः ॥९६॥

Verse

निखिलाकर्षणपटुः सर्व सम्मोह कर्मकृत् । संस्थम्बन करः सर्व भूतोच्चाटन तत्परः ॥९७॥

Verse

अहितामय कारी च द्विषन्मारण कारकः । एकायन गदामित्र विद्वेषण परायणः ॥९८॥

Verse

सर्वार्थ सिद्धिदो दाता विधाता विश्वपालकः । विरूपाक्षो महावक्षाः वरिष्टो माधवप्रियः ॥

Verse

९९॥

Verse

अमित्रकर्शन शांतः प्रशांतः प्रणतार्तिहा । रमणीयो रणोत्साहो रक्ताक्षो रणपण्डितः ॥१००॥

Verse

रणांतकृत् रताकारः रताङ्गो रविपूजितः । वीरहा विविधाकारः वरुणाराधितो वशीः । सर्व शत्रु वधाकाङ्क्षी शक्तिमान् भक्तमानदः ॥१०१॥

Verse

सर्वलोकधरः पुण्यः पुरुषः पुरुषोत्तमः । पुराणः पुण्डरीकाक्षः परमर्म प्रभेदकः ॥१०२॥

Verse

वीरासनगतो वर्मी सर्वाधारो निरङ्कुशः । जगत्_रक्षो जगन्मूर्तिः जगदानंद वर्धनः ॥१०३॥

Verse

शारदः शकटारातिः शङ्करस्शकटाकृतिः । विरक्तो रक्तवर्णाढ्यो रामसायक रूपदृत् ॥१०४॥

Verse

महावराह् दंष्ट्रात्मा नृसिंह नगरात्मकः । समदृङ्मोक्षदो वंध्यो विहारी वीतकल्मषः ॥१०५॥

Verse

गम्भीरो गर्भगो गोप्ता गभस्तिर्गुह्यगोगुरुः । श्रीधरः श्रीरतस्श्रांतः शत्रुघ्नस्शृतिगोचरः ॥१०६॥

Verse

पुराणो विततो वीरः पवित्रस्चरणाह्वयः । महाधीरो महावीर्यो महाबल पराक्रमः ॥१०७॥

Verse

सुविग्रहो विग्रहघ्नः सुमानी मानदायकः । मायी मायापहो मंत्री मान्यो मानविवर्धनः ॥१०८॥

Verse

शत्रुसंहारकस्शूरः शुक्रारिश्शङ्करार्चितः । सर्वाधारः परंज्योतिः प्राणः प्राणभृतच्युतः ॥१०९॥

Verse

चंद्रधामाऽप्रतिद्वंदः परमात्मा सुदुर्गमः । विशुद्धात्मा महातेजाः पुण्यश्लोकः पुराणवित् ॥११०॥

Verse

समस्थ जगदाधारो विजेता विक्रमः क्रमः । आदिदेवो ध्रुवो दृश्यः सात्त्विकः प्रीतिवर्धनः ॥१११॥

Verse

सर्वलोकाश्रयस्सेव्यः सर्वात्मा वंशवर्धनः । दुराधर्षः प्रकाशात्मा सर्वदृक् सर्ववित्समः ॥११२॥

Verse

सद्गतिस्सत्वसम्पन्नः नित्यसंकल्प कल्पकः । वर्णी वाचस्पतिर्वाग्मी महाशक्तिः कलानिधिः ॥११३॥

Verse

अंतरिक्षगतिः कल्यः कलिकालुष्य मोचनः । सत्यधर्मः प्रसन्नात्मा प्रकृष्टो व्योमवाहनः ॥११४॥

Verse

शितधारस्शिखि रौद्रो भद्रो रुद्रसुपूजितः । दरिमुखाग्निजम्भघ्नो वीरहा वासवप्रियः ॥११५॥

Verse

दुस्तरस्सुदुरारोहो दुर्ज्ञेयो दुष्टनिग्रहः । भूतावासो भूतहंता भूतेशो भूतभावनः ॥११६॥

Verse

भावज्ञो भवरोगघ्नो मनोवेगी महाभुजः । सर्वदेवमयः कांतः स्मृतिमान् सर्वपावनः ॥११७॥

Verse

नीतिमन् सर्वजित् सौम्यो महर्षीरपराजितः । रुद्राम्बरीष वरदो जितमायः पुरातनः ॥११८॥

Verse

अध्यात्म निलयो भोक्ता सम्पूर्णस्सर्वकामदः । सत्योऽक्षरो गभीरात्मा विश्वभर्ता मरीचिमान् ॥११९॥

Verse

निरञ्जनो जितभ्रांशुः अग्निगर्भोऽग्नि गोचरः । सर्वजित् सम्भवो विष्णुः पूज्यो मंत्रवितक्रियः ॥१२०॥

Verse

शतावर्त्तः कलानाथः कालः कालमयो हरिः । अरूपो रूपसम्पन्नो विश्वरूपो विरूपकृत् ॥१२१॥

Verse

स्वाम्यात्मा समरश्लाघी सुव्रतो विजयांवितः । चण्ड्घ्नस्चण्डकिरणः चतुरस्चारणप्रियः ॥१२२॥

Verse

पुण्यकीर्तिः परामर्षी नृसिंहो नाभिमध्यगः । यज्ञात्म यज्ञसंकल्पो यज्ञकेतुर्महेश्वरः ॥१२३॥

Verse

जितारिर्यज्ञनिलयश्शरण्यश्शकटाकृतिः । उत्त्मोऽनुत्त्मोनङ्गस्साङ्गस्सर्वाङ्ग शोभनः ॥१२४॥

Verse

कालाग्निः कालनेमिघ्नः कामि कारुण्यसागरः । रमानंदकरो रामो रजनीशांतरस्थितः ॥१२५॥

Verse

संवर्धन समरांवेषी द्विषत्प्राण परिग्रहः । महाभिमानी संधाता सर्वाधीशो महागुरुः ॥१२६ सिद्धः सर्वजगद्योनिः सिद्धार्थस्सर्वसिद्धिदः । चतुर्वेदमयश्शास्था सर्वशास्त्र विशारदः ॥१२७ ॥

Verse

तिरस्कृतार्क तेजस्को भास्कराराधितश्शुभः । व्यापी विश्वम्भरो व्यग्रः स्वयंज्योतिरनंतकृत् ॥१२८॥

Verse

जयशीलो जयाकांक्षी जातवेदो जयप्रदः । कविः कल्याणदः काम्यो मोक्षदो मोहनाकृतिः ॥१२९॥

Verse

कुङ्कुमारुण सर्वाङ्ग कमलाक्षः कवीश्वरः । सुविक्रमो निष्कळङ्को विश्वक्सेनो विहारकृत् ॥१३०॥

Verse

कदम्बासुर विध्वंसी केतनग्रह दाहकः । जुगुप्साग्नस्तीक्ष्णधारो वैकुण्ठ भुजवासकृत् ॥१३१॥

Verse

सारज्ञः करुणामूर्तिः वैष्णवो विष्णुभक्तिदः । सुक्रुतज्ञो महोदारो दुष्कृतघ्नस्सुविग्रहः ॥१३२॥

Verse

सर्वाभीष्ट प्रदोऽन्तो नित्यानंदो गुणाकरः । चक्री कुंदधरः खड्गी परश्वत धरोऽग्निभृत् ॥१३३॥

Verse

दृताङ्कुशो दण्डधरः शक्तिहस्थस्सुशङ्खभ्रुत् । धन्वी दृतमहापाशो हलि मुसलभूषणः ॥१३४॥

Verse

गदायुधधरो वज्री महाशूल लसत्भुजः । समस्तायुध सम्पूर्णस्सुदर्शन महाप्रभुः ॥१३५॥

Verse

॥

Verse

फलशृतिः ॥

Verse

इति सौदर्शनं दिव्यं गुह्यं नामसहस्रकम् । सर्वसिद्धिकरं सर्व यंत्र मंत्रात्मकं परम् ॥१३६॥

Verse

एतन्नाम सहस्रं तु नित्यं यः पठेत् सुधीः । शृणोति वा श्रावयति तस्य सिद्धिः करस्तिता ॥१३७॥

Verse

दैत्यानां देवशत्रूणां दुर्जयानां महौजसाम् । विनाशार्थमिदं देवि हरो रासाधितं मया ॥१३८॥

Verse

शत्रुसंहारकमिदं सर्वदा जयवर्धनम् । जल शैल महारण्य दुर्गमेषु महापति ॥१३९॥

Verse

भयङ्करेषु शापत्सु सम्प्राप्तेषु महत्सुच । यस्सकृत् पठनं कुर्यात् तस्य नैव भवेत् भयम् ॥१४०॥

Verse

ब्रह्मघ्नश्च पशुघ्नश्च मातापितॄ विनिंदकः । देवानां दूषकश्चापि गुरुतल्पगतोऽपि वा ॥१४१॥

Verse

जप्त्वा सकृतिदं स्तोत्रं मुच्यते सर्वकिल्बिषैः । तिष्ठन् गच्छन् स्वपन् भुञ्जन् जाग्रन्नपि हसन्नपि ॥१४२॥

Verse

सुदर्शन नृसिंहेति यो वदेत्तु सकृन्नरः । स वै न लिप्यते पापैः भुक्तिं मुक्तिं च विंदति ॥१४३॥

Verse

आदयो व्यादयस्सर्वे रोगा रोगादिदेवताः । शीघ्रं नश्यंति ते सर्वे पठनात्तस्य वै नृणाम् ॥१४४॥

Verse

बहूनात्र किमुक्तेन जप्त्वेदं मंत्र पुष्कलम् । यत्र मर्त्यश्चरेत् तत्र रक्षति श्रीसुदर्शनः ॥१४५॥

Verse

इति श्री विहगेश्वर उत्तरखण्डे उमामहेश्वरसंवादे मंत्रविधाने श्री सुदर्शन सहस्रनाम स्तोत्रं नाम षोडश प्रकाशः ॥

śrīsītāsahastranāmastotram‌
sudarśana sahasranāmāvaliḥ

Read next

More on सुदर्शन

  • सुदर्शनषटकंAshtakam
  • श्रीसुदर्शनषट्कम्Ashtakam
  • श्री सुदर्शनाष्टकम् (श्री वेङ्कटनायकप्रणीतम्)Ashtakam
  • सुदर्शनाष्टकंAshtakam
  • श्री सुदर्शनाष्टोत्तरशतनाम स्तोत्रंAshtottaranama
  • श्रीसुदर्शनाष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms