Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

sahasranAma

śrī lakṣmī sahastranāmastotram

श्री लक्ष्मी सहस्त्रनामस्तोत्रम्

Verse

ध्यानम भूयाद्भूयो द्विपद्माभयवरदकरा तप्तकार्तस्वराभा शुभ्राभ्राभेभयुग्मद्वयकरधृतकुम्भाद्भिरासिच्यमाना । रक्तौघाबद्धमौलिर्विमलतरदुकूलार्तवालेपनाढ्या पद्माक्षी पद्मनाभोरसि कृतवसतिः पद्मगा श्रीः श्रियै नः ॥

Verse

स्तोत्रम्‌ श्रीः पद्मा प्रकृतिः सत्त्वा शान्ता चिच्छक्तिरव्यया । केवला निष्कला शुद्धा व्यापिनी व्योमविग्रहा ॥१॥

Verse

व्योमपद्मकृताधारा परा व्योमामृतोद्भवा । निर्व्योमा व्योममध्यस्था पञ्चव्योमपदाश्रिता ॥२॥

Verse

अच्युता व्योमनिलया परमानन्दरूपिणी । नित्यशुद्धा नित्यतृप्ता निर्विकारा निरीक्षणा ॥३॥

Verse

ज्ञानशक्तिः कर्तृशक्तिर्भोक्तृशक्तिः शिखावहा । स्नेहाभासा निरानन्दा विभूतिर्विमला चला ॥४॥

Verse

अनन्ता वैष्णवी व्यक्ता विश्वानन्दा विकाशिनी । शक्तिर्विभिन्नसर्वार्तिः समुद्रपरितोषिणी ॥५॥

Verse

मूर्तिः सनातनी हार्दी निस्तरङ्गा निरामया । ज्ञानज्ञेया ज्ञानगम्या ज्ञानज्ञेयविकाशिनी ॥६॥

Verse

स्वच्छन्दशक्तिर्गहना निष्कम्पार्चिः सुनिर्मला । स्वरूपा सर्वगा पारा बृंहिणी सुगुणोर्जिता ॥७॥

Verse

अकलङ्का निराधारा निःसंकल्पा निराश्रया । असंकीर्णा सुशान्ता च शाश्वती भासुरी स्थिरा ॥८॥

Verse

अनौपम्या निर्विकल्पा नियन्त्रा यन्त्रवाहिनी । अभेद्या भेदिनी भिन्ना भारती वैखरी खगा ॥९॥

Verse

अग्राह्या ग्राहिका गूढा गम्भीरा विश्वगोपिनी । अनिदैश्‍याप्रतिहता निर्बीजा पावनी परा ॥१०॥

Verse

अप्रतर्क्या परिमिता भवभ्रान्तिविनाशिनी । एका द्विरूपा त्रिविधा असंख्याता सुरेश्वरी ॥११॥

Verse

सुप्रतिष्ठा महाधात्री स्थितिर्वृद्धिर्ध्रृवा गतिः । ईश्वरी महिमा ऋद्धिः प्रमोद उज्ज्वलोद्यमा ॥१२॥

Verse

अक्षया वर्धमाना च सुप्रकाशा विहङ्गमा । नीरजा जननी नित्या जया रोचिष्मती शुभा ॥१३॥

Verse

तपोनुदा च ज्वाला च सुदीप्तिश्चांशुमालिनी । अप्रमेया त्रिधा सूक्ष्मा परा निर्वाणदायिनी ॥१४॥

Verse

अवदाता सुशुद्धा च अमोघाख्या परम्परा । संधानकी शुद्धविद्या सर्वभूतमहेश्वरी ॥१५॥

Verse

लक्ष्मीस्तुष्टिर्महाधीरा शान्तिरापूरणेन वा । अनुग्रहाशक्तिराद्या जगज्ज्येष्ठा जगद्विधिः ॥१६॥

Verse

सत्या प्रह्वा क्रिया योग्या अपर्णा ह्लादिनी शिवा । सम्पूर्णा ह्लादिनी शुद्धा ज्योतिष्मत्यमृतावहा ॥१७॥

Verse

रजोवत्यर्कप्रतिभाऽऽकर्षिणी कर्षिणी रसा । परावसुमती देवा कान्तिः शान्तिर्मतिः कला ॥१८॥

