dohAvalI
rāga khamāca - tāla dīpacaṃda
राग खमाच - ताल दीपचंद
Verse
नाथ मैं थारो जी थारो चोखो, बुरो, कुटिल अरु कामी, जो कुछ हूँ सो थारो ॥
Verse
बिगड्यो हूँ तो थारो बिगड़्यो, थे ही मनै सुधारो । सुधर्यो तो प्रभु सुधरयो थारो, थाँ सूँ कदे न न्यारो ॥
Verse
बुरो, बुरो, मैं भोत बुरो हूँ, आखर टाबर थारो । बुरो कुहाकर मैं रह जास्यूँ, नाँव बिगड़सी थारो ॥
Verse
थारो हूँ, थारो ही बाजूँ, रहस्यूँ थारो, थारो !! । आँगळियाँ नुह परै न हौवै, या तो आप विचारो ॥
Verse
मेरी बात जाय तो जाओ, सोच नही कछु म्हारो । मेरे बड़ो सोच यो लाग्यो बिरद लाजसी थारो ॥
Verse
जचै जिसतराँ करो नाथ ! अब, मारो चाहै त्यारो । जाँघ उघाड्याँ लाज मरोगा, ऊँडी बात बिचारो ॥
