dohAvalI
bhāga 14
भाग १४
Verse
एकाङ्गी अनुरागके अन्य उदाहरण बिबि रसना तनु स्याम है बंक चलनि बिष खानि । तुलसी जस श्रवननि सुन्यो सीस समरप्यो आनि ॥
Verse
मृगका उदाहरण आपु ब्याध को रूप धरि कुहौ कुरंगहि राग । तुलसी जो मृग मन मुरै परै प्रेम पट दाग ॥
Verse
सर्पका उदाहरण तुलसी मनि निज दुति फनिहि ब्याधिहि देउ दिखाइ । बिछुरत होइ नब आँधरो ताते प्रेम न जाइ ॥
Verse
कमलका उदाहरण जरत तुहिन लखि बनज बन रबि दै पीठि पराउ । उदय बिकस अथवत सकुच मिटै न सहज सुभाउ ॥
Verse
मछलीका उदाहरण देउ आपनें हाथ जल मीनहि माहुर घोरि । तुलसी जिऐ जो बारि बिनु तौ तु देहि कबि खोरि ॥
Verse
मकर उरग दादुर कमठ जल जीवन जल गेह । तुलसी एकै मीन को है साँचिलो सनेह ॥
Verse
मयूरशिखा बूटीका उदाहरण तुलसी मिटे न मरि मिटेहुँ साँचो सहज सनेह । मोरसिखा बिनु मूरिहूँ पलुहत गरजत मेह ॥
Verse
सुलभ प्रीति प्रीतम सबै कहत करत सब कोइ । तुलसी मीन पुनीत ते त्रिभुवन बड़ो न कोइ ॥
Verse
अनन्यताकी महिमा तुलसी जप तप नेम ब्रत सब सबहीं तें होइ । लहै बड़ाई देवता इष्टदेव जब होइ ॥
Verse
गाढ़े दिनका मित्र ही मित्र है कुदिन हितू सो हित सुदिन हित अनहित किन होइ । ससि छबि हर रबि सदन तउ मित्र कहत सब कोइ ॥
Verse
बराबरीका स्नेह दुःखदायक होता है कै लघुकै बड़ मीत भल सम सनेह दुख सोइ । तुलसी ज्यों घृत मधु सरिस मिलें महाबिष होइ ॥
Verse
मित्रतामें छल बाधक है मान्य मीत सों सुख चहैं सो न छुऐ छल छाहँ । ससि त्रिसंकु कैकेइ गति लखि तुलसी मन माहँ ॥
Verse
कहिअ कठिन कृत कोमलहुँ हित हठि होइ सहाइ । पलक पानि पर ओड़िअत समुझि कुघाइ सुघाइ ॥
Verse
वैर और प्रेम अंधे होते है तुलसी बैर सनेह दोउ रहित बिलोचन चारि । सुरा सेवरा आदरहिं निंदहिं सुरसरि बारि ॥
