dohAvalI
sūradāsa kī racanāeṃ - bhāga 2
सूरदास की रचनाएं - भाग २
Verse
२६. महाराज भवानी ब्रह्म भुवनकी रानी ॥ध्रु०॥
Verse
आगे शंकर तांडव करत है । भाव करत शुलपानी ॥
Verse
महा०॥१॥
Verse
सुरनर गंधर्वकी भिड भई है । आगे खडा दंडपानी ॥
Verse
महा०॥२॥
Verse
सुरदास प्रभु पल पल निरखत । भक्तवत्सल जगदानी ॥
Verse
महा०॥३॥
Verse
२७. हरि जनकू हरिनाम बडो धन हरि जनकू हरिनाम ॥
Verse
ध्रु०॥
Verse
बिन रखवाले चोर नहि चोरत सुवत है सुख धाम ॥
Verse
ब०॥१॥
Verse
दिन दीन होते सवाई दोढी धरत नहीं कछु दाम ॥
Verse
ब०॥२॥
Verse
सुरदास दोढी धरत नहीं कछु दाम ॥
Verse
ब०॥३॥
Verse
प्रभु सेवा जाकी पारससुं कहां काम ॥
Verse
ब०॥४॥
Verse
२८. ऐसे संतनकी सेवा । कर मन ऐसे संतनकी सेवा ॥ध्रु०॥
Verse
शील संतोख सदा उर जिनके । नाम रामको लेवा ॥
Verse
क०॥१॥
Verse
आन भरोसो हृदय नहि जिनके । भजन निरंजन देवा ॥
Verse
क०॥२॥
Verse
जीन मुक्त फिरे जगमाही । ज्यु नारद मुनी देवा ॥
Verse
क०॥३॥
Verse
जिनके चरन कमलकूं इच्छत । प्रयाग जमुना रेवा ॥
Verse
क०॥४॥
Verse
सूरदास कर उनकी संग । मिले निरंजन देवा ॥
Verse
क०॥५॥
Verse
२९. जयजय नारायण ब्रह्मपरायण श्रीपती कमलाकांत ॥ध्रु०॥
Verse
नाम अनंत कहां लगी बरनुं शेष न पावे अंत । शिव सनकादिक आदि ब्रह्मादिक सूर मुनिध्यान धरत ॥
Verse
जयजय० ॥१॥
Verse
मच्छ कच्छ वराह नारसिंह प्रभु वामन रूप धरत । परशुराम श्रीरामचंद्र भये लीला कोटी करत ॥
Verse
जयजय० ॥२॥
Verse
जन्म लियो वसुदेव देवकी घर जशूमती गोद खेलत । पेस पाताल काली नागनाथ्यो फणपे नृत्य करत ॥
Verse
जयजय० ॥३॥
Verse
बलदेव होयके असुर संहारे कंसके केश ग्रहत । जगन्नाथ जगमग चिंतामणी बैठ रहे निश्चत ॥
Verse
जयजय० ॥४॥
Verse
कलियुगमें अवतार कलंकी चहुं दिशी चक्र फिरत । द्वादशस्कंध भागवत गीता गावे सूर अनंत ॥
Verse
जयजय० ॥५॥
Verse
३०. जनम सब बातनमें बित गयोरे ॥ध्रु०॥
Verse
बार बरस गये लडकाई ।
Verse
बसे जोवन भयो । त्रिश बरस मायाके कारन देश बिदेश गयो ॥१॥
Verse
चालीस अंदर राजकुं पायो बढे लोभ नित नयो । सुख संपत मायाके कारण ऐसे चलत गयो ॥
Verse
जन० ॥२॥
Verse
सुकी त्वचा कमर भई ढिली, ए सब ठाठ भयो । बेटा बहुवर कह्यो न माने बुड ना शठजीहू भयो ॥
Verse
जन० ॥३॥
Verse
ना हरी भजना ना गुरु सेवा ना कछु दान दियो । सूरदास मिथ्या तन खोवत जब ये जमही आन मिल्यो ॥
Verse
जन०॥४॥
Verse
३१. देखो ऐसो हरी सुभाव देखो ऐसो हरी सुभाव बिनु गंभीर उदार उदधि प्रभु जानी शिरोमणी राव ॥ध्रु०॥
Verse
बदन प्रसन्न कमलपद सुनमुख देखत है जैसे | बिमुख भयेकी कृपावा मुखकी फिरी चितवो तो तैसे ॥दे०॥१॥
Verse
सरसो इतनी सेवाको फल मानत मेरु समान । मानत सबकुच सिंधु अपराधहि बुंद आपने जान ॥दे०॥२॥
Verse
भक्तबिरह कातर करुणामय डोलत पाछे लाग । सूरदास ऐसे प्रभुको दये पाछे पिटी अभाग ॥दे०॥३॥
Verse
३२. सब दिन गये विषयके हेत सब दिन गये ॥
Verse
गंगा जल छांड कूप जल पिवत हरि तजी पूजत प्रेत ॥ध्रु०॥
Verse
जानि बुजी अपनो तन खोयो केस भये सब स्वेत । श्रवण न सुनत नैनत देखत थके चरनके चेत ॥
Verse
सब०॥१॥
Verse
रुधे द्वार शब्द छष्ण नहि आवत ।
Verse
चंद्र ग्रहे जेसे केत ।
Verse
सूरदास कछु ग्रंथ नहि लागत । अबे कृष्ण नामको लेत ॥
Verse
सब०॥२॥
Verse
३३. मन तोये भुले भक्ति बिसारी मन तो ये भुले भक्ति बिसारी । शिरपर काल सदासर सांधत देखत बाजीहारी ॥ध्रु०॥
Verse
कौन जमनातें सकृत कीनो मनुख देहधरी । तामे नीच करम रंग रच्यो दुष्ट बासना धरी ॥
Verse
मन० ॥१॥
Verse
बालपनें खेलनमें खोयो जीवन गयो संग नारी । वृद्ध भयो जब आलस आयो सर्वस्व हार्यो जुवारी ॥
Verse
मन०॥२॥
Verse
अजहुं जरा रोग नहीं व्यापी तहांलो भजलो मुरारी । कहे सूर तूं चेत सबेरो अंतकाल भय भारी ॥
Verse
मन०॥३॥
Verse
३४. बेर बेर नही आवे अवसर बेर बेर नही आवे । जो जान तो करले भलाई जन्मोजन्म सुख पावे ॥
Verse
बरे०॥१॥
Verse
धन जोबत अंजलीको पाणी बखणतां बेर नहीं लागे । तन छुटे धन कोन कामको काहेकूं करनी कहावे ॥
Verse
बेर बेर०॥२॥
Verse
ज्याको मन बडो कृष्ण स्नेहकुं झूठ कबहूं नही आवे । सूरदासकी येही बिनती हरखी निरखी गुन गावे ॥
Verse
बेर बेर०॥३॥
Verse
३५. केत्ते गये जखमार भजनबिना केत्ते गये० ॥ध्रु०॥
Verse
प्रभाते उठी नावत धोवत पालत है आचार ॥
Verse
भज०॥१॥
Verse
दया धर्मको नाम न जाण्यो ऐसो प्रेत चंडाल ॥
Verse
भज०॥२॥
Verse
आप डुबे औरनकूं डुबाये चले लोभकी लार ॥
Verse
भज०॥३॥
Verse
माला छापा तिलक बनायो ठग खायो संसार ॥
Verse
भज०॥४॥
Verse
सूरदास भगवंत भजन बिना पडे नर्कके द्वार ॥
Verse
भज०॥५॥
Verse
३६. क्यौरे निंदभर सोया मुसाफर क्यौरे निंदभर सोया ॥ध्रु०॥
Verse
मनुजा देहि देवनकु दुर्लभ जन्म अकारन खोया ॥
Verse
मुसा०॥१॥
Verse
घर दारा जोबन सुत तेरा वामें मन तेरा मोह्या ॥
Verse
मुसा०॥२॥
Verse
सूरदास प्रभु चलेही पंथकु पिछे नैनूं भरभर रोया ॥
Verse
मुसा०॥३॥
Verse
३७. जय जय श्री बालमुकुंदा । मैं हूं चरण चरण रजबंदा ॥ध्रु०॥
Verse
देवकीके घर जन्म लियो जद । छुट परे सब बंदा ॥
Verse
च०॥१॥
Verse
मथुरा त्यजे हरि गोकुल आये । नाम धरे जदुनंदा ॥
Verse
च०॥२॥
Verse
जमुनातीरपर कूद परोहै ।
Verse
फनपर नृत्यकरंदा जमुनातीरपर कूद परोहै । फरपर नृत्यकरंदा ॥
Verse
च०॥३॥
Verse
सूरदास प्रभु तुमारे दरशनकु । तुमही आनंदकंदा ॥
Verse
च०॥४॥
Verse
३८. निरधनको धनि राम । हमारो०॥ध्रु०॥
Verse
खान न खर्चत चोर न लूटत । साथे आवत काम ॥ह०॥१॥
Verse
दिन दिन होत सवाई दीढी । खरचत को नहीं दाम ॥ह०॥२॥
Verse
सूरदास प्रभु मुखमों आवत । और रसको नही काम हमारो०॥३॥
Verse
३९. अद्भुत एक अनुपम बाग ॥ध्रु०॥
Verse
जुगल कमलपर गजवर क्रीडत तापर सिंह करत अनुराग ॥१॥
Verse
हरिपर सरवर गिरीवर गिरपर फुले कुंज पराग ॥२॥
Verse
रुचित कपोर बसत ताउपर अमृत फल ढाल ॥३॥
Verse
फलवर पुहूप पुहुपपर पलव तापर सुक पिक मृगमद काग ॥४॥
Verse
खंजन धनुक चंद्रमा राजत ताउपर एक मनीधर नाग ॥५॥
Verse
अंग अंग प्रती वोरे वोरे छबि उपमा ताको करत न त्याग ॥६॥
Verse
सूरदास प्रभु पिवहूं सुधारस मानो अधरनिके बड भाग ॥७॥
Verse
४०. तबमें जानकीनाथ कहो ॥ध्रु०॥
Verse
सागर बांधु सेना उतारो । सोनेकी लंका जलाहो ॥१॥
Verse
तेतीस कोटकी बंद छुडावूं बिभिसन छत्तर धरावूं ॥२॥
Verse
सूरदास प्रभु लंका जिती ।
Verse
सो सीता घर ले आवो । तबमें जानकीनाथ०॥३॥
Verse
४१. कमलापती भगवान । मारो साईं कम०॥ध्रु०॥
Verse
राम लछमन भरत शत्रुघन । चवरी डुलावे हनुमान ॥१॥
Verse
मोर मुगुट पितांबर सोभे । कुंडल झलकत कान ॥२॥
Verse
सूरदास प्रभु तुमारे मिलनकुं ।
Verse
दासाकुं वांको ध्यान । मारू सांई कमलापती० ॥३॥
Verse
४२. उधो मनकी मनमें रही ॥ध्रु०॥
Verse
गोकुलते जब मथुरा पधारे । कुंजन आग देही ॥१॥
Verse
पतित अक्रूर कहासे आये । दुखमें दाग देही ॥२॥
Verse
तन तालाभरना रही उधो । जल बल भस्म भई ॥३॥
Verse
हमरी आख्या भर भर आवे । उलटी गंगा बही ॥४॥
Verse
सूरदास प्रभु तुमारे मिलन । जो कछु भई सो भई ॥५॥
Verse
४३. नारी दूरत बयाना रतनारे ॥ध्रु०॥
Verse
जानु बंधु बसुमन बिसाल पर सुंदर शाम सीली मुख तारे ।
Verse
रहीजु अलक कुटील कुंडलपर मोतन चितवन चिते बिसारे ।
Verse
सिथील मोंह धनु गये मदन गुण रहे कोकनद बान बिखारे ।
Verse
मुदेही आवत है ये लोचन पलक आतुर उधर तन उधारे । सूरदास प्रभु सोई धो कहो आतुर ऐसोको बनिता जासो रति रहनारे ॥१॥
Verse
४४. अति सूख सुरत किये ललना संग जात समद मन्मथ सर जोरे ।
Verse
राती उनीदे अलसात मरालगती गोकुल चपल रहतकछु थोरे ।
Verse
मनहू कमलके को सते प्रीतम ढुंडन रहत छपी रीपु दल दोरे ।
Verse
सजल कोप प्रीतमै सुशोभियत संगम छबि तोरपर ढोरे ।
Verse
मनु भारते भवरमीन शिशु जात तरल चितवन चित चोरे ।
Verse
वरनीत जाय कहालो वरनी प्रेम जलद बेलावल ओरे । सूरदास सो कोन प्रिया जिनी हरीके सकल अंग बल तोरे ॥१॥
Verse
४५. रैन जागी पिया संग रंग मीनी ॥ध्रु०॥
Verse
प्रफुल्लित मुख कंज नेन खजरीटमान मेन मिथुरी । रहे चुरन कच बदन ओप किनी ॥१॥
Verse
आतुर आलस जंभात पूलकीत अतिपान खाद मद । माते तन मुधीन रही सीथल भई बेनी ॥२॥
Verse
मांगते टरी मुक्तता हल अलक संग अरुची रही ऊरग । नसत फनी मानो कुंचकी तजी दिनी ॥३॥
Verse
बिकसत ज्यौं चंपकली भोर भये भवन चली लटपटात । प्रेम घटी गजगती गती लिन्हा ॥४॥
Verse
आरतीको करत नाश गिरिधर सुठी सुखकी रासी सूरदास । स्वामीनी गुन गने न जात चिन्ही ॥५॥
Verse
४६. खेलिया आंगनमें छगन मगन किजिये कलेवा ।
Verse
छीके ते सारी दधी उपर तें कढी धरी पहीर । लेवूं झगुली फेंटा बाँधी लेऊं मेवा ॥१॥
Verse
गवालनके संग खेलन जाऊं खेलनके मीस भूषण ल्याऊं । कौन परी प्यारे ललन नीसदीनकी ठेवा ॥२॥
Verse
सूरदास मदनमोहन घरही खेलो प्यारे । ललन भंवरा चक डोर दे हो हंस चकोर परेवा ॥३॥
Verse
४७. काना कुबजा संग रिझोरे । काना मोरे करि कामारिया ॥ध्रु०॥
Verse
मैं जमुना जल भरन जात रामा । मेरे सिरपर घागरियां ॥
Verse
का०॥१॥
Verse
मैं जी पेहरी चटक चुनरिया । नाक नथनियां बसरिया ॥
Verse
का०॥२॥
Verse
ब्रिंदाबनमें जो कुंज गलिनमो । घेरलियो सब ग्वालनिया ॥
Verse
का०॥३॥
Verse
जमुनाके निरातीर धेनु चरावे । नाव नथनीके बेसरियां ॥
Verse
का०॥४॥
Verse
सूरदास प्रभु तुमरे दरसनकु । चरन कमल चित्त धरिया ॥
Verse
का०॥५॥
Verse
४८. कोण गती ब्रिजनाथ । अब मोरी कोण गती ब्रिजनाथ ॥ध्रु०॥
Verse
भजनबिमुख अरु स्मरत नही । फिरत विषया साथ ॥१॥
Verse
हूं पतीत अपराधी पूरन । आचरु कर्म विकार ॥२॥
Verse
काम क्रोध अरु लाभ । चित्रवत नाथ तुमही ॥३॥
Verse
विकार अब चरण सरण लपटाणो । राखीलो महाराज ॥४॥
Verse
सूरदास प्रभु पतीतपावन । सरनको ब्रीद संभार ॥५॥
Verse
४९. चोरी मोरी गेंदया मैं कैशी जाऊं पाणीया ॥ध्रु०॥
Verse
ठाडे केसनजी जमुनाके थाडे ।
Verse
गवाल बाल सब संग लियो ।
Verse
न्यारे न्यारे खेल खेलके । बनसी बजाये पटमोहे ॥
Verse
चो०॥१॥
Verse
सब गवालनके मनको लुभावे ।
Verse
मुरली खूब ताल सुनावे ।
Verse
गोपि घरका धंदा छोडके । श्यामसे लिपट जावे ॥
Verse
चो०॥२॥
Verse
सूरदास प्रभू तुमरे चरणपर ।
Verse
प्रेम नेमसे भजत है ।
Verse
दया करके देना दर्शन । अनाथ नाथ तुमारा है ॥
Verse
चो०॥३॥
Verse
५०. खेलने न जाऊं मैया ग्वालिनी खिजावे मोहे । पीत बसन गुंज माला लेती है छुडायके ॥ध्रु०॥
Verse
कोई तेरा नाम लेके लागी गारी मोकु देण । मैं भी वाकूं गारी देके आयहुं पलायके ॥
Verse
खे०॥१॥
Verse
कोई मेरा मुख चुंबे भवन बुलाय केरी । कांचली उतार लेती देती है नचायके ॥
Verse
खे०॥२॥
Verse
सूरदास तो तलात नमयासु कहत बात हांसे ।
Verse
उठ मैया लेती कंठ लगायके । खेलनेन जाऊं ॥
Verse
खे०॥३॥
