Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

mahāgaṇapati navārṇavedapāda stavaḥ

महागणपति नवार्णवेदपाद स्तवः

Verse

श्रीकण्ठतनय श्रीश श्रीकर श्रीदलार्चित । श्रीविनायक सर्वेश श्रियं वासय मे कुले ॥१॥

Verse

गजानन गणाधीश द्विजराज-विभूषित । भजे त्वां सच्चिदानन्द ब्रह्मणां ब्रह्मणस्पते ॥२॥

Verse

णषष्ठवाच्यनाशाय रोगाटविकुठारिणे । घृणापालितलोकाय वनानां पतये नमः ॥३॥

Verse

धियं प्रयच्छते तुभ्यम् ईप्सितार्थप्रदायिने । दीप्तभूषणभूषाय दिशां च पतये नमः ॥४॥

Verse

पञ्चब्रह्मस्वरूपाय पञ्चपातकहारिणे । पञ्चतत्त्वात्मने तुभ्यं पशूनां पतये नमः ॥५॥

Verse

तटित्कोटि-प्रतीकाश-तनवे विश्वसाक्षिणे । तपस्वि-ध्यायिने तुभ्यं सेनानिभ्यश्च वो नमः ॥६॥

Verse

ये भजन्त्यक्षरं त्वां ते प्राप्नुवन्त्यक्षरात्मताम् । नैकरूपाय महते मुष्णतां पतये नमः ॥७॥

Verse

नगजावरपुत्राय सुरराजार्चिताय च । सगुणाय नमस्तुभ्यं सुमृडीकाय मीढुषे ॥८॥

Verse

महापातकसङ्घात महारणभयापह । त्वदीय कृपया देव सर्वानव यजामहे ॥९॥

Verse

नवार्णरत्ननिगमपादसम्पुटितां स्तुतिम् । भक्त्या पठन्ति ये तेषां तुष्टो भव गणाधिप ॥

Verse

॥इति श्री-महागणपति नवार्णवेदपादस्तवः सम्पूर्णः॥

gaṇeśabhujaṅgam
veṅkaṭeśa suprabhātam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms