dohAvalI
bhāga 16
भाग १६
Verse
सज्जन और दुर्जनका भेद सुजन सुतरु बन ऊख सम खल टंकिका रुखान । परहित अनहित लागि सब साँसति सहर समान ॥
Verse
पिअहि सुमन रस अलिल बिटप काटि कोल फल खात । तुलसी तरुजीवी जुगल सुमति कुमति की बात ॥
Verse
अवसरकी प्रधानता अवसर कौड़ी जो चुकै बहुरि दिएँ का लाख । दुइज न चंदा देखिऐ उदौ कहा भरि पाख ॥
Verse
भलाई करना बिरले ही जानते हैं ग्यान अनभले को सबहि भले भलेहू काउ । सींग सूँड़ रद लूम नख करत जीव जड़ घाउ ॥
Verse
संसारमें हित करनेवाले कम है तुलसी जग जीवन अहित कतहुँ कोउ हित जानि । सोषक भानु कृसानु महि पवन एक घन दानि ॥
Verse
सुनिअ सुधा देखिअहिं गरल सब करतूति कराल । जहँ तहँ काक उलूक बक मानस सकृत मराल ॥
Verse
जलचर थलचर गगनचर देव दनुज नर नाग । उत्तम मध्यम अधम खल दस गुन बढ़त बिभाग ॥
Verse
बलि मिस देखे देवता कर मिस मानव देव । मुए मार सुबिचार हत स्वारथ साधन एव ॥
Verse
सुजन कहत भल पोच पथ पापि न परखइ भेद । करमनास सुरसरित मिस बिधि निषेध बद बेद ॥
Verse
वस्तुही प्रधान है, आधार नहीं मनि भाजन मधु पारई पूरन अमी निहारि । का छाँड़िअ का संग्रहिअ कहहु बिबेक बिचारि ॥
Verse
प्रीति और वैरकी तीन श्रेणियाँ उत्तम मध्यम नीच गति पाहन सिकता पानि । प्रीति परिच्छा तिहुन की बैर बितिक्रम जानि ॥
Verse
जिसे सज्जन ग्रहण करते है,उसे दुर्जन त्याग देते हैं पुन्य प्रीति पति प्रापतिउ परमारथ पथ पाँच । लहहिं सुजन परिहरहिं खल सुनहु सिखावन साँच ॥
Verse
प्रकृतिके अनुसार व्यवहारका भेद भी आवश्यक हैं नीच निरादरहीं सुखद आदर सुखद बिसाल । कदरी बदरी बिटप गति पेखहु पनस रसाल ॥
Verse
अपना आचरण सभी को अच्छा लगता है तुलसी अपनो आचरन भलो न लागत कासु । तेहि न बसात जो खात नित लहसुनहू को बासु ॥
Verse
भाग्यवान कौन है ? बुध सो बिबेकी बिमलमति जिन्ह के रोष न राग । सुहृद सराहत साधु जेहि तुलसी ताको भाग ॥
