dohAvalI
rāga hamīra - tāla tīnatāla
राग हमीर - ताल तीनताल
Verse
प्रभु बोले मुसुकाई । जाते तोरि नाव रहि जावे, सोइ जतन करु भाई ॥
Verse
पाँव पखारु, लाइ गङ्गाजल, अब मत बिलँब लगाई । सुनत बचन तेहि छिन सौ दौरयौ, मनमहँ अति हरखाई ॥
Verse
भरयौ कठौता गङ्गाजलसों सब परिवार बुलाई । प्रभु-पद आइ पखारन लाग्यो, उर आनँद न समाई ॥
Verse
सुरन बिलोकि प्रेम-करुना अति, नभ दुंदुभी बजाई । केवट भाग्य सराहिं अमित बिधि, सुमन बृष्टि झरि लाई ॥
Verse
पद पखारि, सब लै चरनामृत, पुरुखन पार लँघाई । सीता लखन सहित रघुनंदन, हरषित नाव चलाई ॥
