dohAvalI
rāga khamāca
राग खमाच
Verse
रे मन हरि सुमिरन करि लीजै ॥टेक॥
Verse
हरिको नाम प्रेमसों जपिये, हरिरस रसना पीजै । हरिगुन गाइय, सुनिय निरंतर, हरि-चरननि चित दीजै ॥
Verse
हरि-भगतनकी सरन ग्रहन करि, हरिसँग प्रीति करीजै । हरि-सम हरि जन समुझि मनहिं मन तिनकौ सेवन कीजै ॥
Verse
हरि केहि बिधिसों हमसों रीझै, सो ही प्रश्न करीजै । हरि-जन हरिमारग पहिचानै, अनुमति देहिं सो कीजै ॥
Verse
हरिहित खाइय, पहिरिय हरिहित, हरिहित करम करीजै । हरि-हित हरि-सन सब जग सेइय, हरिहित मरिये जीजै ॥
