dohAvalI
rāga kedārā - tāla tīnatāla
राग केदारा - ताल तीनताल
Verse
चहौं बस एक यही श्रीराम । अबिरल अमल अचल अनपाइनि, प्रेम-भगति निष्काम ॥
Verse
चहौं न सुत-परिवार, बंधु-धन, धरनी, जुवति ललाम । सुख-वैभव उपभोग जगतके चहौं न सुचि सुरधाम ॥
Verse
हरि-गुन सुनत सुनावत कबहूँ, मन न होइ उपराम । जीवन-सहचर साधु-संग सुभ, हो संतत अभिराम ॥
Verse
नीरदनील नवीन बदन अति सोभामय सुखधाम । निरखत रहौं बिस्वमय निसिदिन, छिन न लहौं बिस्राम ॥
