Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

guruvātapurīśapañcaratnam

गुरुवातपुरीशपञ्चरत्नम्

Verse

कल्याणरूपाय कलौ जनानां कल्याणदात्रे करुणासुधाब्धे । कम्ब्वादिदिव्यायुधसत्कराय वातालयाधीश नमो नमस्ते ॥१॥

Verse

नारायणेत्यादि जपद्भिरुच्चैः भक्तैः सदापूर्णमहालयाय । स्वतीर्थगाङ्गोपम-वारिमग्न निवर्तिताशेषरुजे नमस्ते ॥२॥

Verse

ब्राह्मे मुहूर्ते परिधः स्वभक्तैः सन्दृष्टसर्वोत्तमविश्वरूप । स्वतैलसंसेवकरोगहर्त्रे वातालयाधीश नमो नमस्ते ॥३॥

Verse

बालान् स्वकीयान् तवसन्निधाने दिव्यान्नदानात्परिपालयद्भिः । सदा पठद्भिश्च पुराणरत्नं संसेवितायास्तु नमो हरे ते ॥४॥

Verse

नित्यान्नदात्रे च महीसुरेभ्यः नित्यं दिविस्थैर्निशि पूजिताय । मात्रा च पित्रा च तथोद्धवेन सम्पूजितायास्तु नमो नमस्ते ॥५॥

Verse

अनन्तरामाख्य-मखिप्रणीतं स्तोत्रं पठेद् यस्तु नरस्त्रिकालम् । वातालयेशस्य कृपाफलेन लभेत सर्वाणि च मङ्गलानि ॥

Verse

गुरुवातपुरीशपञ्चकाख्यं स्तुतिरत्नं पठतां सुमङ्गलं स्यात् । हृदि चापि विशेद्धरिः स्वयं तु रतिनाथायुततुल्यदेहकान्तिः ॥

Verse

॥इति श्री-अनन्तराम-दीक्षितेन विरचितं श्री-गुरुवातपुरीशपञ्चरत्नं सम्पूर्णम्‌॥

Verse

कस्तूरीतिलकं ललाटपटले वक्षःस्थले कौस्तुभं नासाग्रे वरमौक्तिकं करतले वेणुः करे कङ्कणम् । सर्वाङ्गे हरिचन्दनं सुललितं कण्ठे च मुक्तावली गोपस्त्रीपरिवेष्टितो विजयते गोपालचूडामणिः ॥

Verse

अस्ति स्वस्तरुणीकराग्रविगलत् कल्पप्रसूनाप्लुतं वस्तुप्रस्तुतवेणुनादलहरी निर्वाणनिर्व्याकुलम् । स्रस्तस्रस्तनिबद्धनीविविलसत् गोपीसहस्रावृतं हस्तन्यस्तनतापवर्गमखिलोदारं किशोराकृति ॥

dāmodarāṣṭakam
vātapuranāthāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms