Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

sahasranAma

śrī rādhikā sahastranāmastotram

श्री राधिका सहस्त्रनामस्तोत्रम्

Verse

ध्यानम् हेमाभां द्विभुजां वराभयकरां नीलाम्बरेणावृतां श्यामक्रोडविलासिनीं भगवतीं सिन्दुरपुञ्जोज्ज्वलाम् । लोलाक्षीं नवयौवनां स्मितमुखीं विम्बाधरां राधिकां नित्यानन्दमयीं विलासनिलयां दिव्याङ्गभूषां भजे ॥

Verse

श्रीपार्वत्युवाच देवदेव जगन्नाथ भक्तानुग्रहकारक । यद्यस्ति मयि कारुण्यं यद्यस्ति मयि ते दया ॥

Verse

१ ॥

Verse

यद्यत् त्वया निगदितं तत्सर्वं मे श्रुतं प्रभो । गुह्याद् गुह्यतरं यत्तु यत्ते मनसि काशते ॥

Verse

२ ॥

Verse

त्वया न गदितं यत्तु यस्मै कस्मै कदाचन । तस्मात् कथय देवेश सहस्त्रं नाम चोत्तमम् ॥

Verse

३ ॥

Verse

श्रीराधाया महादेव्या गोप्या भक्तिप्रसाधनम् । ब्रह्माण्डकर्त्री हर्त्री सा कथं गोपीत्वमागता ॥

Verse

४ ॥

Verse

श्रीमहादेव उवाच श्रृणु देवि विचित्रार्थां कथां पापहरां शुभाम् । नास्ति जन्मानि कर्माणि तस्या नूनं महेश्वरि ॥

Verse

५ ॥

Verse

यदा हरिश्चरित्राणि कुरुते कार्यगौरवात् । तदा विधत्ते रूपाणि हरिसांनिध्यसाधिनी ॥

Verse

६ ॥

Verse

तस्या गोपीत्वभावस्य कारणं गदितं पुरा । इदानीं श्रृणु देवेशि नाम्नां चैव सहस्त्रकम् ॥

Verse

७ ॥

Verse

यन्मया कथितं नैव तन्त्रेष्वपि कदाचन । तव स्नेहात्‍ प्रवक्ष्यामि भक्त्या धार्यं मुमुक्षुभिः ॥

Verse

८ ॥

Verse

मम प्राणसमा विद्या भाव्यते मे त्वहर्निशम् । श्रृणुष्व गिरिजे नित्यं पठस्व च यथामति ॥

Verse

९ ॥

Verse

यस्याः प्रसादात् कृष्णस्तु गोलोकेशः परः प्रभुः । अस्या नामसहस्त्रस्य ऋषिर्नारद एव च । देवी राधा परा प्रोक्ता चतुर्वर्गप्रसाधिनी ॥

Verse

१० ॥

Verse

स्तोत्रम् श्रीराधा राधिका कृष्णवल्लभा कृष्णसंयुता । वृन्दावनेश्वरी कृष्णप्रिया मदनमोहिनी ॥

Verse

११ ॥

Verse

श्रीमती कृष्णकान्ता च कृष्णानन्दप्रदायिनी । यशस्विनी यशोगम्या यशोदानन्दवल्लभा ॥

Verse

१२ ॥

Verse

दामोदरप्रिया गोपी गोपानन्दकरी तथा । कृष्णाङ्गवासिनी ह्रद्या हरिकान्ता हरिप्रिया ॥

Verse

१३ ॥

Verse

प्रधानगोपिका गोपकन्या त्रैलोक्यसुन्दरी । वृन्दावनविहारिणी विकसितमुखाम्बुजा ॥

Verse

१४ ॥

Verse

गोकुलानन्दकर्त्री च गोकुलानन्ददायिनी । गतिप्रदा गीतगम्या गमनागमनप्रिया ॥

Verse

१५ ॥

Verse

विष्णुप्रिया विष्णुकान्ता विष्णोरङ्कनिवासिनी । यशोदानन्दपत्नी च यशोदानन्दगेहिनी ॥

Verse

१६ ॥

Verse

कामारिकान्ता कामेशी कामलालसविग्रहा । जयप्रदा जया जीवा जीवानन्दप्रदायिनी ॥

Verse

१७ ॥

Verse

नन्दनन्दनपत्नी च वृषभानुसुता शिवा । गणाध्यक्षा गवाध्यक्षा गवां गतिरनुत्तमा ॥

Verse

१८ ॥

Verse

काञ्चनाभा हेमगात्रा काञ्चनाङ्गदधारिणी । अशोका शोकरहिता विशोका शोकनाशिनी ॥

Verse

१९ ॥

Verse

गायत्री वेदमाता च वेदातीता विदुत्तमा । नीतिशास्त्रप्रिया नीतिर्गतिर्मतिरभीष्टदा ॥

Verse

२० ॥

Verse

वेदप्रिया वेदगर्भा वेदमार्गप्रवर्धिनी । वेदगम्या वेदपरा विचित्रकनकोज्ज्वला ॥

Verse

२१ ॥

Verse

तथोज्ज्वलप्रदा नित्या तथैवोज्ज्वलगात्रिका । नन्दप्रिया नन्दसुताराध्याऽऽनन्दप्रदा शुभा ॥

Verse

२२ ॥

Verse

शुभाङ्गी विमलाङ्गी च विलासिन्यपराजिता । जननी जन्मशून्या च जन्ममृत्युजरापहा ॥

Verse

२३ ॥

Verse

गतिर्गतिमतां धात्री धात्र्यानन्दप्रदायिनी । जगन्नाथप्रिया शैलवासिनी हेमसुन्दरी ॥

Verse

२४ ॥

Verse

किशोरी कमला पद्मा पद्महस्ता पयोददा । पयस्विनी पयोदात्री पवित्रा सर्वमङ्गला ॥

Verse

२५ ॥

Verse

महाजीवप्रदा कृष्णकान्ता कमलसुन्दरी । विचित्रवासिनी चित्रवासिनी चित्ररूपिणी ॥

Verse

२६ ॥

Verse

निर्गुणा सुकुलीना च निष्कुलीना निराकुला । गोकुलान्तरगेहा च योगानन्दकरी तथा ॥

Verse

२७ ॥

Verse

वेणुवाद्या वेणुरतिर्वेणुवाद्यपरायणा । गोपालस्य प्रिया सौम्यरूपा सौम्यकुलोद्वहा ॥

Verse

२८ ॥

Verse

मोहामोहा विमोहा च गतिनिष्ठा गतिप्रदा । गीर्वाणवन्द्या गीर्वाणा गीर्वाणगणसेविता ॥

Verse

२९ ॥

Verse

ललिता च विशोका च विशाखा चित्रमालिनी । जितेन्द्रिया शुद्धसत्त्वा कुलीना कुलदीपिका ॥

Verse

३० ॥

Verse

दीपप्रिया दीपदात्री विमला विमलोदका । कान्तारवासिनी कृष्णा कृष्णचन्द्रप्रिया मतिः ॥

Verse

३१ ॥

Verse

अनुत्तरा दुःखहन्त्री दुःखकर्त्री कुलोद्वहा । मतिर्लक्ष्मीर्धृतिर्लज्जा कान्तिः पुष्टिः स्मृतिः क्षमा ॥

Verse

३२ ॥

Verse

क्षीरोदशायिनी देवी देवारिकुलमर्दिनी । वैष्णवी च महालक्ष्मीः कुलपूज्या कुलप्रिया ॥

Verse

३३ ॥

Verse

संहर्त्री सर्वदैत्यानां सावित्री वेदगामिनी । वेदातीता निरालम्बा निरालम्बगणप्रिया ॥

Verse

३४ ॥

Verse

निरालम्बजनैः पूज्या निरालोका निराश्रया । एकाङ्गी सर्वगा सेव्या ब्रह्मपत्नी सरस्वती ॥

Verse

३५ ॥

Verse

रासप्रिया रासगम्या रासाधिष्ठातृदेवता । रसिका रसिकानन्दा स्वयं रासेश्वरी परा ॥

Verse

३६ ॥

Verse

रासमण्डलमध्यस्था रासमण्डलशोभिता । रासमण्डलसेव्या च रासक्रीडामनोहरा ॥

Verse

३७ ॥

Verse

पुण्डरीकाक्षनिलया च पुण्डरीकाक्षवल्लभा ॥

Verse

३८ ॥

Verse

सर्वजीवेश्वरी सर्वजीववन्द्या परात्परा । प्रकृतिः शम्भुकान्ता च सदाशिवमनोहरा ॥

Verse

३९ ॥

Verse

क्षुत् पिपासा दया निद्रा भ्रान्तिः श्रान्तिः क्षमाकुला । वधूरूपा गोपपत्नी भारती सिद्धयोगिनी ॥

Verse

४० ॥

Verse

सत्यरूपा नित्यरूपा नित्याङ्गी नित्यगेहिनी । स्थानदात्रि तथा धात्री महालक्ष्मीः स्वयंप्रभा ॥

Verse

४१ ॥

Verse

सिन्धुकन्याऽऽस्थानदात्री द्वारकावासिनी तथा । बुद्धिः स्थितिः स्थानरूपा सर्वकारणकारणा ॥

Verse

४२ ॥

Verse

भक्तप्रिया भक्तगम्या भक्तानन्दप्रदायिनी । भक्तकल्पद्रुमातीता तथातीतगुणा तथा ॥

Verse

४३ ॥

Verse

मनोऽधिष्ठातृदेवी च कृष्णप्रेमपरायणा । निरामया सौम्यदात्री तथा मदनमोहिनी ॥

Verse

४४ ॥

Verse

एकानंशाशिवा क्षेमा दुर्गा दुर्गतिनाशिनी । ईश्वरी सर्ववन्द्या च गोपनीया शुभङ्करी ॥

Verse

४५ ॥

Verse

पालिनी सर्वभूतानां तथा कामाङ्गहारिणी । सद्योमुक्तिप्रदा देवी वेदसारा परात्परा ॥

Verse

४६ ॥

Verse

हिमालयसुता सर्वा पार्वति गिरिजा सती । दक्षकन्या देवमाता मन्दलज्जा हरेस्तनूः ॥

Verse

४७ ॥

Verse

वृन्दारण्यप्रिया वृन्दा वृन्दावनविलासिनी । विलासिनी वैष्णवी च ब्रह्मलोकप्रतिष्ठिता ॥

Verse

४८ ॥

Verse

रुक्मिणी रेवती सत्यभामा जाम्बवती तथा । सुलक्ष्मणा मित्रविन्दा कालिन्दी जह्नुकन्यका ॥

Verse

४९ ॥

Verse

परिपूर्णा पूर्णतरा तथा हैमवती गतिः । अपूर्वा ब्रह्मरूपा च ब्रह्माण्डपरिपालिनी ॥

Verse

५० ॥

Verse

ब्रह्माण्डभाण्डमध्यस्था ब्रह्माण्डभाण्डरूपिणी । अण्डरूपाण्डमध्यस्था तथाण्डपरिपालिनी ॥

Verse

५१ ॥

Verse

अण्डबाह्याण्डसंहर्त्री शिवब्रह्महरिप्रिया । महाविष्णुप्रिया कल्पवृक्षरूपा निरन्तरा ॥

Verse

५२ ॥

Verse

सारभूता स्थिरा गौरी गौराङ्गी शशिशेखरा । श्वेतचम्पकवर्णाभा शशिकोटिसमप्रभा ॥

Verse

५३ ॥

Verse

मालतीमाल्यभूषाढ्या मालतीमाल्यधारिणी । कृष्णस्तुता कृष्णकान्ता वृन्दावनविलासिनी ॥

Verse

५४ ॥

Verse

तुलस्यधिष्ठातृदेवी संसारार्णवपारदा । सारदाऽहारदाम्भोदा यशोदा गोपनन्दिनी ॥

Verse

५५ ॥

Verse

अतीतगमना गौरी परानुग्रहकारिणी । करुणार्णवसम्पूर्णा करुणार्णवधारिणी ॥

Verse

५६ ॥

Verse

माधवी माधवमनोहारिणी श्यामवल्लभा । अन्धकारभयध्वस्ता मङ्गल्या मङ्गलप्रदा ॥

Verse

५७ ॥

Verse

श्रीगर्भा श्रीप्रदा श्रीशा श्रीनिवासाच्युतप्रभा । श्रीरूपा श्रीहरा श्रीदा श्रीकामा श्रीस्वरूपिणी ॥

Verse

५८ ॥

Verse

श्रीदामानन्ददात्री च श्रीदामेश्वरवल्लभा । श्रीनितम्बा श्रीगणेशा श्रीस्वरूपाश्रिता श्रुतिः ॥

Verse

५९ ॥

Verse

श्रीक्रियारूपिणी श्रीला श्रीकृष्णभजनान्विता । श्रीराधा श्रीमती श्रेष्ठा श्रेष्ठरूपा श्रुतिप्रिया ॥

Verse

६० ॥

Verse

योगेशी योगमाता च योगातीता युगप्रिया । योगप्रिया योगगम्या योगिनीगणवन्दिता ॥

Verse

६१ ॥

Verse

जवाकुसुमसंकाशा दाडिमीकुसुमोपमा । नीलाम्बरधरा धीरा धैर्यरूपधराधृतिः ॥

Verse

६२ ॥

Verse

रत्नसिंहासनस्था च रत्नकुण्डलभूषिता । रत्नालङ्कारसंयुक्ता रत्नमालाधरा परा ॥

Verse

६३ ॥

Verse

रत्नेन्द्रसारहाराढ्या रत्नमालाविभूषिता । इन्द्रनीलमणिन्यस्तपादपद्मशुभा शुचिः ॥

Verse

६४ ॥

Verse

कार्तिकी पौर्णमासी च अमावस्या भयापहा । गोविन्दराजगृहिणी गोविन्दगणपूजिता ॥

Verse

६५ ॥

Verse

वैकुण्ठनाथगृहिणी वैकुण्ठपरमालया । वैकुण्ठदेवदेवाढ्या तथा वैकुण्ठसुन्दरी ॥

Verse

६६ ॥

Verse

मदालसा वेदवती सीता साध्वी पतिव्रता । अन्नपूर्णा सदानन्दरूपा कैवल्यसुन्दरी ॥

Verse

६७ ॥

Verse

कैवल्यदायिनी श्रेष्ठा गोपीनाथमनोहरा । गोपीनाथेश्वरी चण्डी नायिकानयनान्विता ॥

Verse

६८ ॥

Verse

नायिका नायकप्रीता नायकानन्दरूपिणी । शेषा शेषवती शेषरूपिणी जगदम्बिका ॥

Verse

६९ ॥

Verse

गोपालपालिका माया जायाऽऽनन्दप्रदा तथा । कुमारी यौवनानन्दा युवती गोपसुन्दरी ॥

Verse

७० ॥

Verse

गोपमाता जानकी च जनकानन्दकारिणी । कैलासवासिनी रम्भा वैराग्यकुलदीपिका ॥

Verse

७१ ॥

Verse

कमलाकान्तग्रहिणी कमला कमलालया । त्रैलोक्यमाता जगतामधिष्ठात्री प्रियाम्बिका ॥

Verse

७२ ॥

Verse

हरकान्ता हररता हरानन्दप्रदायिनी । हरपत्नी हरप्रीता हरतोषणतत्परा॥

Verse

७३ ॥

Verse

हरेश्वरी रामरता रामा रामेश्वरी रमा । श्यामला चित्रलेखा च तथा भुवनमोहिनी ॥

Verse

७४ ॥

Verse

सुगोपी गोपवनिता गोपराज्यप्रदा शुभा । अङ्गारपूर्णा माहेयी मत्स्यराजसुतासती ॥

Verse

७५ ॥

Verse

कौमारी नारसिंही च वाराही नवदुर्गिका । चञ्चलाचञ्चलामोदा नारीभुवनसुन्दरी ॥

Verse

७६ ॥

Verse

दक्षयज्ञहरा दाक्षी दक्षकन्या सुलोचना । रतिरूपा रतिप्रीता रतिश्रेष्ठा रतिप्रदा ॥

Verse

७७ ॥

Verse

रतिलक्षणगेहस्था विरजा भुवनेश्वरी । शङ्कास्पदा हरेर्जाया जामातृकुलवन्दिता ॥

Verse

७८ ॥

Verse

वकुला वकुलामोदधारिणी यमुनाजया । विजया जयपत्नी च यमलार्जुनभञ्जिनी ॥

Verse

७९ ॥

Verse

वक्रेश्वरी वक्ररूपा वक्रवीक्षणवीक्षिता । अपराजिता जगन्नाथा जगन्नाथेश्वरी यतिः ॥

Verse

८० ॥

Verse

खेचरी खेचरसुता खेचरत्वप्रदायिनी । विष्णुवक्षःस्थलस्था च विष्णुभावनतत्परा ॥

Verse

८१ ॥

Verse

चन्द्रकोटिसुगात्री च चन्द्राननमनोहरा । सेवा सेव्या शिवा क्षेमा तथा क्षेमकरी वधूः ॥

Verse

८२ ॥

Verse

यादवेन्द्रवधूः शैब्या शिवभक्ता शिवान्विता । केवला निष्कला सूक्ष्मा महाभीमाभयप्रदा ॥

Verse

८३ ॥

Verse

जीमूतरूपा जैमूती जितामित्रप्रमोदिनी । गोपालवनिता नन्दा कुलजेन्द्रनिवासिनी ॥

Verse

८४ ॥

Verse

जयन्ती यमुनाङ्गी च यमुनातोषकारिणी । कलिकल्मषभङ्गा च कलिकल्मषनाशिनी ॥

Verse

८५ ॥

Verse

कलिकल्मषरूपा च नित्यानन्दकरी कृपा । कृपावती कुलवती कैलासाचलवासिनी ॥

Verse

८६ ॥

Verse

वामदेवी वामभागा गोविन्दप्रियकारिणी । नरेन्द्रकन्या योगेशी योगिनी योगरूपिणी ॥

Verse

८७ ॥

Verse

योगसिद्धा सिद्धरूपा सिद्धक्षेत्रनिवासिनी । क्षेत्राधिष्ठातृरूपा च क्षेत्रातीता कुलप्रदा ॥

Verse

८८ ॥

Verse

केशवानन्ददात्री च केशवानन्ददायिनी । केशवा केशवप्रीता केशवी केशवप्रिया ॥

Verse

८९ ॥

Verse

रासक्रीडाकरी रासवासिनी राससुन्दरी । गोकुलान्वितदेहा च गोकुलत्वप्रदायिनी ॥

Verse

९० ॥

Verse

लवङ्गनाम्नी नारङ्गी नारङ्गकुलमण्डना । एलालवङ्गकर्पूरमुखवासमुखान्विता ॥

Verse

९१ ॥

Verse

मुख्या मुख्यप्रदा मुख्यरूपा मुख्यनिवासिनी । नारायणी कृपातीता करुणामयकारिणी ॥

Verse

९२ ॥

Verse

कारुण्या करुणा कर्णा गोकर्णा नागकर्णिका । सर्पिणी कौलिनी क्षेत्रवासिनी जगदन्वया ॥

Verse

९३ ॥

Verse

जटिला कुटिला नीला नीलाम्बरधरा शुभा । नीलाम्बरविधात्री च नीलकण्ठप्रिया तथा ॥

Verse

९४ ॥

Verse

भगिनी भागिनी भोग्या कृष्णभोग्या भगेश्वरी । बलेश्वरी बलाराध्या कान्ता कान्तनितम्बिनी ॥

Verse

९५ ॥

Verse

नितम्बिनी रूपवती युवती कृष्णपीवरी । विभावरी वेत्रवती संकटा कुटिलालका ॥

Verse

९६ ॥

Verse

नारायणप्रिया शैला सृक्कणीपरिमोहिता । दृक्पातमोहिता प्रातराशिनी नवनीतिका ॥

Verse

९७ ॥

Verse

नवीना नवनारी च नारङ्गफलशोभिता । हैमी हेममुखी चन्द्रमुखी शशिसुशोभना ॥

Verse

९८ ॥

Verse

अर्द्धचन्द्रधरा चन्द्रवल्लभा रोहिणी तमिः । तिमिंगिलकुलमोदमत्स्यरूपाङ्गहारिणी ॥

Verse

९९ ॥

Verse

कारिणी सर्वभूतानां कार्यातीता किशोरिणी । किशोरवल्लभा केशकारिका कामकारिका ॥

Verse

१०० ॥

Verse

कामेश्वरी कामकला कालिन्दीकूलदीपिका ॥

Verse

१०१ ॥

Verse

कलिन्दतनयातीरवासिनी तीरगेहिनी ॥

Verse

१०२ ॥

Verse

कादम्बरीपानपरा कुसुमामोदधारिणी । कुमुदा कुमुदानन्दा कृष्णेशी कामवल्लभा ॥

Verse

१०३ ॥

Verse

तर्काली वैजयन्ती च निम्बदाडिम्बरूपिणी । बिल्ववृक्षप्रिया कृष्णाम्बरा बिल्वोपमस्तनी ॥

Verse

१०४ ॥

Verse

बिल्वात्मिका बिल्ववसुर्बिल्ववृक्षनिवासिनी । तुलसीतोषिका तैतिलानन्दपरितोषिका ॥

Verse

१०५ ॥

Verse

गजमुक्ता महामुक्ता महामुक्तिफलप्रदा । अनङ्गमोहिनी शक्तिरूपा शक्तिस्वरूपिणी ॥

Verse

१०६ ॥

Verse

पञ्चशक्तिस्वरूपा च शैशवानन्दकारिणी । गजेन्द्रगामिनी श्यामलतानङ्गलता तथा ॥

Verse

१०७ ॥

Verse

योषिच्छक्तिस्वरूपा च योषिदानन्दकारिणी । प्रेमप्रिया प्रेमरूपा प्रेमानन्दतरङ्गिणी ॥

Verse

१०८ ॥

Verse

प्रेमहारा प्रेमदात्री प्रेमशक्तिमयी तथा । कृष्णप्रेमवती धन्या कृष्णप्रेमतरङ्गिणी ॥

Verse

१०९ ॥

Verse

प्रेमभक्तिप्रदा प्रेमा प्रेमानन्दतरङ्गिणी । प्रेमक्रीडापरीताङ्गी प्रेमभक्तितरङ्गिणी ॥

Verse

११० ॥

Verse

प्रेमार्थदायिनी सर्वश्वेता नित्यतरङ्गिणी । हावभावान्विता रौद्रा रुद्रानन्दप्रकाशिनी ॥

Verse

१११ ॥

Verse

कपिला श्रृङ्खला केशपाशसम्बन्धिनी धटी । कुटीरवासिनी धूम्रा धूम्रकेशा जलोदरी ॥

Verse

११२ ॥

Verse

ब्रह्माण्डगोचरा ब्रह्मस्वरूपिणी भवभाविनी । संसारनाशिनी शैवा शैवलानन्ददायिनी ॥

Verse

११३ ॥

Verse

शिशिरा हेमरागाढ्या मेघरूपातिसुन्दरी । मनोरमा वेगवती वेगाढ्या वेदवादिनी ॥

Verse

११४ ॥

Verse

दयान्विता दयाधारा दयारूपा सुसेविनी । किशोरसङ्गसंसर्गा गौरचन्द्रानना कला ॥

Verse

११५ ॥

Verse

कलाधिनाथवदना कलानाथाधिरोहिणी । विरागकुशला हेमपिङ्गला हेममण्डना ॥

Verse

११६ ॥

Verse

भाण्डीरतालवनगा कैवर्ती पीवरी शुकी । शुकदेवगुणातीत शुकदेवप्रिया सखी ॥

Verse

११७ ॥

Verse

विकलोत्कर्षिणी कोषा कौशेयाम्बरधारिणी । कौषावरी कोषरूपा जगदुत्पत्तिकारिका ॥

Verse

११८ ॥

Verse

सृष्टिस्थितिकरी संहारिणी संहारकारिणी । केशशैवलधात्री च चन्द्रगात्रा सुकोमला ॥

Verse

११९ ॥

Verse

पद्माङ्गरागसंरागा विन्ध्याद्रिपरिवासिनी । विन्ध्यालया श्यामसखी सखीसंसाररागिणी ॥

Verse

१२० ॥

Verse

भूता भविष्या भव्या च भव्यगात्रा भवातिगा । भवनाशान्तकारिण्याकाशरूपा सुवेशिनी ॥

Verse

१२१ ॥

Verse

रतिरङ्गपरित्यागा रतिवेगा रतिप्रदा । तेजस्विनी तेजोरूपा कैवल्यपथदा शुभा ॥

Verse

१२२ ॥

Verse

भक्तिहेतुर्मुक्तिहेतुर्लङ्घिनी लङ्घनक्षमा । विशालनेत्रा वैशाली विशालकुलसम्भवा ॥

Verse

१२३ ॥

Verse

विशालगृहवासा च विशालबदरीरतिः । भक्त्यतीता भक्तिगतिर्भक्तिका शिवभक्तिदा ॥

Verse

१२४ ॥

Verse

शिवभक्तिस्वरूपा च शिवार्द्धाङ्गविहारिणी । शिरीषकुसुमामोदा शिरीषकुसुमोज्ज्वला ॥

Verse

१२५ ॥

Verse

शिरीषमृद्वी शैरीषी शिरीषकुसुमाकृतिः । वामाङ्गहारिणी विष्णोः शिवभक्तिसुखान्विता ॥

Verse

१२६ ॥

Verse

विजिता विजितामोदा गणगा गणतोषिता । हयस्या हेरम्बसुता गणमाता सुखेश्वरी ॥

Verse

१२७ ॥

Verse

दुःखहन्त्री दुःखहरा सेवितेप्सितसर्वदा । सर्वज्ञत्वविधात्री च कुलक्षेत्रनिवासिनी ॥

Verse

१२८ ॥

Verse

लवङ्गा पाण्डवसखी सखीमध्यनिवासिनी । ग्राम्यगीता गया गम्या गमनातीतनिर्भरा ॥

Verse

१२९ ॥

Verse

सर्वाङ्गसुन्दरी गङ्गा गङ्गाजलमयी तथा । गङ्गेरिता पूतगात्रा पवित्रकुलदीपिका ॥

Verse

१३० ॥

Verse

पवित्रगुणशीलाढ्या पवित्रानन्ददायिनी । पवित्रगुणसीमाढ्या पवित्रकुलदीपिनी ॥

Verse

१३१ ॥

Verse

कल्पमाना कंसहरा विन्ध्याचलनिवासिनी ॥

Verse

१३२ ॥

Verse

गोवर्धनेश्वरी गोवर्धनहास्या हयाकृतिः ॥

Verse

१३३ ॥

Verse

मीनावतारा मीनेशी गगनेशी हया गजी । हरिणी हारिणी हारधारिणी कनकाकृतिः ॥

Verse

१३४ ॥

Verse

विद्युत्प्रभा विप्रमाता गोपमाता गयेश्वरी । गवेश्वरी गवेशी च गवीशी गतिवासिनी ॥

Verse

१३५ ॥

Verse

गतिज्ञा गीतकुशला दनुजेन्द्रनिवारिणी । निर्वाणधात्री नैर्वाणी हेतुयुक्ता गयोत्तरा ॥

Verse

१३६ ॥

Verse

पर्वताधिनिवासा च निवासकुशला तथा । संन्यासधर्मकुशला संन्यासेशी शरन्मुखी ॥

Verse

१३७ ॥

Verse

शरच्चन्द्रमुखी श्यामहारा क्षेत्रनिवासिनी । वसन्तरागसंरागा वसन्तवसनाकृतिः ॥

Verse

१३८ ॥

Verse

चतुर्भुजा षड्‌भुजा च द्विभुजा गौरविग्रहा । सहस्त्रास्या विहास्या च मुद्रास्या मुददायिनी ॥

Verse

१३९ ॥

Verse

प्राणप्रिया प्राणरूपा प्राणरूपिण्यपावृता । कृष्णप्रीता कृष्णरता कृष्णतोषणतत्परा ॥

Verse

१४० ॥

Verse

कृष्णप्रेमरता कृष्णभक्ता भक्तफलप्रदा । कृष्णप्रेमा प्रेमभक्ता हरिभक्तिप्रदायिनी ॥

Verse

१४१ ॥

Verse

चैतन्यरूपा चैतन्यप्रिया चैतन्यरूपिणी । उग्ररूपा शिवक्रोदा कृष्णक्रोडा जलोदरी ॥

Verse

१४२ ॥

Verse

महोदरी महादुर्गकान्तारसुस्थवासिनी । चन्द्रावली चन्द्रकेशी चन्द्रप्रेमतरङ्गिणी ॥

Verse

१४३ ॥

Verse

समुद्रमथनोद्भुता समुद्रजलवासिनी । समुद्रामृतरूपा च समुद्रजलवासिका ॥

Verse

१४४ ॥

Verse

केशपाशरत निद्रा क्षुधा प्रेमतरङ्गिका । दूर्वादलश्यामतनुर्दूवादलतनुच्छविः ॥

Verse

१४५ ॥

Verse

नागरी नागरारागा नागरानन्दकारिणी । नागरलिङ्गनपरा नागराङ्गणमङ्गला ॥

Verse

१४६ ॥

Verse

उच्चनीचा हैमवतीप्रिया कृष्णतरङ्गदा । प्रेमालिङ्गनसिद्धाङ्गी सिद्धसाध्यविलासिका ॥

Verse

१४७ ॥

Verse

मङ्गलामोदजननी मेखलामोदधारिणी । रत्नमञ्जीरभूषाङ्गी रत्नभूषणभूषणा ॥

Verse

१४८ ॥

Verse

जम्बालमालिका कृष्णप्राणा प्राणविमोचना । सत्यप्रदा सत्यवती सेवकानन्ददायिका ॥

Verse

१४९ ॥

Verse

जगद्योनिर्जगद्बीजा विचित्रमणिभूषणा । राधारमणकान्ता च राध्या राधनरूपिणी ॥

Verse

१५० ॥

Verse

कैलासवासिनी कृष्णप्राणसर्वस्वदायिनी । कृष्णावतारनिरता कृष्णभक्तफलार्थिनी ॥

Verse

१५१ ॥

Verse

याचकायाचकानन्दकारिणी याचकोज्ज्वला । हरिभूषणभूषाढ्याऽऽनन्दयुक्ताऽऽर्द्रपादगा ॥

Verse

१५२ ॥

Verse

है-है-तालधरा थै-थै-शब्दशक्तिप्रकाशिनी । हे-हे-शब्दस्वरूपा च ही-ही-वाक्यविशारदा ॥

Verse

१५३ ॥

Verse

जगदानन्दकर्त्री च सान्द्रानन्दविशारदा । पण्डिता पण्डितगुणा पण्डितानन्दकारिणी ॥

Verse

१५४ ॥

Verse

परिपालनकर्त्री च तथा स्थितिविनोदिनी । तथा संहारशब्दाढ्या विद्वज्जनमनोहरा ॥

Verse

१५५ ॥

Verse

विदुषां प्रीतिजननी विद्वत्प्रेमविवर्धिनी । नादेशी नादरूपा च नादबिन्दुविधारिणी ॥

Verse

१५६ ॥

Verse

शून्यस्थानस्थिता शून्यरूपपादपवासिनी । कार्तिकव्रतकर्त्री च वसनाहारिणी तथा ॥

Verse

१५७ ॥

Verse

जलाशया जलतला शिलातलनिवासिनी । क्षुद्रकीटाङ्गसंसर्गा सङ्गदोषविनाशिनी ॥

Verse

१५८ ॥

Verse

कोटिकन्दर्पलावण्या कोटिकन्दर्पसुन्दरी । कन्दर्पकोटिजननी कामबीजप्रदायिनी ॥

Verse

१५९ ॥

Verse

कामशास्त्रविनोदा च कामशास्त्रप्रकाशिनी । कामप्रकाशिका कामिन्यणिमाद्यष्टसिद्धिदा ॥

Verse

१६० ॥

Verse

यामिनी यामिनीनाथवदना यामिनीश्वरी । यागयोगहरा भुक्तिमुक्तिदात्री हिरण्यदा ॥

Verse

१६१ ॥

Verse

कपालमालिनी देवी धामरूपिण्यपूर्वदा । कृपान्विता गुणागौण्या गुणातीतफलप्रदा ॥

Verse

१६२ ॥

Verse

कूष्माण्डभुतवेतालनाशिनी शरदान्विता । शीतला शबला हेला लीला लावण्यमङ्गला ॥

Verse

१६३ ॥

Verse

विद्यार्थिनी विद्यमाना विद्या विद्यास्वरूपिणी । आन्वीक्षिकीशास्त्ररूपा शास्त्रसिद्धान्तकारिणी ॥

Verse

१६४ ॥

Verse

नागेन्द्रा नागमाता च क्रीडकौतुकरूपिणी हरिभावनशीला च हरितोषणतत्परा ॥

Verse

१६५ ॥

Verse

हरिप्राणा हरप्राणा शिवप्राणा शिवान्विता । नरकार्णवसंहर्त्री नरकार्णवनाशिनी ॥

Verse

१६६ ॥

Verse

नरेश्वरी नरातीता नरसेव्या नराङ्गना । यशोदानन्दनप्राणवल्लभा हरिवल्लभा ॥

Verse

१६७ ॥

Verse

यशोदानन्दनारम्या यशोदानन्दनेश्वरी । यशोदानन्दनाक्रीडा यशोदाक्रोडवासिनी ॥

Verse

१६८ ॥

Verse

यशोदानन्दनप्राणा यशोदानन्दनार्थदा । वत्सला कोशला काला करुणार्णवरूपिणी ॥

Verse

१६९ ॥

Verse

स्वर्गलक्ष्मीर्भूमिलक्ष्मीर्द्रौपदी पाण्डवप्रिया । तथार्जुनसखी भौमी भैमी भीमकुलोद्भवा ॥

Verse

१७० ॥

Verse

भुवनमोहना क्षीणा पानासक्ततरा तथा । पानार्थिनी पानपात्रा पानपानन्ददायिनी ॥

Verse

१७१ ॥

Verse

दुग्धमन्थनकर्माढ्या दधिमन्थनतत्परा । दधिभाण्डार्थिनी कृष्णक्रोधिनी नन्दनाङ्गना ॥

Verse

१७२ ॥

Verse

घृतलिप्ता तक्रयुक्ता यमुनापारकौतुका । विचित्रकथका कृष्णहास्यभाषणतत्परा ॥

Verse

१७३ ॥

Verse

गोपाङ्गनावेष्टिता च कृष्णसङ्गार्थिनी तथा । राससक्ता रासरतिरासवासक्तवासना ॥

Verse

१७४ ॥

Verse

हरिद्रा हारिता हारिण्यानन्दार्पितचेतना । निश्चैतन्या च निश्चेता तथा दारुहरिद्रिका ॥

Verse

१७५ ॥

Verse

सुबलस्य स्वसा कृष्णभार्या भाषातिवेगिनी । श्रीदामस्य सखी दामदामिनी दामधारिणी ॥

Verse

१७६ ॥

Verse

कैलासिनी केशिनी च हरिदम्बरधारिणी । हरिसांनिध्यदात्री च हरिकौतुकमङ्गला ॥

Verse

१७७ ॥

Verse

हरिप्रदा हरिद्वारा यमुनाजलवासिनी । जैत्रप्रदा जितार्थी च चतुरा चातुरी तमी ॥

Verse

१७८ ॥

Verse

तमिस्त्राऽऽतपरूपा च रौद्ररूपा यशोऽर्थिनी । कृष्णार्थिनी कृष्णकला कृष्णनन्दविधायिनी ॥

Verse

१७९ ॥

Verse

कृष्णार्थवासना कृष्णरागिणी भवभाविनी । कृष्णार्थरहिता भक्ता भक्तभक्तिशुभप्रदा ॥

Verse

१८० ॥

Verse

श्रीकृष्णरहिता दीना तथा विरहिणी हरेः । मथुरा मथुराराजगेहभावनभावना ॥

Verse

१८१ ॥

Verse

श्रीकृष्णभावना मोदा तथोन्मादविधायिनी । कृष्णार्थव्याकुला कृष्णसारचर्मधरा शुभा ॥

Verse

१८२ ॥

Verse

अलकेश्वरपूज्या च कुबेरेश्वरवल्लभा । धनधान्यविधात्री च जाया काया हया हयी ॥

Verse

१८३ ॥

Verse

प्रणवा प्रणवेशी च प्रणवार्थस्वरूपिणी । ब्रह्मविष्णुशिवार्धाङ्गहारिणी शैवशिंशपा ॥

Verse

१८४ ॥

Verse

राक्षसीनाशिनी भूतप्रेतप्राणविनाशिनी । सकलेप्सितदात्री च शची साध्वी अरुन्धती ॥

Verse

१८५ ॥

Verse

पतिव्रता पतिप्राणा पतिवाक्यविनोदिनी । अशेषासाधिनी कल्पवासिनी कल्परूपिणी ॥

Verse

१८६ ॥

Verse

फलश्रुति: इत्येतत् कथितं देवि राधानामसहस्त्रकम् । यः पठेत् पाठयेद्वापि तस्य तुष्यति माधवः ॥

Verse

१८७ ॥

Verse

किं तस्य यमुनाभिर्वा नदीभिः सर्वतः प्रिये । कुरुक्षेत्रादितीर्थैश्च यस्य तुष्टो जनार्दनः ॥

Verse

१८८ ॥

Verse

स्तोत्रस्यास्य प्रसादेन किं न सिध्यति भूतले । ब्राह्मणो ब्रह्मवर्चाः स्यात् क्षत्रियो जगतीपतिः ॥

Verse

१८९ ॥

Verse

वैश्यो निधिपतिर्भूयाच्छूद्रो मुच्येत जन्मतः । ब्रह्महत्यासुरापानस्तेयादेरतिपातकात् ॥

Verse

१९० ॥

Verse

सद्यो मुच्येत देवेशि सत्यं सत्यं न संशयः । राधानामसहस्त्रस्य समानं नास्ति भूतले ॥

Verse

१९१ ॥

Verse

स्वर्गे वाप्यथ पाताले गिरौ वा जलतोऽपि वा । नातः परं शुभं स्तोत्रं तीर्थ नातः परं परम् ॥

Verse

१९२ ॥

Verse

एकादश्यां शुचिर्भूत्वा यः पठेत् सुसमाहितः । तस्य सर्वार्थसिद्धिः स्यात् श्रृणुयाद् वा सुशोभने । द्वादश्यां पौर्णमास्यां वा तुलसीसंनिधौ शिवे । यः पठेच्छृणुयाद्वापि तस्य तत्तत् फलं श्रृणु ॥

Verse

१९३ ॥

Verse

अश्वमेधं राजसूयं बार्हस्पत्यं तथाऽऽत्रिकम् । अतिरात्रं वाजपेयमग्निष्टोमं तथा शुभम् ॥

Verse

१९४ ॥

Verse

कृत्वा यत्फलमाप्नोति श्रुत्वा तत्फलमाप्नुयात् । कार्तिके चाष्टर्मी प्राप्य पठेद्वा श्रृणुयादपि ॥

Verse

१९५ ॥

Verse

सहस्त्रयुगकल्पान्तं वैकुण्ठवसतिं लभेत् । ततश्च ब्रह्मभवने शिवस्य भवने पुनः ॥

Verse

१९६ ॥

Verse

सुराधिनाथभवने पुनर्याति सलोकताम् । गङ्गातीरं समासाद्य यः पठेच्छृणुयादपि ॥

Verse

१९७ ॥

Verse

विष्णोः सारूप्यमायाति सत्यं सत्यं सुरेश्वरि । मम वक्त्रगिरेर्जाता पार्वतीवदनाश्रिता ॥

Verse

१९८ ॥

Verse

राधानामसहस्त्राख्या नदी त्रैलोक्यपावनी । पठ्यते हि मया नित्यं भक्त्या शक्त्या यथोचितम् ॥

Verse

१९९ ॥

Verse

मम प्राणसमं ह्यन्यत्‍ तव प्रीत्या प्रकाशितम् । नाभक्ताय प्रदातव्यं पाखण्डाय कदाचन ॥

Verse

२०० ॥

Verse

नास्तिकाय विरागाय रागयुक्ताय सुन्दरि । तथा देयं महास्तोत्रं हरिभक्ताय शंकरि ॥

Verse

२०१ ॥

Verse

वैष्णवेषु यथाशक्तिदात्रे पुण्यार्थशालिने ॥

Verse

२०२ ॥

Verse

राधानामसुधावारि मम वक्त्रसुधाम्बुधेः । उद्धृतासौ त्वया यत्नाद्‌ यतस्त्वं वैष्णवाग्रणीः ॥

Verse

२०३ ॥

Verse

विशुद्धसत्त्वाय यथार्थवादिने द्विजस्य सेवानिरताय मन्त्रिणे । दात्रे यथाशक्ति सुभक्तिमानसे राधापदध्यानपराय शोभने ॥

Verse

२०४ ॥

Verse

हरिपादाङ्कमधुपमनोभूताय मानसे । राधापादसुधास्वादशालिने वैष्णवाय च ॥

Verse

२०५ ॥

Verse

दद्यात्‍ स्तोत्रं महापुण्यं हरिभक्तिप्रसाधनम् । जन्मान्तरं न पश्यन्ति राधाकृष्णपदार्थिनः ॥

Verse

२०६ ॥

Verse

मम प्राणा वैष्णवा हि तेषां रक्षार्थमेव हि । शूलं मया धार्यते हि नान्यथा मेऽत्र कारणम् ॥

Verse

२०७ ॥

Verse

हरिभक्तिद्विषामर्थे शूलं संधार्यते मया । श्रृणु देवि यथार्थं मे गदितं मयि सुव्रते ॥

Verse

२०८ ॥

Verse

भक्तासि मे प्रियासि त्वमतः स्नेहात् प्रकाशितम् । कदापि नोच्यते देवि मया नामसहस्त्रकम् ॥

Verse

२०९ ॥

Verse

॥

Verse

इति श्रीनारदपाञ्चरात्रे ज्ञानामृतसारे श्रीराधिकासहस्त्रनामस्तोत्रं सम्पूर्णम् ॥

śrī viṣṇu sahastranāmastotram
karuṇāṣṭake

Read next

More on राधिका

  • राधिकाधिपाष्टकम् (निम्बार्काचार्यकृतम्)Ashtakam
  • श्रीराधिकाष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms