dohAvalI
rāga kedārā - tāla tīnatāla
राग केदारा - ताल तीनताल
Verse
प्रभु ! मेरो मन ऐसो ह्वै जावै । बिषयनको बिष सगरो उतरै, पुनि नहिं कबहूँ छावै ॥
Verse
बिनसै सकल कामना मनकी अनत न कतहूँ धावै । निरखत निरत निरंतर माधुरि, स्याम मुरति सुख पावै ॥
Verse
कामी जिमि कामिनि-सँग चाहै, लोभी धन मन लावै । तिमि अबिरत निज प्रियतमकी सुधि, छिन इक नहिं बिसरावै ॥
Verse
ममता सकल जगतकी छूटै, मधुर स्याम छबि भावै । तवै आनन सरोज-रस चाखन मन मधुकर बनि जावै ॥