Verse

कला कलङ्करहिता विशालोद्दीपनी रतिः । सम्बोधिनी हारिणी च प्रभावा भवभूतिदा ॥१९॥

Verse

अमृतस्यन्दिनी जीवा जननी खण्डिका स्थिरा । धूमा कलावती पूर्णा भासुरा सुमतीरसा ॥२०॥

Verse

शुद्धा ध्वनिः सृतिः सृष्टिर्विकृतिः कृष्टिरेव च । प्रापणी प्राणदा प्रह्वा विश्वा पाण्डुरवासिनी ॥२१॥

Verse

अवनिर्वज्रनलिका चित्रा ब्रह्माण्डवासिनी । अनन्तरूपानन्तात्मानन्तस्थानन्तसम्भवा ॥२२॥

Verse

महाशक्तिः प्राणशक्तिः प्राणदात्री रतिम्भरा । महासमूहा निखिला इच्छाधारा सुखावहा ॥२३॥

Verse

प्रत्यक्षलक्ष्मीर्निष्कम्पा प्ररोहाबुद्धिगोचरा । नानादेहा महावर्ता बहुदेहविकासिनी ॥२४॥

Verse

सहस्त्राणी प्रधाना च न्यायवस्तुप्रकाशिका । सर्वाभिलाषपूर्णेच्छा सर्वा सर्वार्थभाषिणी ॥२५॥

Verse

नानास्वरूपचिद्धात्री शब्दपूर्वा पुरातना । व्यक्ताव्यक्ता जीवकेशा सर्वेच्छापरिपूरिता ॥२६॥

Verse

संकल्पसिद्धा सांख्येया तत्त्वगर्भा धरावहा । भूतरूपा चित्स्वरूपा त्रिगुणा गुणगर्विता ॥२७॥

Verse

प्रजापतीश्वरी रौद्री सर्वाधारा सुखावहा । कल्याणवाहिका कल्या कलिकल्मषनाशिनी ॥२८॥

Verse

नीरूपोद्भिन्नसंताना सुयन्त्रा त्रिगुणालया । महामाया योगमाया महायोगेश्वरी प्रिया ॥२९॥

Verse

महास्त्री विमला कीर्तिर्जया लक्ष्मीर्निरञ्जना । प्रकृतिर्भगवन्माया शक्तिर्निद्रा यशस्करी ॥३०॥

Verse

चिन्ताबुद्धिर्यशःप्राज्ञाशान्तिराप्रीतिवर्धिनी । प्रद्युम्नमाता साध्वी च सुखसौभाग्यसिद्धिदा ॥३१॥

Verse

काष्ठा निष्ठा प्रतिष्ठा च ज्येष्ठा श्रेष्ठा जयावहा । सर्वातिशायिनी प्रीतिर्विश्वशक्तिर्महाबला ॥३२॥

Verse

वरिष्ठा विजया वीरा जयन्ती विजयप्रदा । हृद्‍गृहा गोपिनी गृह्या गणगन्धर्वसेविता ॥३३॥

Verse

योगीश्वरी योगमाया योगिनी योगसिद्धिदा । महायोगेश्वरवृता योगा योगेश्वरप्रिया ॥३४॥

Verse

ब्रह्मोन्द्ररुद्रनमिता सुरासुरवरप्रदा । त्रिवर्त्मगा त्रिलोकस्था त्रिविक्रमपदोद्भवा ॥३५॥

Verse

सुतारा तारिणी तारा दुर्गा संतारिणी परा । सुतारिणी तारयन्ती भूरितारेश्वरप्रभा ॥३६॥

Verse

गुह्याविद्या यज्ञविद्या महाविद्या सुशोभिता । अध्यात्मविद्याविघ्नेशी पद्मस्था परमेष्ठिनी ॥३७॥

Verse

आन्वीक्षिकी त्रयीवार्ता दण्डनीतिर्नयात्मिका । गौरी वागीश्वरी गोप्त्री गायत्री कमलोद्भवा ॥३८॥

Verse

विश्वम्भरा विश्वरूपा विश्वमाता वसुप्रदा । सिद्धिः स्वाहा स्वधा स्वस्ति सुधा सर्वार्थसाधिनी ॥३९॥

Verse

इच्छा सृष्टीर्द्युतिर्मूर्तिः कीर्तिः श्रद्धा दयामतिः । श्रुतिर्मेधा धृतिर्ह्रीः श्रीर्विद्या विबुधवन्दिता ॥४०॥

Verse

अनसूया घृणा नीतिर्निर्वृतिः कामधुक्करा । प्रतिज्ञा संततिर्भूतिर्द्यौः प्रज्ञा विश्वमानिनी ॥४१॥

Verse

स्मृतिर्वाग्विश्वजननी पश्यन्ती मध्यमा समा । संध्या मेधा प्रभा भीमा सर्वाकारा सरस्वती ॥४२॥

Verse

काङ्क्षा माया महामाया मोहिनी माधवप्रिया । सौम्या भोगा महाभोगा भोगिनी भोगदायिनी ॥४३॥

Verse

सुधौतकनकप्रख्या सुवर्णकमलासना । हिरण्यगर्भा सुश्रोणी हारिणी रमणी रमा ॥४४॥

Verse

चन्द्रा हिरण्मयी ज्योत्स्ना रम्या शोभा शुभावहा । त्रैलोक्यमण्डना नारी नरेश्वरवरार्चिता ॥४५॥

Verse

त्रैलोक्यसुन्दरी रामा महाविभववाहिनी । पद्मस्था पद्मनिलया पद्ममालाविभूषिता ॥४६॥

Verse

पद्मयुग्मधरा कान्ता दिव्याभरणभूषिता । विचित्ररत्‍नमुकुटा विचित्राम्बरभूषणा ॥४७॥

Verse

विचित्रमाल्यगन्धाढ्या विचित्रायुधवाहना । महानारायणी देवी वैष्णवी वीरवन्दिता ॥४८॥

Verse

कालसंकर्षिणी घोरा तत्त्वसंकर्षिणी कला । जगत्सम्पूरणी विश्वा महाविभवभूषणा ॥४९॥

Verse

वारुणी वरदा व्याख्या घण्टाकर्णविराजिता । नृसिंही भैरवी ब्राह्मी भास्करी व्योमचारिणी ॥५०॥

Verse

ऐन्द्री कामधेनुः सृष्टीः कामयोनिर्महाप्रभा । दृष्टा काम्या विश्वशक्तिर्बीजगत्यात्मदर्शना ॥५१॥

Verse

गरुडारूढहृदया चान्द्री श्रीर्मधुरानना । महोग्ररूपा वाराही नारसिंही हतासुरा ॥५२॥

Verse

युगान्तहुतभुग्ज्वाला कराला पिङ्गला कला । त्रैलोक्यभूषणा भीमा श्‍यामा त्रैलोक्यमोहिनी ॥५३॥

Verse

महोत्कटा महारक्ता महाचण्डा महासना । शङ्खिनी लेखिनी स्वस्थालिखिता खेचरेश्वरी ॥५४॥

Verse

भद्रकाली चैकवीरा कौमारी भवमालिनी । कल्याणी कामधुग्ज्वालामुखी चोत्पलमालिका ॥५५॥

Verse

बालिका धनदा सूर्या हृदयोत्पलमालिका । अजिता वर्षिणी रीतिर्भरुण्डा गरुडासना ॥५६॥

Verse

वैश्वानरी महामाया महाकाली विभीषणा । महामन्दारविभवा शिवानन्दा रतिप्रिया ॥५७॥

Verse

उद्रीतिः पद्ममाला च धर्मवेगा विभावनी । सत्क्रिया देवसेना च हिरण्यरजताश्रया ॥५८॥

Verse

सहसावर्तमाना च हस्तिनादप्रमोदिनी । हिरण्यपद्मवर्णा च हरिभद्रा सुदुर्धरा ॥५९॥

Verse

सूर्या हिरण्यप्रकटसदृशी हेममालिनी । पद्मानना नित्यपुष्टा देवमाताऽमृतोद्भवा ॥६०॥

Verse

महाधना च या श्रृङ्गी कार्दमी कम्बुकन्धरा । आदित्यवर्णा चन्द्राभा गन्धद्वारा दुरासदा ॥६१॥

Verse

वरार्चिता वरारोहा वरेण्या विष्णुवल्लभा । कल्याणी वरदा वामा वामेशी विन्ध्यवासिनी ॥६२॥

Verse

योगनिद्रा योगरता देवकी कामरूपिणी । कंसविद्राविणी दुर्गा कौमारी कौशिकी क्षमा ॥६३॥

Verse

कात्यायनी कालरात्रिर्निशितृप्ता सुदुर्जया । विरूपाक्षी विशालाक्षी भक्तानां परिरक्षिणी ॥६४॥

Verse

बहुरूपा स्वरूपा च विरूपा रूपवर्जिता । घण्टानिनादबहुला जीमूतध्वनिनिःस्वना ॥६५॥

Verse

महादेविन्द्रमथिनी भ्रुकुटीकुटिलानना । सत्योपयाचिता चैका कौबेरी ब्रह्मचारिणी ॥६६॥

Verse

आर्या यशोदा सुतदा धर्मकामार्थमोक्षदा । दारिद्र्यदुःखशमनी घोरदुर्गार्तिनाशिनी ॥६७॥

Verse

भक्तार्तिशमनी भव्या भवभर्गापहारिणी । क्षीराब्धितनया पद्मा कमला धरणीधरा ॥६८॥

Verse

रुक्मिणी रोहिणी सीता सत्यभामा यशस्विनी । प्रज्ञाधारमितप्रज्ञा वेदमाता यशोवती ॥६९॥

Verse

समाधिर्भावना मैत्री करुणा भक्तवत्सला । अन्तर्वेदी दक्षिणा च ब्रह्मचर्यपरा गतिः ॥७०॥

Verse

दिक्षा वीक्षा परीक्षा च समीक्षा वीरवत्सला । अम्बिका सुरभिः सिद्धा सिद्धविद्याधरार्चिता ॥७१॥

Verse

सुदीक्षा लेलिहाना च कराला विश्वपूरका । विश्वसंधारिणी दीप्तिस्तापनी ताण्डवप्रिया ॥७२॥

Verse

उद्भवा विरजा राज्ञी तापनी बिन्दुमालिनी । क्षीरधारा सुप्रभावा लोकमाता सुवर्चसा ॥७३॥

Verse

हव्यगर्भा चाज्यगर्भा जुह्वतो यज्ञसम्भवा । आप्यायनी पावनी च दहनी दहनाश्रया ॥७४॥

Verse

मातृका माधवी मुख्या मोक्षलक्ष्मीर्महर्द्धिदा । सर्वकामप्रदा भद्रा सुभद्रा सर्वमङ्गला ॥७५॥

Verse

श्‍वेता सुशुक्लवसना शुक्लमाल्यानुलेपना । हंसाहीनकरी हंसी हृद्या हृत्कमलालया ॥७६॥

Verse

सितातपत्रा सुश्रोणी पद्मपत्रायतेक्षणा । सावित्री सत्यसंकल्पा कामदाकामकामिनी ॥७७॥

Verse

दर्शनीया दृशा दृश्या स्पृश्या सेवा वराङ्गना । भोगप्रिया भोगवती भोगीन्द्रशयनासना ॥७८॥

Verse

आर्द्रा पुष्करिणी पुण्या पावनी पापसूदनी । श्रीमती च शुभाकारा परमैश्वर्यभूतिदा ॥७९॥

Verse

अचिन्त्यानन्तविभवा भवभावविभावनी । निश्रेणिः सर्वदेहस्था सर्वभूतनमस्कृता ॥८०॥

Verse

बला बलाधिका देवी गौतमी गोकुलालया । तोषिणी पूर्णचन्द्राभा एकानन्दा शतानना ॥८१॥

Verse

उद्याननगरद्वारहर्म्योपवनवासिनी । कूष्माण्डा दारुणा चण्डा किराती नन्दनालया ॥८२॥

Verse

कालायना कालगम्या भयदा भयनाशिनी । सौदामनी मेघरवा दैत्यदानवमर्दिनी ॥८३॥

Verse

जगन्माताभयकरी भूतधर्त्री सुदुर्लभा । काश्यपी शुभदात्री च वनमाला शुभा वरा ॥८४॥

Verse

धन्या धन्येश्वरी धन्या रत्नदा वसुवर्धिनी । गान्धर्वी रेवती गङ्गा शकुनी विमलानना ॥८५॥

Verse

इडा शान्तिकरी चैव तामसी कमलालया । आज्यपा वज्रकौमारी सोमपा कुसुमाश्रया ॥८६॥

Verse

जगत्प्रिया च सरथा दुर्जया खगवाहना । मनोभवा कामचारा सिद्धचारणसेविता ॥८७॥

Verse

व्योमलक्ष्मीर्महालक्ष्मीस्तेजोलक्ष्मीः सुजाज्वला । रसलक्ष्मीर्जगद्योनिर्गन्धलक्ष्मीर्वनाश्रया ॥८८॥

Verse

श्रवणा श्रावणी नेत्री रसनाप्राणचारिणी । विरिञ्चिमाता विभवा वरवारिजवाहना ॥८९॥

Verse

वीर्या वीरेश्वरी वन्द्या विशोका वसुवर्धिनी । अनाहता कुण्डलिनी नलिनी वनवासिनी ॥९०॥

Verse

गान्धारिणीन्द्रनमिता सुरेन्द्रनमिता सती । सर्वमङ्गल्यमाङ्गल्या सर्वकामसमृद्धिदा ॥९१॥

Verse

सर्वानन्दा महानन्दा सत्कीर्तिः सिद्धसेविता । सिनीवाली कुहू राका अमा चानुमतिर्द्युतिः ॥९२॥

Verse

अरुन्धती वसुमती भार्गवी वास्तुदेवता । मायूरी वज्रवेताली वज्रहस्ता वरानना ॥९३॥

Verse

अनघा धरणिर्धीरा धमनी मणिभूषणा । राजश्री रूपसहिता ब्रह्मश्रीर्ब्रह्मवन्दिता ॥९४॥

Verse

जयश्रीर्जयदा ज्ञेया सर्गश्रीः स्वर्गतिः सताम् । सुपुष्पा पुष्पनिलया फलश्रीर्निष्कलाप्रिया ॥९५॥

Verse

धनुर्लक्ष्मीस्त्वमिलिता परक्रोधनिवारिणी । कद्रूर्धनायुः कपिला सुरसा सुरमोहिनी ॥९६॥

Verse

महाश्वेता महानीला महामूर्तिर्विषापहा । सुप्रभा ज्वालिनी दीप्तिस्तृप्तिर्व्याप्तिः प्रभाकरी ॥९७॥

Verse

तेजोवती पद्मबोधा मदलेखारुणावती । रत्ना रत्नावली भूता शतधामा शतापहा ॥९८॥

Verse

त्रिगुणा घोषिणी रक्ष्या नर्दिनी घोषवर्जिता । साध्यादितिर्दितिर्देवी मृगवाहा मृगाङ्कगा ॥९९॥

Verse

चित्रनीलोत्पलगता वृषरत्नकराश्रया । हिरण्यरजतद्वन्द्वा शङ्खभद्रासनस्थिता ॥१००॥

Verse

गोमूत्रगोमयाक्षीरदधिसर्पिर्जलाश्रया । मरीचिश्चीरवसना पूर्णा चन्द्रार्कविष्टरा ॥१०१॥

Verse

सुसूक्ष्मा निर्वृतिः स्थूला निवृत्तारातिरेव च । मरीचिर्ज्वालिनी धूम्रा हव्यवाहा हिरण्यदा ॥१०२॥

Verse

दायिनी कालिनी सिद्धिः शोषिणी सम्प्रबोधिनी । भास्वरा संहतिस्तीक्ष्णा प्रचण्डज्वलनोज्ज्वला ॥१०३॥

Verse

साङ्गा प्रचण्डा दीप्ता च वैद्युतिः सुमहाद्युतिः । कपिला नीलरक्ता च सुषुम्णा विस्फुलिङ्गिनी ॥१०४॥

Verse

अर्चिष्मती रिपुहरा दीर्घा धूमावली जरा । सम्पूर्णमण्डला पूषा स्त्रंसिनी सुमनोहरा ॥१०५॥

Verse

जया पुष्टिकरीच्छाया मानसाहृदयोज्ज्वला । सुवर्णकरणी श्रेष्ठा मृतसंजीवनी रणे ॥१०६॥

Verse

विशल्यकरणी शुभ्रा संधिनी परमौषधिः । ब्रह्मिष्ठा ब्रह्मसहिता ऐन्दवी रत्नसम्भवा ॥१०७॥

Verse

विद्युत्प्रभा बिन्दुमती त्रिस्वभावागुणाम्बिका । नित्योदिता नित्यहृष्टा नित्यकामकरीषिणी ॥१०८॥

Verse

पद्माङ्का वज्रचिह्ना च वक्रदण्डविभासिनी । विदेहपूजिता कन्या माया विजयवाहिनी ॥१०९॥

Verse

मानिनी मङ्गला मान्या मानिनी मानदायिनी । विश्वेश्वरी गणवती मण्डला मण्डलेश्वरी ॥११०॥

Verse

हरिप्रिया भौमसुता मनोज्ञा मतिदायिनी । प्रत्यङ्गिरा सोमगुप्ता मनोऽभिज्ञा वदन्मतिः ॥१११॥

Verse

यशोधरा रत्नमाला कृष्णा त्रैलोक्यबन्धनी । अमृता धारिणी हर्षा विनता वल्लकी शची ॥११२॥

Verse

संकल्पा भामिनी मिश्रा कादम्बर्यमृता प्रभा । अगता निर्गता वज्रा सुहिता सहिताक्षता ॥११३॥

Verse

सर्वार्थसाधनकरी धातुर्धारणिकामला । करुणाधारसम्भूता कमलाक्षी शशिप्रिया ॥११४॥

Verse

सौम्यरूपा महादीप्ता महाज्वाला विकाशिनी । माला काञ्चनमाला च सद्वज्रा कनकप्रभा ॥११५॥

Verse

प्रक्रिया परमा योक्त्री क्षोभिका च सुखोदया । विजृम्भणा च वज्राख्या श्रृङ्खला कमलेक्षणा ॥११६॥

Verse

जयंकरी मधुमती हरिता शशिनी शिवा । मूलप्रकृतिरीशानी योगमाता मनोजवा ॥११७॥

Verse

धर्मोदया भानुमती सर्वाभासा सुखावहा । धुरन्धरा च बाला च धर्मसेव्या तथागता ॥११८॥

Verse

सुकुमारा सौम्यमुखी सौम्यसम्बोधनोत्तमा । सुमुखी सर्वतोभद्रा गुह्यशक्तिर्गुहालया ॥११९॥

Verse

हलायुधा चैकवीरा सर्वशस्त्रसुधारिणी । व्योमशक्तिर्महादेहा व्योमगा मधुमन्मयी ॥१२०॥

Verse

गङ्गा वितस्ता यमुना चन्द्रभागा सरस्वती । तिलोत्तमोर्वशी रम्भा स्वामिनी सुरसुन्दरी ॥१२१॥

Verse

बाणप्रहरणा बाला बिम्बोष्ठी चारुहासिनी । ककुद्मिनी चारुपृष्ठा दृष्टादृष्टफलप्रदा ॥१२२॥

Verse

काम्याचरी च काम्या च कामाचारविहारिणी । हिमशैलेन्द्रसंकाशा गजेन्द्रवरवाहना ॥१२३॥

Verse

अशेषसुखसौभाग्यसम्पदां योनिरुत्तमा । सर्वोत्कृष्टा सर्वमयी सर्वा सर्वेश्वरप्रिया ॥१२४॥

Verse

सर्वाङ्गयोनिः साव्यक्ता सम्प्रधानेश्वरेश्वरी । विष्णुवक्षःस्थलगता किमतः परमुच्यते ॥१२५॥

Verse

परा निर्महिमा देवी हरिवक्षःस्थलाश्रया । सा देवी पापहन्त्री च सांनिध्यं कुरुतान्मम ॥१२६॥

Verse

॥

Verse

फलश्रुतिः ॥

Verse

इति नाम्नां सहस्त्रं तु लक्ष्म्याः प्रोक्तं शुभावहम् । परावरेण भेदेन मुख्यगौणेन भागतः ॥१२७॥

Verse

यश्चैतत् कीर्तयेन्नित्यं श्रृणुयाद् वापि पद्मज । शुचिः समाहितो भूत्वा भक्तिश्रद्धासमन्वितः ॥१२८॥

Verse

श्रीनिवासं समभ्यर्च्य पुष्पधूपानुलेपनैः । भोगेश्च मधुपर्काद्यैर्यथाशक्ति जगद्गुरुम् ॥१२९॥

Verse

तत्पार्श्वस्थां श्रियं देवीं सम्पूज्य श्रीधरप्रियाम् । ततो नामसहस्रेण तोषयेत् परमेश्वरीम् ॥१३०॥

Verse

नामरत्नावलीस्तोत्रमिदं यः सततं पठेत् । प्रसादाभिमुखीलक्ष्मीः सर्वं तस्मै प्रयच्छति ॥१३१॥

Verse

यस्या लक्ष्म्याश्च सम्भूताः शक्तयो विश्वगाः सदा । कारणत्वेन तिष्ठन्ति जगत्यस्मिञ्चराचरे ॥१३२॥

Verse

तस्मात् प्रीता जगन्माता श्रीर्यस्याच्युतवल्लभा । सुप्रीताः शक्तयस्तस्य सिद्धिमिष्टां दिशन्ति हि ॥१३३॥

Verse

एक एव जगत्स्वामी शक्तिमानच्युतः प्रभुः । तदंशशक्तिमन्तोऽन्ये ब्रह्मेशानादयो यथा ॥१३४॥

Verse

तथैवैका परा शक्तिः श्रीस्तस्य करुणाश्रया । ज्ञानदिषाङ्गुण्यमयी या प्रोक्ता प्रकृतिः परा ॥१३५॥

Verse

एकैव शक्तिः श्रीस्तस्या द्वितीयात्मनि वर्तते । परा परेशी सर्वेशी सर्वाकारा सनातनी ॥१३६॥

Verse

अनन्तनामधेया च शक्तिचक्रस्य नायिका । जगच्चराचरमिदं सर्वं व्याप्य व्यवस्थिता ॥१३७॥

Verse

तस्मादेकैव परमा श्रीर्ज्ञेया विश्वरूपिणी । सौम्या सौम्येन रूपेण संस्थिता नटजीववत् ॥१३८॥

Verse

यो यो जगति पुम्भावः स विष्णुरिति निश्चयः । या या तु नारीभावस्था तत्र लक्ष्मीर्व्यवस्थिता ॥१३९॥

Verse

प्रकृतेः पुरुषाच्चान्यस्तृतीयो नैव विद्यते । अतः किं बहुनोक्तेन नरनारीमयो हरीः ॥१४०॥

Verse

अनेकभेदभिन्नस्तु क्रियते परमेश्‍वरः । महाविभूतिं दयितां ये स्तुवन्त्यच्युतप्रियाम् ॥१४१॥

Verse

ते प्राप्नुवन्ति परमां लक्ष्मी संशुद्धचेतसः । पद्मयोनिरिदं प्राप्य पठन् स्तोत्रमिदं क्रमात् ॥१४२॥

Verse

दिव्यमष्टगुणैश्वर्यं तत्प्रसादाच्च लब्धवान् । सकामानां च फलदामकामानां च मोक्षदाम् ॥१४३॥

Verse

पुस्तकाख्यां भयत्रात्रीं सितवस्त्रां त्रिलोचनाम् । महापद्मनिषण्णां तां लक्ष्मीमजरतां नुमः ॥१४४॥

Verse

करयुगलगृहीतं पूर्णकुम्भं दधाना क्वचिदमलगतस्था शङ्खपद्माक्षपाणिः । क्वचिदपि दयिताङ्गे चामरव्यग्रहस्ता क्वचिदपि सृणिपाशं बिभ्रती हेमकान्तिः ॥१४५॥

Verse

॥

Verse

इति ब्रह्मपुराणे श्रीलक्ष्मीसहस्त्रनामस्तोत्रं सम्पूर्णम् ॥

śrīlalitāsahasranāmastotram (pūrvabhāgaḥ)
śrī lakṣmī nṛsiṃha sahastranāmastotram

Read next

More on लक्ष्मी

  • श्री लक्ष्मी जी की आरतीAartis
  • माता लक्ष्मी जी की आरतीAartis
  • श्रीलक्ष्मीचन्द्रलाम्बाष्टोत्तरशतनामस्तोत्रम्Ashtottaranama
  • श्रीलक्ष्मीनारायणाष्टोत्तरशतनामस्तोत्रम्Ashtottaranama
  • लक्ष्मीनृसिंहाष्टोत्तरशतनामस्तोत्रम्Ashtottaranama
  • श्री लक्ष्मी चालीसाChalisa

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms