Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

rāga hamīra - tāla tīnatāla

राग हमीर - ताल तीनताल

Verse

बिदुर-गह्र स्याम पाहुने आये । नख-सिख रुचिररूप मनमोहन, कोटिमदन छबि छाये ॥

Verse

बिदुर न हुते घरहिमें तेहि छिन, स्याम पुकारन लागे । बिदुर घरनि नहाति उठि धाई नैन प्रेमरस पागे ॥

Verse

भूली बसन न्हात रहि जेहि थल, तनु सुधि सकल भुलाई । बोलति अटपट बचन प्रेमबस, कदरी-फल ले आई ॥

Verse

छीलत डारत गूदो इत-उत छिलका स्याम खवावै । बारहिं-बार स्वाद कहि-कहि हरि,प्रमुदित भोग लगावै ॥

Verse

तनिक बेर मह॥

Verse

हरि गुन गावत, बिदुर घरहिं जब आये । देखि दरस सो कहत, 'अहह ! तैं छिलका स्याम खवायें' ॥

Verse

करतें केरा झटकि बिदुर घरनी घरमाहि पठाई । तनु सुधि पाइ सलाज ससंकित, बसन पहिरि चलि आई ॥

Verse

बिदुर प्रेमजुत छीलि छीलिकै केरा हरिहिं खवावै । कहत स्याम वह सरस मनोहर स्वाद न इनमहँ आवै ॥

Verse

भूखो सदा प्रेमको डोलूँ भगत-जनन गृह जाऊँ । पाइ प्रेमजुत अमिय पदारथ, खात न कबहुँ अघाऊँ ॥

Verse

हरि अवतरे कारागार ॥

Verse

दिसि सकल भइँ परम निरमल अभ्र सुखमा-सार । लता-बिटप सुपल्लवित पुष्पित नमत फल-भार ॥

Verse

सुखद मंद सुगंध सीतल बहत मलय-बयार । देवगन हरखत सुमन बरखत करत जयकार ॥

Verse

बिनय करत बिरंचि नारद सिद्ध बिबिध प्रकार । करत किन्नर गान बहु गंधरब हरख अपार ॥

Verse

संख चक्र गदा नवांबुज लसत है भुज चार । भृगु-लता कौस्तुभ सुसोभित, कांतिके आगार ॥

Verse

नौमि नीरद नील नव तनु गले मुकताहार । पीत पट राजत, अलक लखि अलिहु करत पुकार ॥

Verse

परम बिस्मित देखि दंपति छबिहिं अमित उदार । निरखि सुंदरता अपरिमित लाजत कोटिन मार ॥

rāga sāraṃga - tāla tīnatāla
rāga āsāvarī - tāla tīnatāla

Read next

More on राग हमीर ताल तीनताल

  • राग हमीर - ताल तीनतालDohavali

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms