Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

rādhikādhipāṣṭakam (nimbārkācāryakṛtam)

राधिकाधिपाष्टकम् (निम्बार्काचार्यकृतम्)

Verse

चतुर्मुखादिसंस्तुतं समस्तसात्वतानुतम् हलायुधादिसंयुतं नमामि राधिकाधिपम् ॥१॥

Verse

बकादिदैत्यकालकं सगोपगोपिपालकम् मनोहरासितालकं नमामि राधिकाधिपम् ॥२॥

Verse

सुरेन्द्रगर्वभञ्जनं विरञ्चिमोहभञ्जनम् व्रजाङ्गनानुरञ्जनं नमामि राधिकाधिपम् ॥३॥

Verse

मयूरपिच्छमण्डनं गजेन्द्रदन्तखण्डनम् नृशंसकंसदण्डनं नमामि राधिकाधिपम् ॥४॥

Verse

प्रदत्तविप्रदारकं सुदामधामकारकम् सुरद्रुमापहारकं नमामि राधिकाधिपम् ॥५॥

Verse

धनञ्जयजयावहं महाचमूक्षयावहम् पितामहव्यथापहं नमामि राधिकाधिपम् ॥६॥

Verse

मुनीन्द्रशापकारणं यदुप्रजापहारणम् धराभरावतारणं नमामि राधिकाधिपम् ॥७॥

Verse

सुवृक्षमूलशायिनं मृगारिमोक्षदायिनम् स्वकीयधाममायिनं नमामि राधिकाधिपम् ॥८॥

Verse

इदं समाहितो हितं वराष्टकं सदा मुदा जपञ्जनो जनुर्जरादितो द्रुतं प्रमुच्यते ॥९॥

śrīdharmaśāstuḥ aṣṭakam
śrīśivarāmāṣṭakastotram (śrīrāmānandasvāmi viracitam)

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms