Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

sahasranAma

śrī gaṇapativedapādastavaḥ

श्री गणपतिवेदपादस्तवः

Verse

श्रीकण्ठतनय श्रीश श्रीकर श्रीजलार्चित श्री विनायक सर्वेश श्रियं वासय मे कुले ॥१॥

Verse

गजानन गणाधीश द्विजराजविभूषित । भजे त्वां सच्चिदानन्द ब्रह्मणां ब्रह्मणस्पते ॥२॥

Verse

गणाधीशाय नमते ऋणाटविकुठारिणे । घृणापालितलोकाय वनानां पतये नमः ॥३॥

Verse

धीप्रदाय नमस्तुभ्यं ईप्सितार्थप्रदायिने । दीप्तभूषणभूषाय दिशां च पतये नमः ॥४॥

Verse

पञ्चब्रह्मस्वरूपाय पञ्चपातकहारिणे । पञ्चतत्त्वात्मने तुभ्यं पशूनां पतये नमः ॥५॥

Verse

तटित्कोटिप्रतीकाश तनवे विश्वसाक्षिणे । तपःस्वाध्यायिने तुभ्यं सेनानिभ्यश्च वो नमः ॥६॥

Verse

एकाक्षरस्वरूपाय एकदन्ताय वेधसे । नैकरूपाय महते मुष्णतां पतये नमः ॥७॥

Verse

नगजावरपुत्राय खगराजार्चिताय च । सुगुणाय नमस्तुभ्यं सुमृडीकाय मीढुषे ॥८॥

Verse

महापातकसंघातैः महाऋणभयात्सदा । त्वदीयकृपया देव सर्वानव यजामहे ॥९॥

Verse

नवरत्नमयींमालां नवाक्षरसमन्वितां भक्त्या पठन्ति ये नित्यं तेषां तुष्येत्गणाधिपः ॥१०॥

śrīmanāce śloka
śrī aṃgārakastotram (skāndapurāṇāntargatam)

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms