Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

jambunāthāṣṭakaṃ

जम्बुनाथाष्टकं

Verse

श्री श्रीधरवेङ्कटेशार्येण विरचितम् ।

Verse

कश्चन जगतां हेतुः कपर्दकन्दलितकुमुदजीवातुः । जयति ज्ञानमहीन्दुर्जन्ममृतिक्लांतिहरदयाबिन्दुः ॥१॥

Verse

श्रितभृतिभद्धपताकः कलितोत्पलवननवमदोद्रेकः । अखिलाण्डमातुरेकः सुखयत्वस्मांस्तपःपरीपाकः ॥२॥

Verse

कश्चन कारुण्यझरः कमलाकुचकलशकषणनिशितशरः । श्रीमान् दमितत्रिपुरः श्रितजंभूपरिसरश्चकास्तु पुरः ॥३॥

Verse

शमितस्मरदवविसरश्शक्राद्याशास्यसेवनावसरः । करिवनघनभाग्यभरो गिरतु मलं मम मनस्सरश्शफरः ॥४॥

Verse

गृहिणीकृतवैकुण्ठं गेहितजंभूमहीरुडुपकण्ठम् । दिव्यं किमप्यकुण्ठं तेजः स्तादस्मदवनसोत्कण्ठम् ॥५॥

Verse

कृतशमनदर्पहरणं कृतकेतरफणितिचारिरथचरणम् । शक्रादिश्रितचरणं शरणं जंभूद्रुमांतिकाभरणम् ॥६॥

Verse

करुणारसवारिधये करवाणि नमः प्रणम्रसुरविधये । जगदानन्दधुनिधये जंभूतरुमूलनिलयसन्निधये ॥७॥

Verse

कश्चन शशिचूढालं कण्ठेकालं दयौघमुत्कूलम् । श्रितजंभूतरुमूलं शिक्षितकालं भजे जगन्मूलम् ॥८॥

Verse

॥जंभुनाथाष्टकं संपूर्णम् ॥

Verse

श्रीकण्ठमिव भास्वन्तं शिवनामपरायणम्। श्रीधरं वेङ्कटेशार्यं श्रेयसे गुरुमाश्रये ॥

Verse

भगवन्नामभूषणम्

candraśekharāṣṭakaṃ
toṭakāṣṭakaṃ

Read next

More on जम्बुनाथाष्टकं

  • जम्बुनाथाष्टकम् (श्रीधरवेङ्कटेशाचार्यकृतम्)Ashtakam
  • जम्बुनाताष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms